Гәдоуҭа ақалақь а ҟны имҩаҧган ауаа рацәа , еиҳарак аҿар злахәыз ацәыргақәҵа - аконцерт.

21.08.2017
652

Иҳаҩсыз   амҽыша   аҽны   Гәдоуҭа  ақалақь а ҟны  имҩаҧган   ауаа рацәа  , еиҳарак  аҿар злахәыз ацәыргақәҵа-  аконцерт.  Уи аиҿкааҩцәа рхадараҿы иҟан    аилахәыра  Аквафон. Аныҳәа иалахәын    Аҧыза-  министр Беслан Барцыц, Гәдоуҭа  араион анапхгара рхаҭарнакцәа.

Ари ахәылаҧз  аилахәыра  Аквафони   уи   авагылара  азызуаз  аиҿкаарақәа  ргәы иҭан  ҳазҭоу  амза  аналагамҭаз   амҩаҧгара.   Аха  уи аҽны    Приморск  ақыҭан  иҟалаз  ахҭысқәа ирыхҟьаны,   иҳаҩсыз   амҽыша  ашҟа ииаган. Аилахәыра   Аквафон  аҧҵоижьҭеи    ацхыраара  маҷымкәа иҟанаҵахьеит    аҿар рнапы  злаку  хра злоу    аусқәа рҟны    ацхыраара рыҭараз.

Еиҳарак,  дара рлагала  уаҩы ибоит  еиуеиҧшым  аспорттә турнирқәа реиҿкаареи, абаҩхатәра  змоу  аспортсменцәа   ацхыраара рыҭареи рҿы. Гәдоуҭа  ақалақь  уахьнанало  амшын  аҟәара аҟны   уи  аҽны  еиҿкааз  афотосахьақәеи,   аҿыхынҵеи    рцәыргақәҵеи реиҳарак  изызкыз  аспорттә тематика  акәын.  Еицырдыруа  афотоҟаза    Ибрагим  Чкадуа  иусумҭақәа  рыдагьы , араҟа  уаҩы иибон  аҿар  рырҿиамҭақәа. АҞәара  аҟны ишьақәыргылаз  аимпровизациа  зызуз   асцена    аҟны    иқәгылон  аҟазацәа  қәыҧшцәа. Аха  шәҩыла еизаз  зегьы рзы   ҳамҭа  дук иаҩызахеит    асценахь  иахьцәырҵыз  еицырдыруа  аспортсменцәа.

Адунеи иачемпионхахьоу  Денис  Царгәыши, абокс  азы    ашьаҿа  бзиақәа ҟазҵахьоу   ааигәагьы  АҞәа иаиааиз  Баҭал  Чежьиеи    урҭ рҩызцәеи. Ахәлҧаз  далахәхарц  ахәҭан    еицырдыруа  амашьынарныҟәцаҩ   Дмитри  Гәазаа. Аха  абарҭ  амшқәа рзы иара  Казан  дықәгылон  актәи аҭыҧгьы  ааникылеит. Иара    радиоеимадарала   асалам  рзааишьҭит  аныҳәа иалахәыз зегьы.
Ҳәарада  асеиҧш иҟоу  ахәылҧаз  агәахәара  ду рнаҭеит   аҭыҧантәи  ауааҧсыра. Аҿар     урҭ рааӡара  знапы  алакыу.

Аилахәыра  Аквафони    уи  апартниорцәеи ргәы иҭоуп    асеиҧш иҟоу  ахәылҧазқәа   Аҧсны  егьырҭ араионқәа рҟны  реиҿкаара.

. Е. Арџьениа, А.  Џьениа,АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
8
Раҧхьатәи азҵаара азкын Алашарбага аҳаблаҿ иҟоу агәамкажьырҭа апроблема ӡбашьас иарҭаз .
31
30 шықәса рыҩныҵҟа Платон Бебиа ироман аҧҵаразы аматериалқәа еизигон,хәышықәса аҩра даҿын.
41
Убри инамаданы, Аҧсны Ашәҟәыҩҩцәа реидгыла еиҿнакааит ашәҟәыҩҩы игәаларшәара иазкыз ахәылҧаз.
Алаҳәарақәеи адныҳәаларақәеи
АГТРК