Быжьшәи ҧшьынҩажәи зеижә ҩык аҵаҩцәа еидызкылараны иҟоу Аҟәатәи актәи абжьаратә школ аҵарашықəс хацнаркит.

04.09.2017
449

Быжьшәи ҧшьынҩажәи зеижә ҩык аҵаҩцәа еидызкылараны иҟоу Аҟәатәи актәи абжьаратә школ ашҭа хәыҷыхәыҷла аҭәра иаҿын шьыжьнаҵы.   Аҧсшьарамшқәа рышьҭахь, игәхьааибаганы иҟаз аиҩызцәа рызхара изеибабомызт. Зегь раасҭа згәы хыҭхыҭуаз раҧхьаӡа акәны ашколахь зшьаҿа еихызгаз ахәыҷқәа ракәын.

Урҭ иахьарнахыс рысҭазаара аҽеиҭанакуеит. Изышьцылахьаз ахәмарра ахаҭыҧан ишьҭырхыр акәхоит ашәҟәқәа.

Иалагеит зегьы ззыҧшыз агәырҕьаратә цәаҳәа . Актәи ашкол аиҳабы аҵарашықәс алагара иазкыз аусмҩаҧгатә аартуа иазгәалҭеит, ҵыҧх еиҧш сынтәагьы аҵарашықәс  иманшәаланы имҩаҧысып ҳәа дшақәгәыҕуа.

Анаҩс ажәа иман ааҧхьара змаз Аҧсны аҧыза аминистр Беслан Барцыц. Иара иқәгылараҿы иазгәаиҭеит, ҳтәылаҿы иахьа шәи ҩынҩажәи жәаф школ рышәқәа шаадыртыз. Иара убасгьы уахь имҩахыҵыз зегьы рыхьӡала, актәи ашкол аҵаҩцәа дрыдныҳәалеит.

Актәи ашкол аҟны аус руеит ҩынеижәи жәаа ҩык арҵаҩцәа. Урҭ зегь рхәыҷқәа реиҧш бзиа ирбо аҵаҩцәа есышықәса ирзыҧшуп. Адырра ҿыцқәа рыҭара иазыхиоу рхыҧхьаӡараҿы дыҟоуп  Ҭина  Арышҧҳа. Лара сынтәа актәи «А» акласс ахь ҩажәи быжьҩык аҵаҩцәа лыдылкылеит.

Шықәсык аҧхьа актәи аклассқәа рхьыҧхьаӡара иаҳа еиҳазҭгьы, сынтәа х-класск роуп иҟало. Аҵаҩцәа  ахьдыртәаша акласстә уадақәа разымхара иахҟьаны. Класс цыҧхьаӡа ҩажәи жәаҩык аҵаҩцәа аднакылеит. Агәырҕьаратә цәаҳәа ашьҭахь игеит раҧхьатәи аҵәҵәабжьы. Зегьы ццакит акласстә уадақәа рахь. Убарҭ дрылан Асҭамыр Абыхәбагьы.. Иан лнапы кны актәи «В» ауадахь  дыҩналон.

Иацы быжьшықәса зхыҵыз Асҭамыр, аҵара дшазыхио агәра угартә иҟоуп. Аха макьаназы ашколтә ҧсҭазаара агьама зымкыц рахьтә иҟалеит маҷк иацәшәазгьы. Урҭ маҷк ргәы ҧшааит рҭаацәа акласс уада аанрыжьуа ианалага. Зхала еизынхаз аҵаҩцәеи арҵаҩи иалагеит раҧхьатәи аурок.

Наала Чхьынџьериаҧҳа, Саид Агәхаа, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
17 Маи 2018
63
Жәларбжьаратәи амузеиқәа рышм аҽны аҵх агәанынӡа Аҟәа иаартызаауеит амузеиқәа хҧа.
17 Маи 2018
112
Аҳәынқарра Ахада иҟаиҵаза Аусҧҟа инақәыршәаны, аибилеи аҳаҭыр азы гәыҧҩык адипломантцәа чынла иҳаракын.
16 Маи 2018
119
Аҧсны аҵареи аҭҵаарадырреи рминистрра атəыла Ахада иахь иҟарҵаз аҳəара инақəыршəаны, урҭ раахəаразы аҧара рзоужьын Аҧсны Ахада ифонд аҟынтə.
16 Маи 2018
110
Аҟəатəи ақалақьтə еизара аҟны ари азҵаара ӡбаахаанӡа уаанӡатəи ахəҧсала аус рулоит..
Загрузка плеера
Алаҳәарақәеи адныҳәаларақәеи
АГТРК