Аҧсшьарҭатə ҩны "Оҭап ахы" амца акит.

22.08.2017
855

Иаха, асааҭ жәаба рыбжаз амца акит аҳаҧы «Отаҧ Ахы» аҧсшьарҭатә ҩны. Излашьақәыргылоу ала, уи ахҟьеит афымцатә цәаҳәақәа реидыслара. 

Иахьа амашәыр ахьыҟалаз аҭыҧ аҿы иҟан ҳкорреспондентцәа. Излашьақәыргылоу ала, Отаҧтәи аҳаҧы аҧсшьарҭатә ҩны абылра ахҟьеит афымцацәаҳәақәа реидыслара.

 Амашәыр аныҟалаз аамҭазы аҩны сыҟан, ирласны аҭыҧ ахь сааит, аха напышьашәала узхәаша акгьы ыҟамызт, ҳәа азгәаиҭеит аҳаҧы аиҳабы Валери Адлеиба. Очамчыра араион Отаҧ ақыҭан иҟоу аҳаҧы «Отаҧ Ахы» аартын хышықәса раҧхьа. Уи аамҭа иалагӡаны иара иаҭаахьан хыҧхьаӡара рацәала аҧсшьаҩцәа. Дарбанызалаак алшара иман аҳаҧы аҧшӡара ибартә еиҧш, Ашәшьыра аҟны иҧсы ишьартә, иҭахызар иара убасгьы аҧсуа чыс агьама ибон.Иблыз ахыбра иаман аҧсшьаҩцәа жәаҩа - ҩык рынхарҭа аҭыҧ. Араҟа иҟан акрыфарҭагьы.

Валери Адлеиба иажәақәа рыла, иаҳхысыз ашықәс азы аҧсшьаҩцәа рхыҧхьаӡара еиҳан, сынтәа аасҭа. Амашәыр аныҟала аамҭазы аҭыҧ аҿы аӡәгьы дыҟамызт, аӡәгьы ааха имоуӡеит. Аҩнеихагыла амца анакы ,уи збаз агәылацәа еизеит, аха амца амчхара иахҟьаны аӡәгьы ааигәа дзымнеит, акгьы рзалымгеит. 

Амашәыр аныҟала адырра ҟарҵеит аҭагылазаашьа ҷыдақәа русбарҭахьы. Дара амца арцәара рылшеит, ааигәа игылаз ахыбрахь ииасаанӡа. Излажәбо ала, аҳаҧы «Отаҧ Ахы» иатәу аҧсшьарҭа ҩны иацәынхаз аццышә ауп, излашьақәыргылахаз ала иҟалаз абылра ахҟьеит ахыбра аҩныҵҟа иҟаз афымцамҩангагатә цәаҳәақәа реидыслара . 

Асмаҭ Шьакаиа ,Леон Адлеиба,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21
30 шықәса рыҩныҵҟа Платон Бебиа ироман аҧҵаразы аматериалқәа еизигон,хәышықәса аҩра даҿын.
31
Убри инамаданы, Аҧсны Ашәҟәыҩҩцәа реидгыла еиҿнакааит ашәҟәыҩҩы игәаларшәара иазкыз ахәылҧаз.
42
Аҭыжьымҭаҿы:Ианҭаха ашьҭахь 143 медаль «Аиааиразы». Аҧсны Ахада аҳамҭақәа рнапаҿы ириҭеит иҭахаз афырхацәа рҭаацәа.
45
Ари ацәыргакәҵа еизнагеит жәлар рҟазара знапы алаку аҧышәа змоу рыдагьы, иахьа уажәраанӡа зхы ӡырзымгац, аха зус бзиабарала иазнеиуа аҿар.
Алаҳәарақәеи адныҳәаларақәеи
АГТРК