Имҩаҧысит ақалақь арҵаҩцәа рсеминар.

23.08.2017
702

Арҵаҩцәа русура ахаҭабзиара аиҕьтәреи, раҧхьаҟа рҵаратә программа ашьақәгылашьеи ракәын излацәажәоз Дырмит Гәлиа ихьӡ зху аҧшьбатәи абжьаратә школ аҿы имҩаҧысуаз асекциатә ҽазыҟаҵарақәа рҟны.

Урҭ ирылахәын ақалақь иаҵанакуа ашколқәа рырҵаҩцәа. Ас еиҧш асеминарқәа реиҿкаара рыбзоуроуп Аҟәа ақалақь  аҵараусбарҭа ахаҭарнакцәа. Иара мҩаҧыслоит хымш ирылагӡаны, амаҭәарқәа зегьы рыла.

Есышықәса Аҟәа ақалақь  аҵараусбаҭра  ахаҭарнакцәа ашколқәа рырҵаҩцәа рзы маҭәар цыҧхьаӡа асекциатә аилатәарақәа мҩаҧнагоит. Уи аҵарашықәс ааигәахара иадҳәалоуп. Уажәазы  урҭ аҧшьбатәи абжьаратә школ ахыбра аҿы езеит. Арҵаҩцәа рус аҿы, абжьгарақәа рызҭо иҳәаақәызҵо иреиуоуп  ақалақь иаҵанакуа аметодикатә еидҵақәа реиҳабацәа. Арҵаҩцәа азааҭгылон аҵарашықәс иалагӡаны имҩаҧыргараны иҟоу  рпланқәа. Русуратә программа шышьақәрылатәу акәын ихадаз иахьа.

Ашкол иаҵанакуа амаҭәарқәа зегь рыла алекциақәа мҩаҧысуеит хымш.  Аамҭа кьаҿк иалагӡаны урҭ рхысразы арҵаҩцәа гәыҧ- гәыҧла еихшоуп. Иахьа асекциатә ҽазыҟаҵарақәа мҩаҧысуан ҧшь-маҭәарк рыла. Аза Бениаҧҳа жәохәтәи абжьаратә школ  аиҳабыратә классқәа рҿы аҵаҩцәа англыз бызшәа длырҵоит. Хаҭала уи амаҭәар иазкны алекциақәа есышықәса дрылахәуп, избанзар, уи арҵаҩцәа рзы цхыраагӡа дууп ҳәа азылаҧхьаӡоит.

Сынтәа аҵараусбарҭа ахаҭарнакцәа ҭакҧхықәрала иазнеит хықәкылатәи амаҭәар арҵара. Уи азҵаара ашколқәа рҟны алагаларазы, Ақалақь аметодикатә еидҵақәа реиҳабацәеи ашколқәа рырҵаҩцәеи еилацәажәеит. Аҵаҩы иалыихыз азанааҭ ала аҵараиурҭа аҭаларазы, иаҭахуп уи иадҳәалоу амаҭәар иаҳа азҿлымҳара аҭара. Уи  амаҭәар ала инарҭбааны аҽазыҟаҵарақәа рымҩаҧгаразы ашьаҿақәа рыҟаҵара иалагоит аҵараусбарҭа ахаҭарнакцәа.

Аҩбатәи амш азы иазҧхьагәаҭоуп аиҵбыратә классқәа рырҵаҩцәа рзы асекциатә ҽазыҟаҵарақәа рымҩаҧгара.
  
Наала Чхьынџьериаҧҳа, Леон Адлеиба, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
8
Раҧхьатәи азҵаара азкын Алашарбага аҳаблаҿ иҟоу агәамкажьырҭа апроблема ӡбашьас иарҭаз .
31
30 шықәса рыҩныҵҟа Платон Бебиа ироман аҧҵаразы аматериалқәа еизигон,хәышықәса аҩра даҿын.
41
Убри инамаданы, Аҧсны Ашәҟәыҩҩцәа реидгыла еиҿнакааит ашәҟәыҩҩы игәаларшәара иазкыз ахәылҧаз.
Алаҳәарақәеи адныҳәаларақәеи
АГТРК