Гəдоуҭатəи акалмаҳааӡарҭақəа руак амшцəгьа иахҟьаны аҧхасҭа аиуит.

31.08.2017
612

Аҵыхәтәантәи амшқәа рзы иҟаз амшцәгьақәа ирыхҟьаны, аҧырхага зауз анхамҩақәа рхыҧхьаӡараҿы иҟоуп Гәдоуҭатәи акалмаҳа ааӡарҭақәа руак.

Август 30 ашарҧазы иҟалаз амшцәгьа иахҟьаны  иҿыбгаз абахә аҟнытәи илеиз ахаҳә-мҿыхә ианнакылеит абри акалмаҳа ааӡарҭа ашҟа иааиуаз аӡиас. Убри иахҟьаны, минуҭқәак рыла аҧсыӡ ахьырааӡоз иҭачаҧаны иҟаҵаз аӡҭарчқәа ҭабеит. Иаразнак ауааҧсыра  аӡыршьҭра арыцқьара ишалагазгьы аилак «Акалмаҳа» аҟны ирааӡоз аҧсыӡ маҷымкәа иҧсит.

Иазгәаҭатәуп, еиҳарак аҧхасҭа зауз макьана аҭира аҟынӡа иазымҳац акалмаҳа ссақәа шракəу. Шамахамзар, уи аиҳарак ҭахеит. Ааха аиуит иара убас аҧсыӡ дуқәа зҭаз аӡҭарчы.

Амшцәгьа иахҟьаны аӡы ахьыхуашьу аҟнытә макьана иуадаҩуп иҟалаз аҧхасҭа ашьақәыргылара. Аҧсны ақыҭанхамҩа аминистр Даур Ҭарба идҵала, иаразнак ахҭыс ахьыҟалаз аҭыҧ ахь инеит аспециалистцәа.  Урҭ ргәаанагарала ,анхамҩа ааха ҕәҕәа аҭоуп. Иҟалон уи еиҳахаргьы аҭыҧантәи анхацәа иаразнак аӡыршьҭра арыцқьара иалмгазҭгьы, иҳәеит анаплакы аиҳабы Заур Еныкь. Иахьазы атехника ахархәарала аӡыршьҭра рыцқьоуп.

Е.Арџьениа, А.Џьениа АТ



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Февраль 2018
97
Аҭыжьымҭаҿы:Аҟәатәи араионтә еизара адепутатцәа араион ахада икандидатура иадгылеит.
16 Февраль 2018
95
Аспециалистцәа ражәақәа рыла, апальма зфо абжы ҟаҧшь уажәнатә иаанкыламзар, егьырҭ аҭыҧқәа рахь ииасыр алшоит.
16 Февраль 2018
107
Даҽа шәахтәк иалацәажәан Аҧсны аусдкылаҩцәа рассоциациа ахаҭарнакцәеи Жәлар реизара адепутатцәеи, аекономика аминистрреи, абизнес уааи злахәыз астол гьежь аҟны.
15 Февраль 2018
215
14 Февраль 2018
203
Загрузка плеера
Алаҳәарақәеи адныҳәаларақәеи
АГТРК