Адыррақəа рымш Аҟəатəи ахҧатəи ашкол аҟны.

04.09.2017
341

Аҧсны аҳҭнықалақь ижәытәӡоу ашколқәа ируакуп ахҧатәи. Еиуеиҧшымыз аамҭақәа рзы араҟа аҵара рҵон еицырдыруа ашәҟәыҩҩы Фазиль Искандери, ауаажәларратәи, аполитикатәи аусзуҩы, аҵарауаҩ Иури Воронов. Акыр шықәсқәа аус зымуаз ашкол ахыбра аиҭашьақәыргалара алыршахеит Урыстәыла Аҧсны иазыҟанаҵо афинанстә цхыраара абзоурала. 

Уажәы ашкол аҟны аҵара рҵоит 600 – ҩык инарыцны. Дара рахьтә сынтәа акласс ахь ршьаҿа еихыргеит 110 – ҩык аҵаҩцәа. Ашкол аиҳабы Маиа Пагааҧҳа атәыла анапхгара иҭабуп ҳәа раҳәаны аҵаҩцәеи арҵаҩцәеи ирыдылныҳәалеит аҵарашықәс ҿыц алагара амш. Арҵаҩцәеи аҵаҩцәеи аҵарашықәс ҿыц рыдныҳәало Аҧсны Ахада Рауль Ҳаџьымба иазгәеиҭеит, ахҧатәи ашкол иамоу атрадициақәа ишрыцҵатәу ҳаҧхьаҟа. Урыстәыла иҟанаҵо афинанстә цхыраарала иҟаҵоу ари ашкол амацара акәӡам, - иҳәеит аныҳәа зхы алазырхәыз Аҧсны иҟоу Урыстәыла ацҳаражәҳәаҩ Семион Григориев.

Аҧснытәи ашколқәа зегьы рзы ныҳәа дууп аҵарашықәс ҿыц алагара,- ҳәа азгәеиҭеит аҵареи аҭҵаарадырреи рминистр Адгәыр Какоба. Аҟәатәи ахҧатәи урыс школуп. Аха сынтәа инаркны раҧхьаӡакәын иалагалоуп аҧсуа сектор. Аҵаҩцәа рзы ашкол ҿыц ашә аартра раҭәашьан Аҧсны иҟоу Урыстәыла ацҳаражәҳәаҩ, аҵареи аҭҵаарадырреи рминистри. Анаҩс ишаҧу еиҧш ахыбра раҧхьа иҩналеит актәи аклас аҵаҩцәа.  

Ашкол ҳаамҭазтәи аҭахрақәа ирықәшәоит. Илашоуп, иҧшӡоуп. Иқәырыгылоуп авидео рбагақәеи, џьара алҩа ҩеир адырра ҟазҵо амыругақәеи. Ашколтә уадақәа дрыҩнысны ибеит Аҧсны Ахада. Аҵаҩцәа драцәажәеит. Ашкол ахыбраҿы иҟоуп аҵаҩцәа абаҩырҵәыразы рҽахьазыҟарҵо, акрыфарҭа. Актәи акласс инаркны ажәеизатәи аҟынӡа аҵара зҵо 600 – ҩык рзы ахҧатәи ашкол аҿы иаҧҵоуп аҭагылазаашьа маншәалақәа, адырра бзиақәа роуртә еиҧш.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Август 2018
133
Аҧсны Ахада, Атәылахьчара аминистрра аколлектив дыдирдырит Аштаб Хада аиҳаб ҿыц Васили Луниов.
16 Август 2018
123
Мызкы инарзынаҧшуа Тҟәарчал ақалақь Џьанҭоу аҳаблаҟны ажрақәа мҩаҧыргоит Аҧсныи Урыстәылеи рархеологцәа.
16 Август 2018
142
Имҩаҧысит ҳтәыла еиуеиҧшым араионқәа рҟынтә ауаажәларратә еиҿкаарақәа злахәыз аиҧылара.
16 Август 2018
109
Васили Луниов Аҟәаҟа даанӡа, Алжир арратә бжьгаҩыс дыҟан.
15 Август 2018
93
15 Август 2018
75
Араҟа еизгаз аҧара афонд« Ашана »иахыҧхьаӡалахоит .
Загрузка плеера
Алаҳәарақәеи адныҳәаларақәеи
АГТРК