Гагра араион иаҵанакуа афымцамч еихшарҭақәа фба рҟны, аиҭашьақәыргыларатә усурақәа мҩаҧыргоит.

22.08.2017
680

Гагра араион иаҵанакуа афымцамч еихшарҭақәа фба рҟны, аиҭашьақәыргыларатә усурақәа мҩаҧыргоит.
Урҭ ахьынӡанаргахьоу  еилыркаауан  ҳкорреспондетцәа.

Гагра араион иаҵанакуа афымцамч еихшарҭақәа фба  рҟынтәи х-еихшарҭак ақалақь иатәуп. Егьырҭ  ақыҭақәа  Алаҳаӡыи, Бзыҧҭеи, Цандрыҧшьи рахь иаҵанакуеит.

Алаҳаӡы игылоу  афымцамч еихшарҭа аҟны мышкоуп иҵуа аиҭашьақәыргыларатә усурақәа хацдыркижьҭеи. Араҟа аремонттә усурақәа мҩаҧымсижьҭеи ҩажәи жәаба шықәса инареиҳауп. Уажәы изалагазгьы, ауаа алашара рызҭо атрансформаторқәа руак ахьажәыз ауп.

Иавагылоу аҩбатәи акәзар, хәышықәса раҧхьа аҧсахра ақәшәахьан. Уажәазы, жәа- киловольт амчхара змоу иажәыз атрансформатор еимырхуеит. Ирыҧсахуеит иҭаҭәоу жәохәу  тонна   ахәша. Уи  аҧсоуп  быжьшәнызқь мааҭ  аҧара..  

Алаҳаӡытәи  афымцаеихшарҭаҿы Владимир Качариан, хылаҧшҩыс  аус  иуеижьҭеи ҩынҩажәи жәаба    шықәса ҵуеит. Иара атрансформаторқәа рҭыгалазаашьа даҳзалацәажәеит. Иарбан ҧсахрақәоу,иҵегьы  иаҭахыу   атәгьы  дазааҭгылеит.

Шәи жәаба нызқь киловольт амчхара змоу  афымцаеихшарҭа, ахәҭақәа ҩба    амоуп.  Урҭ рҟынтәи  алашара роуеит  Алаҳаӡыи, Бзыҧҭа, Цаҳара инхо.  Аха  трансформаторк иҭнагоз амчра ақыҭақәа зегь рахь иҧсыҽны ауп ишнеиуаз.  Убри азоуп   аҩбатәиигьы  аҧсахра зақәшәаз.

Уажәы аамҭала ауааҧсыра лашарада иаанымхарц азы аҩбатәи атрансфарматор ахь ииагоуп,  иажәыз аҿы еиҭашьақәыргылаанӡа. Аусурақәа ирықәхарџьхо аҧарақәа ршәара ахахьы иагоит  «Амшынеқәафымцамч».

Уи ахаҭарнакцәа агәра ҳдыргеит, мчыбжьык иалагӡаны  атрансформатор  акыр шықәсқәа раҧхьа еиҧш ҩаҧхьа  аусура ишалаго.

2016 шықәса иалагӡаны Аҳәынҭқарратә еилакы «Амшынеқәафымцамч»  Гагратәи афилиал имҩаҧнагахьеит имаҷымкәа аусурақәа.

Ақалақь аҿы иҧсахын  афымцамчҳаракы   мҩанызго ацәаҳәа хадақәа. Убри анаҩсгьы  афымцаеихшарҭа Гагра 2, Гагра 3 рҟны   иажәыз  амыругақәа ҧсахын  аҿыцқәа рыла. Иқәыргылан   жәа мегаватк   амчхара  змоу   атрасформатор ҿыцқәагьы.

Ҳазҭоу ашықәсазы Гагратәи  актәи  афымцаеихшарҭа аҟны  аиҭашьақәргыларатә  усурақәа     ирылагоит.

Иазгәаҭатәуп, Гагра ақалақь иаҵанакуа афымца еихшарҭақәа реиҭашьақәыргыла шалыршо  Урыстәыла Аҧсны иазыҟанаҵо афинанстә  цхыраара аҳәаақәа ирҭагӡаны.

Наала Чхьынџьериа, Ҭемыр Гогохьиа, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
5
Уи иалахәын аҭҵаарадырратәи арҿиаратәи интеллигенциа рхаҭарнакцәа,аполитикцәа,жәлар реизара адепутатцәа.
5
Иҟалаз ахҭыс инамаданы, араион анапхгара ауснагӡатәқәа реиҿкаара азгәаҭаны ирымоуп.
1
Аҭыжьымҭаҿы:Аҧсныи Шьамтәылеи ирыбжьарҵаз аиқәшаҳаҭрақәа шьақәдырҕәҕәеит, аҳәынҭбиуџьет актәи аҧхьараҿы ирыдыркылеит. Жәлар реизара аилатәара аҟынтәи анҵамҭа.
1
Урҭ ирылахәыз Абызшәатә политиказы аҳәынҭқарратә еилак аҟны иранашьан асертификатқәа.
9
Уи авторс дамоуп Аҧсны аҭҵаарадыррақәа ракадемиа академик, апрофессор Ҭеимураз Ачыгәба.
1
Амшхәаҧштә аҟны иқәгылан жә-зҵаарак.
Алаҳәарақәеи адныҳәаларақәеи
АГТРК