Адырра амш аҽны Дырмит Гәлиа ихьӡ зху аҧшьбатәи абжьаратә школ аҟны еиҿкаан агәырҕьаратә цәаҳәа.

04.09.2017
794

Традициала ашколқәа зегь рҟны ишаҧу еиҧш, адырра амш аҽны Дырмит Гәлиа ихьӡ зху аҧшьбатәи абжьаратә школ аҟны еиҿкаан агәырҕьаратә цәаҳәа. Шәи ханҩажәи ҧшьҩык ахәыҷқәа иахьа раҧхьаӡа акәны ршьаҿақәа еихыргеит ашкол ахь. Аҵарашықәс алагара аҵаҩцәеи арҵаҩцәеи ирыдылныҳәалеит ашкол  аиҳабы Нонна Ломиаҧҳа.

Дарбанзаалак ауаҩы инысымҩаҟны ашкол ихадароу аҭыҧ ааннакылоит. Араҟоуп ахәыҷқәа адыррақәа ахьроуа, рбызшәеи рыҧсадгьыли рахь агәыбылра ахьышьҭырхуа. Адыррақәа рнаҩс ашкол аҿы аҵаҩцәа ирыларааӡоит ауаҩытәыҩсатә ҟазшьа бзиақәа – аразра, аҧсыцқьара, апатуқәҵара, аҭакҧхықәра уҳәа.   Иахьарнахыс, актәи акласс ахь зшьаҿақәа еихызгаз рзы, ашкол – аҩбатәи рыҩноуп, арҵаҩцәа – аҩбатәи рҭаацәа роуп.


Анаҩс игеит хәыҷи дуи  ззыҧшыз, аҵарашықәс ҿыц шалагаз атәы узырдыруа раҧхьатәи аҵәҵәабжьы.
Агәырҕьаратә цәаҳәа анхыркәшаха, арҵаҩцәеи аҵаҩцәеи аклассқәа рахь рҿынархеит. Ари аҽны актәи акласс ахь зшьаҿа еихызгаз рзы аҭынчра иазку итрадициатәу аурокқәа мҩаҧган. Ахәыҷқәа раҧхьаӡа акәны ашкол ахь ишаазгьы, аурокқәа рҿы рхы шымҩаҧыргаша атәы рдыруеит.

Ари амш аҵаҩцәеи арҵаҩцәеи рнаҩс,  гәырҕьарак ирзаҩызоуп  зхәыҷқәа раҧхьаӡа ашкол ахь ицаз аҭаацәарагьы.

Актәи акласс ахь зшьаҿа еихызгаз ахәыҷқәа аинтерес кны раҧхьатәи рышәҟәы «Анбан»  иахәаҧшуан. Маҷк ишыҧхашьозгьы, ажәеинраалақәа ирыҧхьеит.

Абасала, арҭ ахәыҷқәа рзы иаартуп аинтереси алахҿыхреи зцу аҵарадыррахь амҩаду.

Алика Ҭраҧшьҧҳа, Беслан Чхьынџьериа, АТ



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
36
Аҭыжьымҭаҿы:Ахырхарҭақәа жәпакы рҟны аусеицуразы еиқәышаҳаҭхеит. Аҧсныи Ҟрыми реиҳабырабжьаратә комиссиақәа актәи реилатәара.
44
Иара Аҧсны амилаҭтә олимпиатә еилакы аҿы  адныҳәаларақәа идикылон
39
Убри инамаданы имҩаҧган афонд ахаҭарнакцәа злахәыз апресс-конференциа.
55
Апроект авторс дамоуп ашәаҳәаҩ, акомпозитор, Хьыбла Мықәҧҳа.
Алаҳәарақәеи адныҳәаларақәеи
АГТРК