Хәы змаӡам аҭынхақәа рыҧшааит «Џьанҭоутәи аҧсыжырҭа» аҟны.

18.08.2017
405

Хәы змаӡам аҭынхақәа рыҧшааит «Џьанҭоутәи аҧсыжырҭа» аҟны.  Мызкы  иназынаҧшуа Тҟәарчал ақалақь Џьанҭоу  аҳабла аҟны аҧшаарақәа мҩаҧыргоит Урыстәылеи Аҧсныи рархеологцәа. Сынтәа имҩаҧгаз аҧшаарақәа алҵшәа бзиақәа аарышьҭит ҳәа азырыҧхьаӡоит аҵарауаа. Аҧшаахқәа аус рыдуланы Аҧснытәи аҳәынҭқарратә музеи иаҭахоит.

  Аџьаз, аиха ирылху ацәаҩычагатә маҭәахәқәа, ахаҳәи асаркьеи ирылху  аимхəыцқәа, аибашьыгатә маругақәа, ажәакала хәы змаӡам аҭынхақәа рыҧшаара алыршахеит Тҟәарчал ақалақь Џьанҭоу аҳабла   иахьаҵанакуа иҟоу «Џьанҭоутәи  аҧсыжырҭаҿ». Иара  зқьи ҩышә шықәса инареиҳаны иахыҵуеит, аџьаз  аамҭа иаҵанакуеит.Сынтәа, уи аҭыҧ аҟны иҧшаан иҿыблаан иҟаз анышәаҧшьлыхқәа, аҳаҧшьалыхқәа уҳәа усҟантәи аамҭақәа рзы аҧсуаа рхы иадырхәоз амаҭәахәқәа .

  Иазгәаҭатәуп, «Џьанҭоутәи аҧсыжырҭа» аҟны аҧшаарақәа мҩаҧыргоижьҭеи сынтәа жәаҩа шықәса шҵуа. Уи аамҭа иалагӡан иҧшааз амаҭәахәқәа реиҳарак аус рыдырулахьеит, дара Аҳәынҭқарратә музеи  ахыбра аҟны иҟоуп. Аекспедициа анхыркәшахо иҧшааз амаҭәахәқәа зегьы иҷыдоу арыцқьара иахысуеит. Аҳәынҭқарратә музеи аиҳабы Аркади Џьапуа иҳәеит,  аинтернет хархәагақәа рҿы сынтәа «Џьанҭоутәи аҧсыжырҭа» аҟны ахьы ҧшаан ҳәа ицәырҵыз аинформациа  шиашам, ус еиҧш иҟаз ахҭыс аҭыҧ шамаз хәышықәса раҧхьа.
Тҟәарчал араион ахада илҳәеит, «Џьанҭоутәи аҧсыжырҭа» аҟны имҩаҧырго аҧшаарақәа аҵак ду шрымоу, урҭ аҧшаахқәа хәы змаӡам аҭоурыхтә ҭынхақәа рахь ишаҵанакуа.  

Аҳәынҭқарратә музеи аиҳабы иажәақәа рыла «Џьанҭоутәи аҧсыжырҭаҿы» аҭҵаарақәа сынтәа ихыркәшахоит , анаҩс ргәы  иҭоуп ацәыргақәҵа аиҿкаара, иара убас еизгоу аматериалқәа шьаҭас иаиуеит  иҭыҵран иҟоу амонографиа.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15 Ииун 2018
21
«Аҧсныи Урыстәылеи раҧхьагылаҩцәа қәыҧшцәа» рфорум.. Москва имҩаҧысыз аҿар рфорум далахәын Аҧсны Ахада.
15 Ииун 2018
23
Асасааирҭаҿы инырхоу ауааҧсыра ирзаҧҵоуп аҧсшьаразы аҭагылазаашьа бзиақәа.
15 Ииун 2018
29
Адунеи иқәынхо амсылманцәа аџьаама иаҭааны Аллаҳ имҵаныҳәара мҩаҧыргоит.
14 Ииун 2018
91
Аҭыжьымҭаҿы:Урыстәылатәи амедицинатә ҧгаҧса ауааҧсыра рыҭара шымҩаҧысуа. Ҳдырраҭара актуалра злоу анҵамҭа.
14 Ииун 2018
69
Уи аартын аспектакль «Широколобый» ақәыргылара ала.
14 Ииун 2018
79
Аҟəа ақалақь ахада Адгəыр Ҳаразиа имҩаҧигеит аилатəара ақалақьтә усбарҭақәа рхаҭарнакцәа алархəны.
Загрузка плеера
Алаҳәарақәеи адныҳәаларақәеи
АГТРК