Аҧхасҭа ҕәҕәа рыҭоуп хәызмаӡам ашәҟәқәа.

23.08.2017
507

Илеиуаз ақәаршҩы ҕәҕәа хҟьа-ҧҟьада иаанымхеит. Абжьааҧнеиҧш ақалақь амҩадуқәа зегьы ӡыла иҭәит. Ауааҧсыра рныҟәара акыр иаруадаҩит. Иван Папасқьыр ихьӡ зху амилаҭтә библиотека, ақәаршҩы аҧхасҭа ду анаҭеит.

Амилаҭтә библиотека аусзуҩцәа рзы ас еиҧш иҟоу аҭагылазаашьа изышьцылахьоу ак акәны иҟалеит аҵыхәтәантәи аамҭазы. Ақәаршҩы ауцыҧхьаӡа  абиблиотека ахыбра иаҵанакуа  аҟәшақәа аӡы  рыҩналоит.
Иахьа ахыб икылсыз ақәа иахҟьаны аӡы рыҩналеит амилаҭтә литературеи ихымҧадатәиу аекземплиарқәеи   ахьеизырго аҟәшақәа, иара убас аҩбатәи аихагылаҿы иҟоу аилатәарақәа  рзал.

Абиблиотека аусзуҩцәа ақәа ҕәҕәа ауцыҧхьаӡа  зегьы еицхырааны  иаразнак ашәҟәқәа реиқәырхара рҽазыркуеит,иҩналаз  аӡы дәылыргоит, егьырҭ аихагылақәарахь  имылбаартә еиҧш ақәа ахькылсуа алагьанқәеи, аведрақәеи аҵаргылан ирымоуп, аха уи ахәаӡом.  Уи аршаҳаҭуеит аҧшьбатәи аихагыла аҟынтәи  аҩбатәи аҿы иҟоу аилатәарақәа рзал аӡы ахьыҩналаз. Араҟа  лассы-лассы ицәаакуа аҭӡаҿы  аӡы ашьҭақәа аанханы иҟоуп.

Абиблиотекаҿы     ицәаакыз ашәҟәқәа рхыҧхьаӡара макьана ишьақәыргылам, аха еилкаауп  мчыбжьык аҧхьа ақәа ҕәҕәа анлеиуаз иарбааӡаз  ашәҟәқәа рхыҧхьаӡара,  иазгәаҭатәуп урҭ рыбжьара ишыҟоу хәызмаӡамгьы.
Амилаҭтә библиотекаҿы иҟоу аҭагылазаашьа арҽеиразы аиҳабыра  рганахь ала иаарласны ахаҵгылара аиуп ҳәа  игәыҕуеит абиблиотека аусзуҩцәа.

Абиблиотека ахыбраҿы иаарласны аиҭашьақәыргыларатә усурақәа хацыркымхар хәызмаӡам ашәҟәқәа  ироуз аҧхасҭа еиҳахар алшоит.

Амра Зарандиаҧҳа,  Ҭемыр Гогохьиа,АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
17 Ииуль 2018
76
Аҭыжьымҭаҿы:Усутә визитла Аҧсны даҭааит Нхыҵ- Кавказ аусқәа рзы Урыстәылатәи аминистр .
17 Ииуль 2018
80
Аҵараиуҭа иалгаз адипломқәа рнапаҿы ирырҭеит.
17 Ииуль 2018
92
Аҧсны аҵареи аҭҵаарадырреи рминистрра ақәҵарала , ашколқәа зегьы рҿы актәи акласс инаркны ажәеизатәи аҟынӡа иакыу ашколтә шәҵатәы ныҟәыргозароуп аҵаҩцәа.
17 Ииуль 2018
61
Аиҧылараҿ ирылацәажәон ҩ- ҳәынҭқаррак рыбжьара асоциал- економикатә ҿиара азҵаарақәа.
16 Ииуль 2018
99
16 Ииуль 2018
76
Ақалақь ахадара ари ашьха аибашьра ҟалаанӡа иамаз ахаҿра азырхынҳәразы аусурақәа мҩаҧыргоит.
Загрузка плеера
Алаҳәарақәеи адныҳәаларақәеи
АГТРК