Имҩаҧысит Приморск ақыҭан иҟалаз аҧжәара ахҟьа-ҧҟьақәа раҧыхразы иаҧҵаз аҳәынҭқарратә комиссиа аилатәара.

31.08.2017
608

Аҧсны Аҧыза-министр Беслан Барцыц Приморск ақыҭан иҟалаз аҧжәара ахҟьа-ҧҟьақәа раҧыхразы иаҧҵаз аҳәынҭқарратә комиссиа аилатәара мҩаҧигеит Гәдоуҭа.  

Ирылацәажәон аҧжәара ашьҭахь ақыҭаҿы икаҳаз абџьари аџьаҧҳани реизгара шымҩаҧысуеи, аҧхасҭа зауз анхацәа ацхыраара шырзыҟарҵои рызҵаарақәа.

Приморсктәи абџьари аџьаҧҳани рыҵәахырҭаҿы аҧжәара аныҟала иаразнак Аҧсны Ахада Рауль Ҳаџьымба аҳәынҭқарратә комиссиа аҧиҵеит , Аҧыза-министр Беслан Барцыц ихантәаҩрала. Уи инапынҵас иаман иҧымжәаз аминақәеи, ахқәеи реизгара, иара убасгы аҧхасҭа зауз анхацәа ацхыраара рыҭара. Аҧыза-министр Беслан Барцыц акомиссиа аилатәара мҩаҧигахьан изныкымкəа . Хаҭала даҭаахьан амашәыр ахьыҟалаз ақыҭа, анхацәа дырҧылахьан . Усҟан Беслан Барцыц аҩнқәа реиҭашьақәыргылара знапы ианыз аргыларатә усбарҭақәа рнапхгаҩцәа рнапы ианиҵеит ашәҟәқәа еиқәдыршәаанӡа аргыларатә усурақәа ирылагарц. Избанзар, ахьҭа ҟалаанӡа еиҭашьақәыргылатәын анхарҭақәа.

Акомиссиа иахьатәи аилатәараҟны еихыршьаалон амашәыр ахьыҟалаз аҭыҧаҿы арыцқьаратәи аргыларатәи усурақәа ахьынӡанаргахьоу. Акомиссиа аилатәара аҿы атәылахьчараеи аҭагылазаашьа ҷыдақәеи рзы аминистррақәа рхаҭарнакцәеи, аргыларатә усбарҭақәа рнапхгаҩцәеи ирҳәеит, инарыгӡахьоу аусқәа ртәы. Хелло Траст аусзуҩцәа макьана аус шыруагьы, анхацәа рыҧсҭазаара ашәаҭара иҭазыргыло ҳәа акгьы ыҟам. Анхацәа рыҩнқәа рхыбра иаҿуп. Аҧыза-министр иҳәеит, ахьҭақәа ҟалаанӡа, аусурақәа зегьы рхырқәшара аҭахны ишыҟоу.

Иазгәаҭатәуп, аҧхасҭа зауз аҩнқәа реиҭашьақәыргылара иацу ахарџь зегьы Аҧсны аҳәынҭқарра ахахьы ишаго. 

Д.Инаҧшьба , Н.Аршба , С.Агәхаа,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15
Ари атема иазкны анҵамҭа аззырхиоз ҳкорреспондент, дазымхәыцкәа лхы иалырхәаз архивтә кадрқәа, ашкол анҭыҵ иҭыхыз ракәын.
17
Лыхнашҭа ауааҧсыра рацәан. Зехьынџьара еиҿкаан еиуеиҧшымыз ажәытә хәмаррақәа.
21
Ари ацәыргақәҵаҿы асахьақәа ахәшьара рырҭон зҧышәа ҳараку асахьаҭыхҩцәа.
29
Урҭ рҟны еуеиҧшым атемақәа ирылацәажәон Аҧсныи Урыстәылеи рхаҭарнакцәа .
Алаҳәарақәеи адныҳәаларақәеи
АГТРК