Аҧхынразы Аҧсны ицәырҵуа иалагоит еиуеиҧшым аҿкычмазарақәа.

21.08.2017
403

Аҧхынразы Аҧсны ицәырҵуа иалагоит еиуеиҧшым аҿкычмазарақәа. Уи зыхьуа ауаа рхыҧхьаӡарагьы иацлоит. Иахьатәи аамҭазы аҭагылазаашьа зеиҧшроу аилкааразы ҳҭыхратә гәыҧ рҭааит Аҟәатәи ахәышәтәырҭақәа рҳақьымцәа.

Аҧхынра Аҧсныҟа амшын аҭаларазы иаауа аҧсшьаҩцәеи атәыла ауааҧсыреи аҧсшьарамшқәа ибзиан ирхыргар рҭахуп. Аҿкычмазара ухьыр алшоит амшын аҟны, ҳауала, афатә ала. Ҵыҧх иадкыланы авирустә чымазара ҳазҭагылоу аамҭазы Аҧсны изыхьуа ауаа рхьыҧхьаӡара акырынтә илаҟәит. Уи дырҵабыргуеит Аҧсны аҳәынҭқарратә санитар-епидемиологиатә маҵзураҟны иаагоу арбагақәа. Аҟәатәи ақалақьтә инфекциатә хәышәтәырҭа аҳақьымцәа ргәаанагарала ачымазара змаҷхаз, сынтәа ҳтәылаҿы аҧсшьаҩцәа рхыҧхьаӡара иахьагхаз ауп.

Ҳазлацәажәо аҿкчымазара  зыхьуа еиҳарак ашколқәра иаҵанамкуа ахәыҷқәеи Аҧсны иаҭаауа аҧсшьаҩцәеи роуп. Бжьаратәла ҳахәаҧшуазар, ахәыҷқәа ачымазара хәымш рыла ирхыргоит. Аҳақьымцәа ауааҧсыра ргәырҽанырҵоит,  аҿкчымазара анухь иаразнак ахәышәтәырҭахь ишнеитәу азы. Аҩны аҽыхәышәтәра зынӡаск ишаҧсам. Алиса Панган лхәыҷы илыхьыз аҿкычымазара шакәыз иаразнак илзеилымкааит. Ашоура анлоу, лхаҧыцқәа ирхаралҵеит. Аҵыхәтәан аҳақьым иахь даннеи ишьақәыргылахеит  аҿкчымазара шакәыз.

Акурортә аамҭа иалагӡаны аҿкчымазара умкырц азы иҟоуп аҧҟарақәа. Урҭ урықәныҟәалар ачымазара уацәцар алшоит. Иудыруазароуп, ашәырқәеи ауҭраҭыхқәеи мыӡәӡәакәа рыфара шыҟамло, уахьыҟазаалакгьы аҩны уаннеилак анапы аӡәӡәара шхымҧадатәиу. Аҧсны асанитартә ҳақьым хада лнапынҵақәа назыгӡо   Лиудмила Скорик лажәақәа рыла, аҧхынра ашоура аныҟоу ахымҩаҧгашьа уақәшәозароуп. Амшын аӡы ажәра шыҟамло, анапы аӡәӡәара шаҭаху ахәыҷқәа ирдыруазароуп.

Аҧхынра аамҭа иалагӡаны аҿкчымазара иаҿагыланы Аҧсны имҩаҧырго авакцианциа иабзоураны, ичмазыҩхо ахәыҷқәа рхьыҧхьаӡара иагхеит. Аҳақьымцәа ражәақәа рыла, ахәыҷқәа рҿы иҭарҭәо ахәшә Ротарикс, апроцедура ахысразы иаднаҧхьалаз ауаа маҷӡам. Уи иабзоураны ҵыҧх иадкыланы, сынтәа урҭ рхьыҧхьаӡара ҩынтә еиҵахеит.  Аҟәа ахәышәтәырҭақәа рҳақьымцәа аҳәара ҟарҵоит, аҭаацәа рхәыҷқәа рахь агәҽанызаара аадырҧшларц, ианаамҭоу аҳақьым иахь инаргаларц. Дара рхаҭақәагьы рхы иахылаҧшларц.

Н. Чхьынџьериаҧҳа, А.Гәажәба, М.Братухин, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
17 Ианвар 2018
32
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
21
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
24
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
18
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
36
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
71
16 Ианвар 2018
56
Уи иахҟьаны иҧсҭазаара далҵит Узбекистан атәылауаҩ.
Загрузка плеера
Алаҳәарақәеи адныҳәаларақәеи
АГТРК