Аҧсныи, Урыстәылеи, Аахыҵ- Уаҧстәылеи рҟнытәи аҿар арра - патриоттә ааӡара иахысуеит Бамборатәи ар рбазаҿы.

17.08.2017
808

Август жәаф рзы Гәдоуҭа иҟоу Урыстәылатәи абыжьбатәи арратә база аҟны иаатит Урыстәылеи, Аҧсныи, Аахыҵ- Уаҧстәылеи рҿар злахәу арра- патриоттә ҧсшьарҭа.Уи аусура шеиҿкаау ҳкорреспондентцәа ранҵамҭаҿы. 

Ҩымчыбжьа рыла араҟа арра- патриоттә ҽазыҟаҵарақәа мҩаҧыргоит ҩышә- ҩык инарзынаҧшуа аҿар. Урҭ алҧшааны арахь иаагоуп Урыстəыла еиуеиҧшым арегионқәеи, Аахыҵ- Уаҧстәылеи, Аҧсныи рҟынтә. Алагер аартра аан аҿари аруааи рҿаҧхьа иқәгылеит абыжьбатәи арратә база акомандаҟаҵаҩ аполковник Игор Егоров, абаҩрҵәыреи аспорти рзы аҳәынҭқарратә хеилак аиҳабы Баграт Хәытаба , Аҧсны аиашахаҵаратә уахәама аиҳабы Аб Басариан.

Аҿар аҽазыҟаҵарақәа ирылагаанӡа, ирыҭан арратә маҭәа, еихшан Урыстәылатәи архәҭа еиуеиҧшым аотриадқәа рахь. Аҿар араҟа рыҟазаара хықәкы хадас иамоуп урҭ аррахь ианнеиуа разыҟаҵара. Апрограмма аҟны иҟоуп атеориатәи апрактикатәи ҽазыҟаҵара, еиуеиҧшым абџьар хкқәа рхархәашььа дырҵара. Алагер аартра аҽны араҟа арра маҵура иахысуа Урыстәылатәи аруаа аҿар рҟазара ддырбеит. Уахь иалаҵатәуп напышьашәалатәи аисра, еиуеиҧшым абџьар хкқәа рхархәара. Арра- патриоттә ҽазыҟаҵарақәа хыркәшахоит. Август ҩажәи ааба рҽны.

 Е.Арџьениа, А. Џьениа АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
5
Ари ацәыргақәҵаҿы асахьақәа ахәшьара рырҭон зҧышәа ҳараку асахьаҭыхҩцәа.
11
Урҭ рҟны еуеиҧшым атемақәа ирылацәажәон Аҧсныи Урыстәылеи рхаҭарнакцәа .
7
Ари ашықәсазы аицлабраҿы иқәыргылан аноминациақәа ааба.
49
Абарҭ азҵаарақәа ирызкын Ауаажәларатә палатаҿы имҩаҧгаз аилатәара .
Алаҳәарақәеи адныҳәаларақәеи
АГТРК