Нанҳәамза 16 инаркны 22 нӡа Аҧснытәи аделегациа аҭааны иҟан Сириатәи Арабтәи ареспублика

25.08.2017
473

Нанҳәамза 16 инаркны 22 нӡа Аҧснытәи аделегациа аҭааны иҟан Сириатәи Арабтәи ареспублика . Аделегациа аилазаараҿы иҟан - Аҧсны адәныҟатәи аусқәа рминистр Даур Ақаҩба , аекономика аминистр Адгәыр Арӡынба , Ахәаахәҭратә-аглыхратә палата аиҳабы Геннади Гагәылиа.

 Дара Сириатәи Арабтә ҳәынҭқарра раҭаара алҵшәақәа ирызкыз апресс-конференциа мҩаҧыргеит. Аҧснытәи аделегациа Сириатәи Арабтә Ҳәынҭқарра иаҭааит , есышықәса Дамаск имҩаҧысуа ацәыргақәҵа аҽалархәразы. Убри инаҷыданы аделегациа атәым ҳәынҭқарраҿы рыҟазаара иаман аполитикатә, аекономикатә ҵакы . Имҩаҧган аиҧыларақәа , ирыбжьарҵеит акыр аиқәшаҳаҭрақәа . Жә –шықәса рыҩныҵҟа Аҧсны Ахәаахәҭратә –ааглыхратә палата аиҳабыра имҩаҧыргоз аусурақәа ирылҵшәахеит ,раҧхьаӡа акәны Аҧснытәи аалыҵқәа Дамасктәи ацәыргақәҵаҿы рцәыргара .

2015 шықәсазы Дамаски Аҧсни Ахәаахәҭратә-ааглыхратә палатақәеи рыбжьара аиқәшаҳаҭра анапы аҵаҩын . Геннади Гагәылиа иажәақәа рыла , ацәыргақәҵаҿы иаартыз 43 ҳәынҭқарра рпавильонқәа рахьтә , зегь раасҭа ауаа аднаҧхьалон аҧсуа павильон . Уаҟа ицәырган ашәхаҩа ,аџьынџьыхәа, аџьыка, аҩқәа уҳәа еиуеиҧшым аалыҵқәа .Згьама рбоз аалыҵқәа ргәаҧхон , ҩынтә –хынтә еикәшаны ихынҳәуаз рацәаҩын . Сара иџьасшьеит аҧсылман ҳәсақәа ҳҩы агьама ргәаҧханы , рыжәшьа иҳәеит Геннади Гагәылиа .Агьама анырбалакь ашьҭахь иаазхәарц зҭахызгьы рацәаҩын , аха ацәыргақәҵаҿы аалыҵ аҭира ҟалаӡом . Аҧсни Сириатәи Арабтә Республикеи ирыбжьарҵаз аиқәшаҳаҭрақәа инарықәршәаны , алҵшәа бзиақәа ирықәгәыҕуеит Аҧснытәи аделегациа 

 Афатәи , атекстильтә аалыҵқәеи уҳәа ирацәоуп Сириа зхаҭабзиара ҳаракыу атауарқәа . Ҳтәылақәа ахәаахәҭра рыбжьалар , ҳекономикагьы шьҭыҵуеит, аҳәынҭқаррабжьаратә еимадарақәагьы рыҽдырҭбаауеит рҳәеит апресс-конференциа иалахәыз . Сириа фы-шықәса рыҩныҵҟа ицо аибашьра анеилгалак ашьҭахь , Аҧсны иахнагахьоу ,аибашьраашьҭахьтәи асанкциақәа азыҧшуп . Убри инадҳәаланы , уажәнатә рнапы зҵарҩыз ахәаахәҭратә еимадаразы аиқәшаҳаҭрақәа, акыршықәса алҵшәа бзиақәа аадырҧшлоит, ҳәа азгәеиҭеит Аҧсны аекономика аминистр Адгәыр Арӡынба . 

 Дениза Гьергьиа , Ҭемыр Гогохьиа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Маи 2018
57
Уи еизнагеит апоет иажәеинраалақәа бзиа избо ашәҟәыҩҩцәеи, аҵарауааи, ауаажәларатә усзуҩцәеи, арҵаҩцәеи, аҵаҩцәеи.
18 Маи 2018
193
Уи аҳәаақәа ирҭагӡаны, Москватәи аҳәынҭқарратә университет аушьҭымҭацәа Вардаиаҧҳа Валериеи Громова Анастасиеи иаздырхиаз апроект иазааҭгылеит.
17 Маи 2018
108
Жәларбжьаратәи амузеиқәа рышм аҽны аҵх агәанынӡа Аҟәа иаартызаауеит амузеиқәа хҧа.
17 Маи 2018
146
Аҳәынқарра Ахада иҟаиҵаза Аусҧҟа инақәыршәаны, аибилеи аҳаҭыр азы гәыҧҩык адипломантцәа чынла иҳаракын.
Загрузка плеера
Алаҳәарақәеи адныҳәаларақәеи
АГТРК