Очамчыра араион рыӡбамҭа инақəыршəаны,ауадақәа рызшахоит анхарҭа змам, уаанӡа ирыҩхьаз арзаҳалқәа инарықәыршәаны.

17.08.2017
526

Рацәак ҵуам уаанӡа Урыстәылатәи арра -мшынтә баҕәаза иаҵанакуаз аҩнеихагылақәа ҩба Очамчыра араион абалансахь ииаргеижьҭеи. Уажәы анапхгара рыӡбамҭа инақәыршәаны, ауадақәа рызшахоит анхарҭа змам, уаанӡа ирыҩхьаз арзаҳалқәа инарықәыршәаны.

Аҵыхәтәантәи ашықәсқәа рзы нхарҭатә ҭыҧла реиқәыршәаразы Очамчыра араион ахадарахь арзаҳалқәа алазҵаз ауааҧсыра рхыҧхьаӡара шәи ҩажәа ҩык иреиҳауп. Дара зегьы еиуеиҧшым амзызқәа ирыхҟьаны иахьынхо рымам. Аибашьраан алҧсаа дзауз, мамзаргьы ахшара рацәа змоу аҭаацәарақәа, иара убасгьы еиуеиҧшым аусбарҭақәа рҿы аус зуа аспециалистцәа ҿарацәа абарҭ зегьы қьырала ауадақәа амхны ирыҩноуп. Ироуа ауалафахәы аиҳарак рынхарҭа ахә ахшәаара иагоит. Абарҭқәа зегьы ҳасаб рзуноуп араион ахада Хьрыҧс Џьопуа аӡбамҭа зидикылаз, хынҩажәи ҧшьба уада ауааҧсыра хәыда – ҧсада рызшаразы. 

Убри ааан иазгәаҭатәуп, арҭ ауадақәа зегьы аиҭашьақәргылара шырҭахыу, Хьрыҧс Џьопуа иазгәеиҭеит, анхарҭа зырҭо ауааҧсыреи, араион ахадареи анаториалтә котораҿы ишьақәырҕәҕәо аиқәшаҳаҭра шрыбжьарҵо. Иара инақәыршәаны шықәсык мамзаргьы ҩышықәса рыҩныҵҟа ауадақәа зауа дара еиҭашьақәыргыланы ирыҩналароуп. Анаҩс ирыҭахоит арҭ анхарҭатә ҭыҧқәа дара ишыртәу шьақәзырҕәҕәо ашәҟәқәа. Уаҟа иарбахоит арҭ ауадақәа рыҭира азин шрымам. Ауадақәа заураны иҟоу ауааҧсыра ракәзар, араион ахада дақәдыргәыҕит аиқәшаҳаҭра ианыло адҵақәа зегьы рынагӡара ишазыхиоу. 

Абас ала, хара имгакәа Очамчыра ақалақь аҿы аҿыцнхара азгәарҭоит хынҩажәи ҧшьба ҭаацәара. 

А.Корсаиа, А. Маланиа , АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15 Ииун 2018
21
«Аҧсныи Урыстәылеи раҧхьагылаҩцәа қәыҧшцәа» рфорум.. Москва имҩаҧысыз аҿар рфорум далахәын Аҧсны Ахада.
15 Ииун 2018
23
Асасааирҭаҿы инырхоу ауааҧсыра ирзаҧҵоуп аҧсшьаразы аҭагылазаашьа бзиақәа.
15 Ииун 2018
27
Адунеи иқәынхо амсылманцәа аџьаама иаҭааны Аллаҳ имҵаныҳәара мҩаҧыргоит.
14 Ииун 2018
91
Аҭыжьымҭаҿы:Урыстәылатәи амедицинатә ҧгаҧса ауааҧсыра рыҭара шымҩаҧысуа. Ҳдырраҭара актуалра злоу анҵамҭа.
14 Ииун 2018
69
Уи аартын аспектакль «Широколобый» ақәыргылара ала.
14 Ииун 2018
79
Аҟəа ақалақь ахада Адгəыр Ҳаразиа имҩаҧигеит аилатəара ақалақьтә усбарҭақәа рхаҭарнакцәа алархəны.
Загрузка плеера
Алаҳәарақәеи адныҳәаларақәеи
АГТРК