Аҳәынҭқарратә жәлар рыкәашаратә ансамбль «Кавказ» ҩаҧхьа аконцерттә программа рыманы амҩа иқәлоит.

18.08.2017
479

Кандид Ҭарба ихьӡ зху Аҳәынҭқарратә жәлар рыкәашаратә  ансамбль «Кавказ» ҩаҧхьа аконцерттә программа рыманы  амҩа иқәлоит. Ирҭаараны иҟоуп Урыстәыла ақалақьқәа жәаба. Агострольқәа мҩаҧыслоит ҩажәижәаба мшы, нанҳәа ҩажәа инаркны цәыббра ҩажәанӡа. Мышқәак рышьҭахь амҩа иқәло ансамбль рҽазыҟаҵарақәа шымҩаҧысуа атәы еилыркаауан ҳкорреспондентцәа.

Амҽыша, асааҭ ҩба рзы «Кавказ» аколлектив, аконцерттә программа рыманы Урыстәылаҟа идәықәлоит. Мызкы аҩныҵҟа ақәгыларақәа мҩаҧыргоит еиуеиҧшым ақалақьқәа рҿы. Раҧхьатәи аконцерт мҩаҧгахоит Волгодонск ақалақь аҟны. Ас еиҧш агострольқәа Кавказ имҩаҧнагоит ҩышықәса рахь знык.  Сынтәа хынтәуп уахь ааҧхьара рымоижьҭеи.

Сааҭки бжаки рҟынӡа ицо рконцертә программа  аҧсуа кәашарала ихацдыркырц ргәы иҭоуп. Қалақь цыҧхьаӡа хымш иаанхоит.. Ансамбль анапхгаҩы излазгәаиҭаз ала,  Нововоронеж, Курск, Питер, Москва,  Мурманск, уҳәа ақалақьқәа рҟны зынӡа жәаха қәгылара ддырбараны иҟоуп. Арҭ ақалақьқәа рахь ансамбль «Кавказ» иалахәу акәашаҩцәа зегь цараны иҟан, аха, урҭ зегьы рдокументқәа ахьеиқәшәам иахҟьаны ,ицо рхьыҧхьаӡара иагхеит.
Уажәтәи агострольқәа  ирылахәу рхьыҧхьаӡараҿы дыҟоуп Риҵа Алаҟаиаҧҳа. Ҩымз роуп иҵуа ансамбль далоуижьҭеи. Уаанӡа «Кавказ» иатәу астудиахь шықәсык дныҟәон. Ари раҧхьатәи лгастроль ауп. Лара илҳәоит, акәашарахь илымоу агәыбылра ашықәсқәа цацыҧхьаӡа иаҳа-иаҳа ишацло. Раҧхьатәи агастроль ахь лцара лҭаацәа мап ацәырымкит.

Хыхь еиқәаҳаҧхьаӡаз ақалақьқәа рҟынтәи қәҿиарала иқәгыланы ианыхынҳәлак ашьҭахь, жьҭаарамзазы еиҭа амҩа иқәлоит Ҟрым имҩаҧысраны иҟоу «Ҟрым аеҵәа» захьӡу афестиваль аҽалархәуразы. Анаҩс ааҧхьара рымоуп Курск ақалақь ахь.  

Наала Чхьынџьериаҧҳа, Леон Адлеиба, АТ.




Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
5
Уи иалахәын аҭҵаарадырратәи арҿиаратәи интеллигенциа рхаҭарнакцәа,аполитикцәа,жәлар реизара адепутатцәа.
5
Иҟалаз ахҭыс инамаданы, араион анапхгара ауснагӡатәқәа реиҿкаара азгәаҭаны ирымоуп.
1
Аҭыжьымҭаҿы:Аҧсныи Шьамтәылеи ирыбжьарҵаз аиқәшаҳаҭрақәа шьақәдырҕәҕәеит, аҳәынҭбиуџьет актәи аҧхьараҿы ирыдыркылеит. Жәлар реизара аилатәара аҟынтәи анҵамҭа.
1
Урҭ ирылахәыз Абызшәатә политиказы аҳәынҭқарратә еилак аҟны иранашьан асертификатқәа.
9
Уи авторс дамоуп Аҧсны аҭҵаарадыррақәа ракадемиа академик, апрофессор Ҭеимураз Ачыгәба.
1
Амшхәаҧштә аҟны иқәгылан жә-зҵаарак.
Алаҳәарақәеи адныҳәаларақәеи
АГТРК