Пицундатәи ауахәама аҳәынҭқарратә концерттә зал аҿы имҩаҧысит аҧшьбатәи есышықәсатәи агәыҳалалратә концерт.

22.08.2017
617

Пицундатәи ауахәама аҳәынҭқарратә концерттә зал аҿы имҩаҧысит аҧшьбатәи есышықәсатәи агәыҳалалратә концерт.

Иара убас еиҿкаан ацәыргақәҵа. 

 Арҭ апроектқәа спонсор хадас ирымоуп Амобилтә еимадара «Аҟәафон». Аконцерти ацәыргақәҵеи ирыҭныҵуа аҧара ахыҧхьаӡалахоит афонд «Ашана». Пицундатәи ауахәамаҿы имҩаҧысыз агәыҳалалратә концерт аҟны аклассикатә музыка нарыгӡон Аҧсны зҽаҧсазтәыз аоператә шәаҳәаҩцәеи амузыкантцәеи. Урҭ ирзыӡрыҩырц еизаз рхыҧхьаӡараҿы иҟан аҭыҧантәи ауааҧсыра реиҧш, ҳтәылаҿы зыҧсшьара мшқәа зхызгоугьы. Дара зегь азҿлымҳара аҭан збаҩхатәра ҳараку ашәаҳәаҩцәа ирзыӡыҩруан. Есышықәса ишаҧу еиҧш сынтәагьы имҩаҧгаз аконцерт аҟны еизгаз аҧарақәа зегь згәабзеира уашәшәыроу ахәыҷқәа рыхәышәтәразы агәыҳалалратә фонд «Ашана» иахыҧхьаӡалахоит.

Ҩнызқьи жәиҧшь шықәса раахыс инеиҧынкылан есышықәса имҩаҧысуа ари апроект аҳәаақәа ирҭагӡаны, еизгаз миллионки хышәи ҩажәи жәаа нызқьи хышәи ҩажәи хәба мааҭи ирыбзоураны ргәабзеира еиҭашьақәдыргылартә аҭагылазаашьа рзаҧҵан еиуеиҧшым ачымазарақәа змаз ахәыҷқәа.

Иазгәаҭатәуп, аконцерт иалагаанӡа ауахәама ашҭаҿы ишеиҿкааз агәыҳалалратә цәыргақәҵа. Уа ицәыргаз аахәаны аҧаратә лагала ҟарҵартә еиҧш аҭагылазаашьа рыман агәаҳәара змаз зегьы. Есышықәса ари ацәыргақәҵа адгылара азҭо рхыҧхьаӡара иазҳауеит. Сынтәа иара иалахәын агаллереиа «Шьазина», аилахәыра «Абраскьыл», Мариа Ҧлиа лстудиа аҟнытә ахәыҷқәа рҭыхымҭақәа уҳәа убас егьырҭгьы. Ари асоциалтә проект аиҿкаара алыршахеит амобилтә еимадара «Аҟәафон» иҟанаҵаз ацхыраарала.Уи ахаҭарнакцәа излараҳәо ала, дара хықәкы хадас ирымоуп ҳтәылаҿы ас еиҧш иҟоу агәыҳалалра зцу апроектқәа рхаӡгылара. Ари агәыҳалалратә проек аиҿкааҩцәа агәыҕра аадырҧшуеит ҳаҧхьаҟагьы уи амҽхак аҽарҭбаап ҳәа. 

 Амра Зарандиаҧҳа, Леон Адлеиба, Саид Агәхаа АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
12 Ииуль 2018
76
Аҭыжьымҭаҿы:Цәыббра 30, Аиааира Ахьыҧшымреи ирымшхеит. Жәлар Реизара адепутатцәа реилатәара аҿынтә анҵамҭа
12 Ииуль 2018
111
Ҧхынгәы мза ҧшьба рзы излагаз адкылара хыркәшахоит ҳазҭоу амза жәиҧшь рзы.
12 Ииуль 2018
83
Уи инамаданы, Аҧсны иҟоу Урыстәыла ацҳаражәҳәарҭа иалнакаауеит шықәсы рацәала еицынхо аҧсуа ҭаацәарақәа.
12 Ииуль 2018
78
Анаҩс , урҭ аусурақәа рымҩаҧгаразы атәыла анапхгарагьы ацхыраара рырҭеит.
12 Ииуль 2018
88
Адепутатцәа еицҿакны ахақәиҭреи ахьыҧшымреи рзы азакуан апроект адгылара арҭеит.
11 Ииуль 2018
34
Анҵамҭаҿы:Имҩаҧысит Аҧсныи Урыстәылеи жәларбжьаратәи атранспорт еиҭанеиааиразы акомиссиа алахәылацәа реилатәара.
11 Ииуль 2018
48
Ари аиубилеитә рыцхә уи аусзуҩцәа ишазгәарҭо анҵамҭаҿы.
Загрузка плеера
Алаҳәарақәеи адныҳәаларақәеи
АГТРК