Идунеи иҧсахит ауаажәларратә усзуҩы, Леон иорден занашьаз, Руслан Ражден-иҧа Кьышьмариа.

30.08.2017
437

Аҧсны жәлар рџьынџьтәылатә еибашьра аветеранцәа даҽаӡәгьы иҧсҭазаара далҵит. Идунеи иҧсахит ауаажәларратә усзуҩы, Леон иорден занашьаз, Руслан Ражден-иҧа Кьышьмариа.

Очамчыра араион Река ақыҭан, арҵаҩы иҭаацəараҿы ииз Руслан Кьышьмараиа ашкол данҭаз инаркны аҵарахьы ихы кыдын. Аамҭаказы аус иуан Улиановсктəи иреиҳаӡоу арра-техникатə ҵараиурҭаҿы. Аррамаҵура анихига раҧхьа Москва, нас Очамчыра аус иуан. 1998 шы6ъса рзы Аҧснытəи аҳъынҭқарратə университет далгеит азиндырҩы изанааҭ ала.

Ақырҭқəа еибашьрала Аҧсны ианақəла аҧсадгьыл аптриотцəа зегь реиҧш абџьар шьҭихит Руслан Кьышьмариа. Раҧхьа дыҟан Гəымсҭатəи ахырҕəҕəарҭаҿы абаталион акомандаа7ҵаҩыс. 1993 шықəса рзы мрагыларахьтəи афронтахь дцоит адҵа ҷыда  назыгӡоз агъыҧ «Дельфин» иманы. Аиааира амш даҧылеит Егры аӡиас ахықəан.

Аибашьра ашьҭахь Руслан Кьышьмариа зегь раасҭа иахьшъарҭаз Гал араион аҳъынҭқарратə шəарҭадара амаҵзура аусбарҭа напхгара азиуан. Акыр аамҭа аус иухьан Гал араион ахадас
Руслан Кьышьмариа Урыстəыла абжьаҟазарат мчқəа ареспублика ианаларгала инаркны, имюаҧыргоз аиҿцəажəарақəа зегьы дрылахəын Аҧсны ахада Владислав Арӡынба ихаҭарнак ҷыда иаҳасабала. Иара еснагь ихьчон Аҧсны аинтересқəа, зегь раасҭа иуадаыыз аамҭақəа раан. Руслан Ражьден-иҧа иҟазшьа бзиақəа ируакын ажурналистцəа рызҵаарақəа рҭак аҟаҵара, апату рықəҵара. Ари аҩыза ахымҩаҧгашьа зегьы иднаҧхьалон. Аҧсны азҵааразы игəаанагара ицеиҩызымшозгьы, ҳаҭырла иацəажəон, рацəажəашьа дахьақəшъоз азы.

Руслан Кьышьмариа Аҧсны жəлар реизара дадепутатын 2004 шықəсазы. Аҧсны Ахада ихаҭыҧуаю иаҳасабала алхрақəа дрылахəын.

Аибашьраантəи иџьабаазы Руслан Кьышьмариа Леон иорден ианашьан, Аҧсны Ахада Рауль Ҳаџьымба 2016 шықəсазы инапы зҵаиҩыз Аусҧҟа инақъыршəаны.

Руслан Кьышьмариеи иҧшəма ҧҳəыс Фатима Иналҧҳаи ирыхшеит хҩык ахшара. Ирызҳауеит амоҭацəа.
Аибашьра аветеран, Леон иорден занашьаз Руслан Кьышьмариа дыздыруаз зегьы ргəаҵаҿы даанхоит.

Д. Инаҧшьба А. Агәхаа,АТ.



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Маи 2018
51
Уи еизнагеит апоет иажәеинраалақәа бзиа избо ашәҟәыҩҩцәеи, аҵарауааи, ауаажәларатә усзуҩцәеи, арҵаҩцәеи, аҵаҩцәеи.
18 Маи 2018
156
Уи аҳәаақәа ирҭагӡаны, Москватәи аҳәынҭқарратә университет аушьҭымҭацәа Вардаиаҧҳа Валериеи Громова Анастасиеи иаздырхиаз апроект иазааҭгылеит.
17 Маи 2018
100
Жәларбжьаратәи амузеиқәа рышм аҽны аҵх агәанынӡа Аҟәа иаартызаауеит амузеиқәа хҧа.
17 Маи 2018
142
Аҳәынқарра Ахада иҟаиҵаза Аусҧҟа инақәыршәаны, аибилеи аҳаҭыр азы гәыҧҩык адипломантцәа чынла иҳаракын.
Загрузка плеера
Алаҳәарақәеи адныҳәаларақәеи
АГТРК