«Спутник-Аҧсны» апресс –маҵзураҿы имҩаҧысит «Аҟәа –Ереван –Бишкек –Астана –Минск» рҳәынҭқарратә –авто- инспекциақәа рхаҭарнакцәа злахәыз авидео- цҳа .

18.08.2017
259

«Спутник-Аҧсны» апресс –маҵзураҿы имҩаҧысит «Аҟәа –Ереван –Бишкек –Астана –Минск» рҳәынҭқарратә –авто- инспекциақәа рхаҭарнакцәа злахәыз авидео- цҳа .

Уаҟа ирзааҭгылан арҭ аҳәынҭқаррақәа рҿы амҩатә хҭысқәа рыстатистика . Аҟәа –Ереван –Бишкек –Астана –Минск рҳәынҭавтоинспекциақәа рхаҭарнакцәа злахәыз авидео-цҳа хықәкыс иаман , амҩатә хҭысқәа рхыҧхьаӡара аиҵатәразы , рхы иадырхәо аметодқәа иаадырҧшуа алҵшәақәа реилкаара .

 Иазгәаҭатәуп , статистикала авидео-цҳа иалахәыз аҳәынҭқаррақәа ирыҿурҧшуазар , Беларуссиа амҩатә хҭысқәа рхыҧхьаӡара акырӡа ишылаҟәхаз ,ҳазҭоу ашықәс иалагӡан амҩатә машәырқәа 40роуп зынӡа ашәҟәы иҭагалоу . Минсктәи Аҳәынҭавтоинспекциа ахаҭарнак иазгәеиҭеит , ари аҩыза астатистика шарбаз 1985-86 тәи ашықәсқәа рзы , уажәтәи аамҭа иаҿырҧшны ҳахәаҧшуазар , усҟан амҩатә машәырқәа акырӡа ианеиҵаз шықәсқәан .

 Иааидкыланы иуҳәозар , арҭ аҳәынҭқаррақәа зегьы рҿы аҵыхәтәантәи аамҭазы амҩатә хҭысқәа рхыҧхьаӡара маҷхеит. Уи зыбзоуроу, еиҳаракгьы , авидеохылаҧшыгақәа иаҳа иахьшәарҭоу аҭыҧқәа рҿы иахьышьақәыргылоу ауп . Насгьы автоинспекциа ахаҭарнакцәа еиҳарак ауаа рацәаны иахьеизо , мамзаргьы иаҳа иахьшәарҭо аҭыҧқәа рҿы амҩа иахылаҧшуеит . Ҿырҧштәыс иаагозар, цәыббрамза алагамҭазы ,агәҽанызаара аарҧшны автоинспекциа аусуҩцәа ашколқәа рзааигәара амҩадуқәа рҿы игылоит . 

Ахәыҷқәа аҧхынтәи аҧсшьарамшқәа рышьҭахь , маҷк ирхашҭуеит амҩақәа рҿы ахымҩаҧгашьа, ҳәа азгәарҭеит , авидеоцҳа алахәылацәа . Аҧсны Аҳәынҭавтоинспекциа аиҳабы ихаҭыҧуаҩ Баҭал Агрба иажәақәа рыла , аҵыхәтәантәи жәа-шықәса , Аҧсны ари аганахь ала астатистика иацлеит . Уи зыхҟьоу амзызқәа маҷым , иҳәеит иара . Баҭал Агрба иажәақәа рыла , Аҧсны амҩатә машәырқәа рыстатистика ахыҧхьаӡара аиҵатәразы , имҩаҧыргоит аусурақәа .

Амҩатә машәырқәа раҧырҟәҟәааразы амашьынаныҟәцаҩцәеи , ауаажәларра рыхдырреи , амилициа ахҭарнакцәеи уҳәа дарбанзаалак аҧҟарақәа дрықәныҟәозароуп .Иакыу аҧҟара зегьы ианеицырзеиҧшха , ҳҭагылазаашьа акырӡа еиҕьхоит . Хәыҷы-хәыҷла , амҩатә машәырқәа рхыҧхьаӡарагьы иагхалоит .

Дениза Гьергьиаҧҳа ,Ҭемыр Гогохьиа,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Ииун 2018
79
Аҭыжьымҭаҿы:Аиубилеитә рыцхәқәа рымҩаҧгара аҽазыҟаҵара иазкны Аҧсны Ахада аилацәажәара мҩаҧигеит.
20 Ииун 2018
49
Убри азы аӡбамҭа идикылеит Аҧсны аҵареи аҭҵаарадырреи рминистр Адгәыр Какоба.
20 Ииун 2018
77
Урҭ аҭыҧқәа ргәаҭаразы дырҭааит аҳҭнықалақь ахада Адгәыр Ҳаразиа.
20 Ииун 2018
45
Ҷыдала иаҧҵаз аусуҩтә гәыҧ ари азҵаара анҭырҵаа, еилкаахеит Аҧсны атәылауаа рзинқәа реилагара аҭыҧ шамоу.
20 Ииун 2018
49
Убас,. Гагра араион Алаҳаӡыхь ақыҭаҿы иҟоу агәамеизгарҭа ауадаҩрақәа акыр рызцәырнагоит ааигәа инхо ауааҧсыра.
Загрузка плеера
Алаҳәарақәеи адныҳәаларақәеи
АГТРК