Иҳаҩсыз амшқәа рзы иауаз ақәаршҩы иахҟьаны аҳҭнықалақь амҩадуқәа аҩар рхыҵәеит.

30.08.2017
705

Иҳаҩсыз амшқәа рзы   иауаз ақәаршҩы иахҟьаны аҳҭнықалақь амҩадуқәа аҩар рхыҵәеит. Иасуаз аҧша ҕәҕәа аҵлақәа жәпакы хнажәжәеит.  Уажәазы амш бааҧс ахҟьа-ҧҟьақәа раҧыхразы ақалақь аҿы аусурақәа мҩаҧыргоит. Урҭ ирыдыҧхьалоуп акоммуналтә усбарҭа иаҵанакуа амаҵзурақәа зегьы.

Иацы ашамҭаз иҟалаз амшцәгьа бааҧс  Аҟәа ақалақь аҿы аҭагылазаашьа аруадаҩит. Шьаҭанкыла иҵырҩит  хыҧхьаӡара рацәала аҵлақәа, урҭ ахькаҳазгьы имаҷымкәа аҧхасҭа ҟарҵеит. Убас Арӡынбеи Иналиҧеи рымҩеихдаҿы, аҩнқәа руак  ахыб аҵла ақәҳаит. Владимир Шармаҭ     ҩажәи хәба шықәса ҵуеит Иналиҧа имҩаду аҿы дынхоижьҭеи. Иацы шьыжьнаҵы игаз абжьы ҕәҕәа аҭаацәа ацәа иалнахит. Рыҩны иақәҳаз аҵла ахыб аҧхасҭа анаҭеит, уи иахҟьаны ақәа кылсны,  ауадақәа аӡы рыҩналеит.

Арӡынбеи Иналиҧеи рымҩеихдаҿы инхо ауааҧсыра лашарадагьы иаанхеит. Аҵлақәа анкаҳауаз аамҭазы, афымцацәаҳәа мҩанызго ашьаҟагьы рыцкаҳаит. Уажәазы амшцәгьа ахҟьа-ҧҟьақәа раҧыхра иаҿуп. Аусурақәа мҩаҧыргоит Аҧсны ариаҵәаратә нхамҩа иатәу абригадақәа ааба. Еиҳарак аҭагылазаашьа ахьыбааҧсу аҭыҧқәа рҿы дара ирылшо зегь ҟарҵоит, икаҳаз аҵлақәа ҧҟаны рықәгаразы. Иаааизакны ҩымш рыла ақалақь иалыргеит ҩынҩеижәи жәаба ҵла.  Мчыбжьык иалагӡаны русура хдырқәшарц ргәы иҭоуп, ҩаҧхьа  Аҧсны амшцәгьа ҟамлар.

Аџьармыкьахь уназго амҩаду аҿы аҭагылазаашьа еицәамзар, еиҕьым.  Араҟа афымцатә цаҳәа хадақәа ақалақь иахьаҵанакуа егьырҭ аҭыҧқәа рҿы еиҧш иҧҵәаны иҟоуп. Уи иахҟьаны ҭыҧқәак рҿы ауааҧсыра лашарада иҟан. Урҭ реиҭашьақәыргылара шьыжьнаҵы нап адыркхьан Аҟәатәи афымцатә усбарҭа аусзуҩцәа. Урҭ реиҳабы Ҭемыр Џьынџьал, иажәақәа рыла, амшцәгьа аныҟала аҧхьатәи амш азы лашарада иаанхаз араионқәа рҟны аусура иалагахьан. Иахьа урҭ аусурақәа ирыцҵан, хәлаанӡагьы рхыркшара  азгәаҭан.  Иара убасгьы, ақалақь амҩадуқәа ирныз аҩар иннажьыз аҳәынҵәа ақәгаразы  Аҟәа ақалақь «Автонхамҩаҷыда» аусзуҩцәа, аусура иаҿын. Иазгәаҭатәу ақәаура ҕәҕәа иахҟьаны ишхыҵыз Аҟәа иалсны ицо акәара хәыҷқәа. Урҭ ааигәа рӡыршьҭрақәа ррыцқьара иалагахьан, аха имҩаҧыргоз аусурақәа аҵыхәтәанынӡа инагамызт. Уажәазы аусурақәа мҩаҧызго «Аҧсныҟәарахьчара» аилак ахаҭарнакцәа ирҳәоит,  акәарақәа рӡыршьҭра иҭаҳаз аҵлақәа рықәгара ишаҿу, анаҩс аӡы ааиқәтәар, урҭ ррыцьқьаразы имҩаҧыргоз аусурақәа ишрыцҵахо.  Аҭагылазаашьа ҷыдақәа рминистрра  ргәырҽанырҵоит, Аҧсны иҵегь амшцәгьақәа ҟалар шалшо, убри аҟынтә аҳәара ҟарҵоит машьынала амҩа хара ақәлара мап ацәыркырц.

Наала Чхьынџьериаҧҳа, Саид Агәхаа, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
24 Маи 2018
1
Активла рхы аадырҧшит ашколқәа реиҧш , ақалақь аҟны иҟоу аусбарҭақәа зегьы.
24 Маи 2018
1
Араион ахадара, амчратә усбарҭақәа рхаҭарнакцәа, ақалақьуаа - досу ирылшоз ала рықалақь дрыцқьон.
24 Маи 2018
1
Шьыжьнаҵы , асааҭ ааба инаркны Аҟәа ақалақь еиуеиҧшым аиҿкаарақәа , анаплакқәа , ашколхәыҷқәа , арҵаҩцәа дасу идрыцқьарц ирыдыз аҭыҧқәа рҿы аҽеизгара иалагахьан .
Загрузка плеера
Алаҳәарақәеи адныҳәаларақәеи
АГТРК