Август 15 аҽны, адыд мацәыс анааха амца ацралан инықәццышәаа иблит Гәдоуҭа араион Дәрыҧшь ақыҭантəи анхаҩы иҩны.

17.08.2017
1452

Август 15 аҽны, шьыбжьон, адыд мацәыс анааха амца ацралан инықәццышәаа иблит Гәдоуҭа араион Дәрыҧшь ақыҭантәи анхацәа аӡәы иҩны. Уажәы аҧшәмацәа рҭынхацәа рҿы иҟоуп, хыҵакырҭада иахьаанхаз азы. 

Амашәыр ахьыҟалаз аҭыҧ аҿы иҟан ҳкорреспондентцәа. Иааидкыланы Гәдоуҭа араион зегь аҟнеиҧш Дәрыҧшьгьы аҵыхәтәантәи аамҭазы аарҩароуп , анхацәа ақәа иазыҧшуп. Аха , ашьыбжьон август жәохә рзы иаалырҟьаны иҟалаз уаҩы дазыҧшӡамызт. Афырҭын асра, адыд мацәыс ҟалеит уи аҽны. Абри иахҟьангьы, Едуард Гәымба иҩны амца ацралеит. Амацәыс иахҟьаны инхарҭа аҩ- еихагылакгьы амца ацралеит. Анцәа имчала уи аҽны ихшареи имаҭацәеи аӡәгьы аҩны иҟамызт. Урҭ аҩны иахызар арыцҳара ҕәҕәа ҟалар алшон. Агәылацәеи, адырра зауз амца арцәаҩцәеи ирласны арахь ишаазгьы, шамахамзар аҩнымаҭәа изакәзаалак аиқәырхара рыламшеит.

Гәдоуҭа араион ахадара амаҵзура ҷыда ахаҭарнакцәа, абылра ахьыҟалаз иааны уи аҭагылазаашьа гәарҭеит, уи иагыу- иабзоу аиқәршәараз ашәҟәқәа еиқәыршәоуп. Аҧшәмцәагьы гәыҕуеит, ажәа аҟны ишырҳәо еиҧш, напеилаҧса ҟалар аҩны зегьы акәмазаргьы, уадақәак иаарласны иҟаҵахап ҳәа. Агәыҕра ыҟоуп , аицхраара иабзоураны ашықәс ҿыц ҳҭалаанӡа аҭаацәа рыҩны иахылап ҳәа. 

Е.Арџьениа, А. Џьениа , АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
163
Аҭыжьымҭаҿы:Данҭаха ашьҭахь ҩажәи хәба шықәса рнаҩс. Ахьӡ-аҧша апарк аҿы анышә дамардеит Аҧсны Афырхаҵа Ирина Гоцериӡе.
163
Аҟәа араион Иашҭхәа ақыҭан инхо ауааҧсыра хымыз инареиҳаны ӡыда иҟан, аӡынашьҭыгақәа ахьыблыз иахҟьаны.
51
Аусурақәа мҩаҧнагон аҳәынҭқарратә еилахәыра «Аҧснымашьынамҩа».
Алаҳәарақәеи адныҳәаларақәеи
АГТРК