Сентиабр ҧшьба рзы Аҧсны аҵарашықәс ҿыц иалагоит.

31.08.2017
442

Сентиабр ҧшьба рзы Аҧсны аҵарашықәс ҿыц иалагоит. Аҟәатәи абжьаратә школқәа уи амш ишазыхиоу еилылкаан ҳкорреспондент.

Баграт Шьынқәба ихьӡ зху Аҟәатәи актәи абжьаратә школ аҵарашықәс иазыхиоуп уҳәар алшоит. Арҵаҩцәа ахәыҷқәа рааира иазыҧшуп. Уажәы акласстә уадақәа рҿы аилыргарақәа цоит. Аҵыхәтәантәи арҽеирақәа мҩаҧыргоит. Аҵара аминистрра абзоурала ахәбатәи афбатәи аклассқәа ирыҵаркуа ауадақәа рзы иааган апарта ҿыцқәа. Егьырҭ аклассқәа рҟны макьаназы ашкол иамаз ажәытәқәа ааныжьуп. Сынтәа актәи акласс ахь зшьаҿақәа еихызго аҵаҩцәа ҧшьынҩеижәи жәаа ҩык ҟалоит. Азыҟаҵаратә гәыҧ ахь ирзыҧшуп ҩынеижәи жәа-ҩык ахәыҷқәа. Зынӡа иааизакны сынтәатәи аҵарашықәс азы аашә-ҩык аҵаҩцәа аднакылоит ари ашкол .

Актәи ашкол аҵаҩцәа аҵара зларҵаша ашәҟәқәа рылагьы еиқәыршәоуп. Ааигәа ироуит фышә инарыцны, Аҧсны иҭрыжьуа арҵагатә шәҟәқәа. Урҭ рахь ианаҵакуеит, актәи, ахәбатәи, афбатәи, ажәбатәи аклассқәа рзы иаагоу аҧсуа литературеи абызшәеи, аурыс бызшәеи амаҭәарқәа рзы ашәҟәқәа. Иаарласны ироураны иҟоуп аҧсабареи аурыс бызшәеи ирызку, аиҵбыратәи аклассқәа рзыҳәан ашәҟәқәа. Иара убасгьы ашкол ахатә харџьала уадақәак рҿы арҽеирақәа мҩаҧган. Ахҧатәи аихагылаҿы иҟоу ауадақәа рҿы адашьмақәа рыцқьаны иршәит. Уажәазы иаанхаз, ашкол иаиуз апартақәа рыҩнагалара ауп. Иҳәатәуп, иара убасгьы аҵаҩцәа доусы ашколтә форма аныҟәгара шрыхәҭоу, уи аганахь алагьы актәи абжьаратә школ аҟны уадаҩра ҳәа акгьы ыҟам. 

Владимир Комаров ихьӡ зху Аҟәатәи афбатәи абжьаратә школ аҟынгьы аҵыхәтәантәи арҽеирақәа мҩаҧыргоит. Аҵаҩцәа рҭаацәа рыцырхырааны акласстә уадақәа дырхиоит. Икнарҳауеит аҧардақәа, ашкол аҧенџьырқәа дрыцқьоит. Амала, апартақәа рганахь ала макьаназы аусқәа ӡбам. Аха аҵара аминистрра ашкол анаҧхгара ақәдыргәыҕт, иаарласны азҵаара аҭыҧ ишықәҵахо. Сынтәа афбатәи ашкол иаднакыло ахәыҷқәа рхыҧхьаӡара шәи ҩажәи хә-ҩык ыҟоуп. Шықәсык аҧхьа актәи аклассқәа рхыҧхьаӡара маҷызҭгьы, сынтәа хә-класск ҟалоит. Афбатәи аҧсуа – аурыс школ аҿы сынтәа аҵара рҵалоит фышәи ҧшьынҩеижәаҩык аҵаҩцәа. Ари ахыҧхьаӡара ашкол азы даара иҳаракуп. Уи аҩыза ахыҧхьаӡара ҟамлацызт рҳәоит арҵаҩцәа. 

Ашкол зынӡа хәышәи ҩынҩеижәи жәаҩык рҭыҧ амоуп. Арҵагатә шәҟәқәа рылагьы ашкол еиқәыршәоуп. Сынтәа ироуит шәи ҩажәа шәҟы инареиҳаны. Иҳәатәуп, ашкол аҩныҵҟатәи аҭӡамцқәа рҭагылазаашьа шҽеим, аиҭашьақәыргыларатә усурақәа рымҩаҧгара аҭахны ишыҟоу. Иаарласны уи аус нап аркхап ҳәа агәыҕра аадырҧшуеит ашкол аиҳабыра.

 Наала Чхьынџьериаҧҳа, Леон Адлиеба, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Маи 2018
41
Уи еизнагеит апоет иажәеинраалақәа бзиа избо ашәҟәыҩҩцәеи, аҵарауааи, ауаажәларатә усзуҩцәеи, арҵаҩцәеи, аҵаҩцәеи.
18 Маи 2018
114
Уи аҳәаақәа ирҭагӡаны, Москватәи аҳәынҭқарратә университет аушьҭымҭацәа Вардаиаҧҳа Валериеи Громова Анастасиеи иаздырхиаз апроект иазааҭгылеит.
17 Маи 2018
98
Жәларбжьаратәи амузеиқәа рышм аҽны аҵх агәанынӡа Аҟәа иаартызаауеит амузеиқәа хҧа.
17 Маи 2018
140
Аҳәынқарра Ахада иҟаиҵаза Аусҧҟа инақәыршәаны, аибилеи аҳаҭыр азы гәыҧҩык адипломантцәа чынла иҳаракын.
Загрузка плеера
Алаҳәарақәеи адныҳәаларақәеи
АГТРК