Нанҳәамза 30 , хабарда ибжьаӡыз жәларбжьаратәи рымш ауп .

30.08.2017
535

Нанҳәамза 30 , хабарда ибжьаӡыз  жәларбжьаратәи рымш ауп . Аҟәа Ахьӡ-Аҧша апарк  аҿы ашәҭ шьыҵәрақәа шьҭарҵеит Аҭынчреи асоциалтә иашареи рзы Аҧсны анацәа рхеидкылеи, Аџьар ҟаҧшь жәларбжьаратәи аилаки рхаҭарнакцәа.

Ари амш акыр аҵанакуеит, еиҳаракгьы  Аҧсны Аџьынџьтәылатә  еибашьраан   зҵеицәа хабарда  ибжьаӡыз анацәа рзы . Феруза Қап-ҧҳа 22 шықәса рыҩныҵҟа Ахьӡ-аҧша апарк ахь  дааиуан ,  лара илыздыруамызт лыҷкәын изқәаҭыҧ ахьыҟаз . Зыҧсыбаҩқәа анышә иамадоу рҳаҭгәынқәа днарыдгылон , знымзар –зны лыҷкәын иҧсыбаҩ рыҧшаап ҳәа дгәыҕуан .Ҩы-шықәса раҧхьа ,лаҵарамза 29 ,2015 шықәсазы, Аҳбиук  аҕацәа икарыжьыз  авертолиот аҿы иҭахаз аибашьцәа, 13-ҩык  рхаҭарақәа шьақәыргылан Хорватиа  имҩаҧыргаз  аекспертиза ала, убарҭ дрылан  Алиас  Қапбагьы.  

Аџьар ҟаҧшь  жәларбжьаратәи аилак акомиссиа аиҳабы Ҳелен Старе лажәақәа рыла , дара хықәкы хадас ирымоуп , аибашьраҿы ибжьаӡыз ауаа рыҧсыбаҩқәа рышьақәыргылара.

Хабарда  ибжьаӡыз рыҧсыбаҩқәа рышьақәыргылараҿы , зегь раасҭа иуадаҩуп ииашоу аинформациа аҧшаара иҳәеит Аҧсны Хабарда Ибжьаӡыз рыҧшааразы   иаҧҵоу акомиссиа аиҳабы Роман Адлеиба . Аџьар ҟаҧшь жәларбжьаратәи аилак акомиссиа Аҧсны  ибжьаӡыз рхаҭарақәа рышьақәыргыларазы аусурақәа мҩаҧыргоит  2010 шықәса раахыс .Зынӡа Аџьынџьтәылатә еибашьраан 179-ҩык хабарда ибжьаӡыз ҳәа иҧхьаӡоуп. 39 –ҩык  рхаҭарақәа шьақәдыргылахьеит.

Дениза Гьергьиа  , Ҭемыр Гогохьиа, АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Маи 2018
43
Уи еизнагеит апоет иажәеинраалақәа бзиа избо ашәҟәыҩҩцәеи, аҵарауааи, ауаажәларатә усзуҩцәеи, арҵаҩцәеи, аҵаҩцәеи.
18 Маи 2018
126
Уи аҳәаақәа ирҭагӡаны, Москватәи аҳәынҭқарратә университет аушьҭымҭацәа Вардаиаҧҳа Валериеи Громова Анастасиеи иаздырхиаз апроект иазааҭгылеит.
17 Маи 2018
98
Жәларбжьаратәи амузеиқәа рышм аҽны аҵх агәанынӡа Аҟәа иаартызаауеит амузеиқәа хҧа.
17 Маи 2018
140
Аҳәынқарра Ахада иҟаиҵаза Аусҧҟа инақәыршәаны, аибилеи аҳаҭыр азы гәыҧҩык адипломантцәа чынла иҳаракын.
Загрузка плеера
Алаҳәарақәеи адныҳәаларақәеи
АГТРК