Амилициа алеитенант еиҵбы Альберт Зебелиан ааха изҭаз рганахь ала аусҭҵаара хацнаркит Гәдоуҭа араион апрокуратура.

22.08.2017
663

Август  ҩажәиак рзы,    амилициа Гәдоуҭатәи араионтә ҟәша  ашҟа    адырра  ҟаҵан    араионтә хәышәтәырҭахь   дышнагаз   алеитенант  еиҵбы  Альберт Зебелиан  ихы  ҧҽны.

Анаҩс излашьақәыргылахаз  ала, Гәдоуҭа  араион  Приморское  ақыҭан ,  акаҳуажәырҭа  «Арсаул»  аҟны,   жәаха  сааҭ рзы   аҳәынҭавтоинспектор  ааха  ирҭеит атапанчақәа зыҟәныз Аинар Аҩӡбеи, Едгар Смыри.  
Ааха  зауз    уажәы дышьҭоуп  ареспубликатә хәышәтәырҭаҿы.  

  Август ҩажәа  ахәылбыҽха    аҳәынҭавтоиснпектор  алеитенант  еиҵбы  Альбер Зебелиан   Аҟәа иааникылаз  амашьынарныҟәцаҩ итехпаспорт    ахьеиқәшәамыз  азы  ахараҧса     изылырҩааит. Август  ҩажәиак  рзы  ахараҧса  ззылыҩааз    амобилтә еимадарала  аҭел  дизасны,    аҩны  ддәылигеит    еицәажәарц  азы.
  Альберт Зебелиан иажәақәа рыла,  ажәақәа шеимаркуаз  ааха ирҭеит. Иҟазҵаз рахьтә  ҩыџьа  здыруеит, ахҧатәи дсыздырӡом,  иҳәеит    аҳәынҭавтоинспектор.

  Альберт Зебелиан   Гәдоуҭатәи ахәышәтәырҭаҿ  амедицинатә цхыраара  анирҭа  дааргеит    Аҟәатәи   ареспубликатә хәышәтәырҭахь,   ихы   ҟәаҟәаны иахьыҟаз  азы    иҧырҟарц.

Алеитенант  еиҵбы    Альберт Зебелиан    шьапыла   днеиааиртә дыҟоуп  аха,  макьана  ихәрақәа  ирыхҟьаны    ахьаа имоуп. Иҳәеит  аҩны ддәылганы   иацәажәаразы даныргоз    амилициа  аусзуҩцәа   рымаҭәа   шишәымыз. Аҳақьымцәа ражәақәа рыла,  аҳәынҭаввтоинспектор игәабзиара  аиҭашьақәргыларазы   макьана   ахәышәтәырҭаҿы даанхоит.

Д.Инаҧшьба, А. Агәхаа,  АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
8
Раҧхьатәи азҵаара азкын Алашарбага аҳаблаҿ иҟоу агәамкажьырҭа апроблема ӡбашьас иарҭаз .
31
30 шықәса рыҩныҵҟа Платон Бебиа ироман аҧҵаразы аматериалқәа еизигон,хәышықәса аҩра даҿын.
41
Убри инамаданы, Аҧсны Ашәҟәыҩҩцәа реидгыла еиҿнакааит ашәҟәыҩҩы игәаларшәара иазкыз ахәылҧаз.
Алаҳәарақәеи адныҳәаларақәеи
АГТРК