Аҧсны аҩныҵҟатәи аусқәа рминистрра анапхгара ааҧхьара рыман Ауаажәларратә палата ашҟа.

18.08.2017
166

Аҧсны аҩныҵҟатәи аусқәа рминистрра анапхгара ааҧхьара рыман ауаажәларратә палата ашҟа. Аиҧылараҿы ирылацәажәон ацәгьоурақәеи, ашәарҭадареи рызҵаарақәа. 

Амилициа аусзуҩцәа ирҳәеит, рнапы иану адҵақәа шынарыгӡо, русураҿы проблемас ирымоу. Амилициа аусзуҩцәа рықәҿиарақәеи рыгхақәеи зегьы ирбарҭоуп . Убри азы ауп дара рганахь ала еснагь ацәажәарақәа аҭыҧ зрымоу. Убри аан ирацәаҩым русура шеиҿкаау здыруа.

Ауаажәларратә палата алахәылацәа ирыӡбеит, аминистрра анапхгара рҟнытә еилыркаарц ацәгьоурақәа раҧырҟәҟәааразы иазгәаҭаны ирымоу аусурақәа рҵакы. Насгьы ишазыхиоу рҳәеит иахьрылшо аҭыҧ аҟны ацхыраара рыҭара. Аҧыза- министр ихаҭыҧуаҩ аҩныҵҟатәи аусқәа рминистр Аслан Кобахьиа иазгәеиҭеит, ауаажәларра злахәу ахеилак аусбарҭаҿы аҧҵара дшадгыло. Иҳәеит аинформациа- координациатә центр аҧҵаразы аусурақәа рхыркәшарахьы ишнаргахьоу.

Аминистр иазгәеиҭеит, аусбарҭа аштат злахарҭәаау ҩынҩажәи жәаба процент заҵәык рыла шакәу. Ауалафахәы ахьмаҷу иахҟьаны, аусура инеиуам. Иҳәеит, алеишәа еилазго амилициа аусзуҩцәа русурақәа ишрымхыу. Мысратәи ахҭыс иалахәыз рганахь ала аусҭҵаара хацыркуп. Аслан Кобахьиа иажәақәа рыла, сынтәа шықәсыбжак иалагӡаны ирбаандаҩуп анаркотикатә маҭәашьарқәа зҭиуаз ҩажәи – жәаҩык инарыцны. Дара арҩашьыга еиҳарак иахьынтәаарго Урыстәылантәи ауп. Амилициа агәҩара рымоуп уантәи анаркотикатә маҭәашьарқәа арахь иаазышьҭуа рхыҧхьаӡараҿы аҧсуаагьы ыҟоуп ҳәа. 

Анаркотикатә маҭәашьарқәа раагара аанкылараҿы ацхыраара ҟарҵароуп Урыстәылатәи амилициа аусзуҩцәагьы. Иҳәеит, анаркотикатә маҭәашьар аҳәаа иахызго еиуеиҧшым аметодқәа рхы ишадырхәо. Џьоукы рцәа- ржьы аҟны ирҵәахуеит, Уи аҭыҧ ахьӡ аҳәарагьы акыр иҧхашьароуп ҳәа азгәеиҭеит аминистр. Амҩатәи машәырқәа иҟалогьы реиҳарак зыхҟьо анаркотикатә маҭәашьарқәа аҧсҟы зкыу иахьрыдыркыло ауп. Абаандаҩцәа рзы абахҭа ҿыц аргылара азҵаара далацәажәо , Аслан Кобахьиа иҳәеит, уаанӡа ҩнызқьҩык рҭыҧ змоу ахыбра аҟаҵара апроект мап шацәкыу. 

Мышқәак раҧхьа аҩныҵҟатәи аусқәа рминистрра азааигәара шәҩык рҟынӡа ауаа еизаны изгылаз ҳәа азҵаара аҭак ҟаҵо, аминистр иҳәеит уи зыхҟьаз. Ауаажәларратә палатаҿ имҩаҧысыз аиҧылараҿы аминистрра анапхгара убасгьы ирҳәеит , ҳаҧхьаҟа амилициа аусзуҩцәа руалафахәы Аҧснытәи абиуџьет аҟнытә ироуа аҟаҵара шахәҭоу. Рҭак ҟарҵеит аплата иалоу рызҵаарақәа. 

Д. Инаҧшьба, Алықьса Агәхаа,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
17 Ианвар 2018
32
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
21
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
24
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
18
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
36
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
71
16 Ианвар 2018
56
Уи иахҟьаны иҧсҭазаара далҵит Узбекистан атәылауаҩ.
Загрузка плеера
Алаҳәарақәеи адныҳәаларақәеи
АГТРК