«Ақалақь-фырхаҵа» Тҟəарчал иахыҵит 75 шықәса.

25.08.2017
291

Ақалақь- фырхаҵа ТҞәарчал 75- шықәса ахыҵит. Уи иазкыз аныҳәа рхы аладырхәт аҳәынҭқарреи, апарламенти рнапхгара, аиҳабыра , аибашьра аветеранцәа, ауаажәларра.

Тҟәарчал ақалақь ҳәа астатус аиуит аџьынџьтәылатә еибашьра ду анцоз зқьи жәшәи ҩынҩажәи ҩба шықәса рзы. Усҟан ауп аусура ианалагаз арацәаҵхырҭақәа . Убри аахыс сынтәа иҵит хынҩажәи жәохә шықәса. ТҞәарчал Асовет аамҭазы аҿиара змаз аиндустриатә , интернационалтә қалақьны иҟан. Ара инхон еиуеиҧшым амилаҭқәа рхаҭарнакцәа, еиҳаракгьы арацәаҵхра аус аҿы иҟазацәаз. 

ТҞәарчал ақалақь анысхьеит акыр иуадаҩыз аҭоурыхтә аамҭа. Аиубилеи аҽны ТҞәарчалҟа инеит Аҧсны Аҳәынҭқарра Ахада Рауль Ҳаџьымба, уи ихаҭыҧуаҩ Витали Габниа, Жәлар реизара ахантәаҩы Валери Кәарҷиа, Аҧыза- министр Беслан Барцыц, ауаажәларра, аибашьра аветеранцәа. Раҧхьа асасцәеи аҧшәмацәеи ашәҭқәа шьҭарҵеит ҳаамҭазтәи Аҧсны аҳәынҭқарра аиҭашьақәргылара аус аҟны зџьабаа акыр идууз, Аҧсны Раҧхьатәи Ахада Владислав Арӡынба ибаҟа амҵан. Аҧсны жәлар рџьынџьтәылатә еибашьра анцоз Владислав Григори- иҧа еснагь хьаас иман ҧшьышәи жәаха мшы амацәаз иҭакыз ареспублика мраҭашәарахьтәи ахәҭа. Усҟан аамҭала Аҧсны мраҭашәарахьтәи аган угозар, ТҞәарчал ыҟан иара иаҳҭны қалақьны. Арахь иаауан ахҵәацәа, зхы иамыхәоз . Араҟа акәын аидысларақәа раан ахәра ҕәҕәақәа зауз ахьырхәышәтәуаз. Ақалақь фырхаҵа ТҞәарчал игылоуп Аҧсны жәлар рџьынџьтәылатә еибашьра аан иҭахаз ргәаларшәара иазкыу абаҟа. Уи амҵан ашәҭқәа шьҭарҵеит Аҳәынҭқарра анапхгара, аиҳабыра, атәылахьчара аминистрра ахаҭарнакцәа, ауаажәларра , аветеранцәа. Зқьи жәшәи ҧшьынҩажәи жәаҩа- ҧшьынҩажәи жәаха шықәсқәа рзы ТҞәарчал ашәарҭадаратә маҵзура аусбарҭаҿы аус иуан Аҧсны уажәтәи ахада Рауль Ҳаџьымба. 

Иҭахаз рбаҟа амҵан ашәҭқәа анышьҭарҵа, иргәаладыршәеит Аҧсадгьыл ахьчара зхы ақәызҵаз зегьы. Тҟәарчал еиҿкаауп аибашьра амузеи. Иара аҩныҵҟа иубоит зқьи жәшәи ҩынҩажәи акы- ҩынҩажәи хәба шықәсқәа раан иҭахази, аҧсадгьыл ахьчара аан хацәнымырха еибашьуази рфотосахьақәа. Ари амузеи иаҭааит аныҳәа иалахәыз атәыла анапхгара. Еиҭаргәаладыршәеит ҩажәи ҧшьба шықәса раҧхьа ақалақьи, мрагыларахьтәи афронти ирхыргаз амыҟәмабарақәа. Аныҳәа иацҵан Тҟәарчалтәи акультура ахан аҟны. Тҟәарчал араион ахада Аида Чачхалиаҧҳа аныҳәа зҽалазырхәыз зегьы иҭабуп ҳәа раҳәо иазгәалҭеит , ақалақьи араиони аҿиара амҩа ишану. Илҳәеит Урыстәыла иҟанаҵо афинанстә цхыраара абзоурала аиҭашьақәыргылара ишаҿу араионтә хәышәтәырҭа хада. Иаарласны ахархәарахь ишрырҭо ақалақь аҩбатәи ахәыҷбаҳча ахыбра ҿыц. Ҿыцны иҟаҵоуп ацҳақәа, еиҭашьақәргылоуп автомашьынамҩақәа. Тҟәарчалаа рныҳәа рыдныҳәало, Аҧсны Ахада Рауль Ҳаџьымба иҳәеит, ақалақьи араиони реиҭарҿиара аус аҟны аҳәынҭқарра иалшо ала ацхыраара шыҟанаҵо. Тҟәарчал ақалақь аиубилеи амш аҽны Аҧсны аҳәынҭқарра Ахада Рауль Ҳаџьымба иусҧҟала Аҧсны зҽаҧсазтәыз арҵаҩы ҳәа ахьӡ лыхҵан Наҭела Ҧачлиаҧҳа. 

Ақалақь ашьақәгылареи арҿиареи рус аҟны рџьабаа ду азы Ахьӡ – аҧша аорден ахҧатәи аҩаӡара ранашьан Анатоли Џьынџьал, Виктор Полтораков, Леонид Черқьезиа. Иара убасгьы Рауль Ҳаџьымба инапынҵала, Аҳәынҭқарра Ахада ирезервтә фонд аҟнытә араион анапхгара ирзоужьуп миллионк мааҭ аҧара ақалақь аиҭашьақәргылараҿы ацхырааразы. 

ТҞәарчал иамоуп ахатәы ҭоурых. Иара қалақьхаанӡа қыҭаны иҟан. Уи аҭоурых атәы иҳәеит Жәлар реизара аиаҳабы Валери Кәарҷиа. Ақалақь фырхаҵа ТҞәарчал хынҩажәи жәохә шықәса ахыҵра иазкыз аныҳәа иалахәын ареспублика араионқәа зегьы рнапхгаҩцәеи рхаҭарнакцәеи. Аныҳәа аҳаҭыр азы жәаа сааҭ рзы ақалақь агәаны еиҿкаан аконцерт.

 Д. Инаҧшьба, А. Агәхаа АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Маи 2018
51
Уи еизнагеит апоет иажәеинраалақәа бзиа избо ашәҟәыҩҩцәеи, аҵарауааи, ауаажәларатә усзуҩцәеи, арҵаҩцәеи, аҵаҩцәеи.
18 Маи 2018
152
Уи аҳәаақәа ирҭагӡаны, Москватәи аҳәынҭқарратә университет аушьҭымҭацәа Вардаиаҧҳа Валериеи Громова Анастасиеи иаздырхиаз апроект иазааҭгылеит.
17 Маи 2018
100
Жәларбжьаратәи амузеиқәа рышм аҽны аҵх агәанынӡа Аҟәа иаартызаауеит амузеиқәа хҧа.
17 Маи 2018
142
Аҳәынқарра Ахада иҟаиҵаза Аусҧҟа инақәыршәаны, аибилеи аҳаҭыр азы гәыҧҩык адипломантцәа чынла иҳаракын.
Загрузка плеера
Алаҳәарақәеи адныҳәаларақәеи
АГТРК