Аколлекциа ҿыц -«Асакара ашәҭ».

25.08.2017
491

Виачеслав Заицев имодақәа рлабараториа иаушьҭымҭоу  амодельер Русудан Кобиакова иҿыцу лхатә бренд аӡыргара мҩаҧысит Аҟәа.
  
«Асакара ашәҭ» захьӡу аколлекциа ҿыц еидызкыло афирма RISIKO  еиҿнакааз аусмҩаҧгатә еихшан ҩ-хәҭакны.

Амодельер Русудан Кобиакова лбрендқәа рӡыгара аҳәаақәа ирҭагӡаны, сынтәа ҩышықәсоуп афонд «Ашана» ахаҭарнакцәа агәыҳалалратә аукцион еиҿыркаауеижьҭеи. Амодельер лзыҳәангьы акраҵанакуеит згәабзиара уашәшәыроу ахәыҷқәа рыцхраара. Убри азоуп арҭ аусмҩаҧгатәқәа ҩба зеицугьы.  Еицырдыруа ауаа рҟынтәи, афонд ахь аҭиразы иқәыргылан алотқәа быжьба. Урҭ рахь иаҵанакуан, аҭыхымҭа «Монах», Англиа ахсаалақәа, ашәҟәы «Старый Сухум». Еизаз рҟынтәи аӡәа-ӡәала алотқәа рыхәқәа харгалон. Анаҩс иаазхәазгьы ҟалеит. Зегь реиҳа ахә дуны иҭиин Фазиль Искандер аҵыхәтәантәи ашықәсқәа рзы  иикыз алаба. Ҩынҩажәи жәиҧшь нызқь мааҭ  ҳәа.

Аусмҩаҧгатә аҩбатәи ахәҭахьы ииасаанӡа, амодельер Русудан Кобиакова иаҳзеиҭалҳәеит, ацәыргақәҵа аиҿкаара ахшыҩҵак шлызцәырҵыз. Еиуеиҧшым атәылақәа аҧсшьара ҳәа данырҭаауаз, хаҭала Сахаратәи асакараҿы лыҧсы анылшьоз, лыбла иабаз даршанхеит.  Уи аҭыҧ аҿы изызҳауаз ашәҭқәа оумакала дхырхит. Урҭ рыҧшшәқәа рыхәмарра данахәаҧш, илызцәырнагеит аидеиа ҿыц, лаҧхьаҟа иӡырылгараны иҟоу илӡахуа амаҭәақәа ашәҭқәа рсахьа рнызарц.  Урҭ еидызкыло аизга аиқәыршәара фымз раҟара лцәагеит, аха аамҭа кьаҿк иалагӡаны илыллыршеит, урҭ рӡыргара. Уи моу ахьӡ ҷыдагьы азылыҧшаауеит, «Асакара ашәҭ» ҳәа. Русудан Кобиакова лбренд маҭәа еидызкыло афирма  RISIKO аколлекциа ҿыц цәырнагаанӡа, асцена анҭыҵ  аҵыхәтәантәи аизгарақәа мҩаҧысуан.  Аӡҕабцәа  рхы рҿы дырхион, рыхцәқәа  ҟарҵон, доусы иӡырыргоз аҵкқәа алҧшааны  игәарҭон. Русудан лакәзар, зегьы дрыцклаҧшуан, акы агымхандаз ҳәа. Минуҭқәак рышьҭахь иалагеит зегьы ззыҧшыз арбара. Ауаа рахь ацәырҵра  иазыхиаз амодольерцәа асцена  иқәлеит.

Арбарахьы ицәырган ҩажәи ҩба ҵкы. Урҭ зегь еиҧшымызт. Иҟан европатәи астиль еиҧш, аҧсылман ҳәсақәа рымаҭәақәагьы.  Абырфын, асатин ирылхыз, иқәҵаны иҟаз уҳәа амаҭәақәа зшәыз амодольерцәа улаҧш рыдхалон асценаҿы. Амаҭәақәа дырбараан иаҵаз  амузыкагьы  ус баша иалхымызт. «Асакара ашәҭ» захьӡу афильм  аҟынтәи иааган. Иара ахьымҩаҧысуаз аҭыҧгьы алхра машәыршақә иҟамлеит. Игәалҭоз аҭыҧқәа рахьынтә иаҳа илзааигәахаз арепатриациазы аилак иаҵанакуа ашҭа акәхеит. Избанзар, аратәи архитектура Мрагыларатәи иаҳа иазааигәоуп, ҳәа азылаҧхьаӡеит амодельер. Амаҭәақәа рцәыргара хы-хәҭакны ишан. Раҧхьа аӡҕабцәа баша иҧшӡоу амаҭәа рышәҵаны идәылҵуазтгьы, аҩбатәи аан, ашәҭқәа ирылхны иҟаҵаз ашәҭшьыҵәрақәа кны идәылҵуан. Убри аан, доусы иӡырыргоз рыҵкқәа ирышьашәалан. Ари адизаинер Мадина Даутиа лҟынтәи  раҧхьатәи афлористтә шоу акәын

Асценахь ахҧатәи ақәлара аамҭа анааи, амодельер лыӡҕабцәа лыманы дцәырҵит. Иааз зегьы ҭабуп ҳәа ралҳәарц. Русудан лзы ари раҧхьатәи цәыргақәҵам, уаанӡа лара акырынтә ахәаҧшцәа лыршанхахьан, аха ахәылҧаз иаҭааз уажәтәи еиҳа иалыркаауан.

Иҳәатәуп, амодольер лхатә бренд аӡыргара аспонсорцәа рыда ишыҟамлоз. Амобилтә еимадара «Аҟәафон» акәзар, аспонсор хадас иқәгылеит.  Акомпаниеи амодельери аимадара рыбжьоижьҭеи кыр ҵуеит. Ари ахҧатәи еицырзеиҧшу проектуп. Русудан лидеиақәа ирыдгылоу «Аҟәафон»  есымша иазыхиоуп ауаа рацәа еизызго аусмаҩгатәқәа реиҿкаара. Уажәтәи арбараҿы дара ирылшо зегь ҟарҵеит амаҭәа еидызкылоз аколлекциа ҿыц «Асакара ашәҭ» аҩаӡара ҳаркны амҩаҧгаразы.

Наала Чхьынџьериаҧҳа, Ельдар Дам

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15 Август 2018
68
15 Август 2018
57
Араҟа еизгаз аҧара афонд« Ашана »иахыҧхьаӡалахоит .
15 Август 2018
63
Уи иазыҧҵәоу аамҭа иалагӡаны апаспорт аиуразы ашәҟәқәа алазымҵаз ирымоу рдокументқәа амч рцәыӡуеит.
15 Август 2018
51
Аҧсны ахадареи аибашьра аветеранцəеи ашәҭқәа шьҭарҵеит хатәгәаҧхарала иҳацхраауаз иҭахаз рбаҟа амҵан.
14 Август 2018
41
Загрузка плеера
Алаҳәарақәеи адныҳәаларақәеи
АГТРК