Акəасқьатəи абжьаратə школ аҟны адыррақəа рымш.

04.09.2017
399

Акәасқьатәи абжьаратә школ ашҭа уанҭало инаркны , угәы шьҭырхуеит улаҧш назықәшәо зегьы .Жәеиза шықәса ахәыҷқәа аҵара ахьырҵо , аҩбатәи рыҩны, нап адкылоуп .Ашкол ҿыцуп , ашҭа ҭбаауп , иҧшӡоуп . Ахәыҷқәа ракәзар , рышәҭ шьыҵәрақәа кны,шьыжьнаҵы ашкол ашҭаҿы аизара иалагеит .Рҩызцәеи дареи аҧсшәа еибырҳәон , игәхьааибаганы еицәажәон .

Ашкол ашҭа иҭыҩуан аҧсшәа цқьа , аҧсуа ашәақәа . Ахәыҷы –ицқьоу , акы зным ақьаад даҩызоуп . Ақьаад иануҵо ауп узыҧхьогьы . Ахәыҷы иааӡараҿы амҩа иаша иқәҵараҿы аҭакҧхықәра рыдуп аҭаацәеи арҵаҩцәеи . .Уаҧхьаҟа узакәхарц иуҭахыи ҳәа ҳазҵаара аҭак , лакҩакрада иҟарҵон аиҵбыратә класс аҵаҩцәа . Урҭ занааҭс иалырхуа аамҭа иаҳнарбап , уажәазы урҭ ирымоуп ахықәкы . 

Агәырҕьаратә цәаҳәаҿы аҵара ашықәс алагамҭа аҵаҩцәа ирыдырныҳәалон . Зегь раасҭа ргәы хыҭ-хыҭуан аҧьаҟатәи ашьаҿа ҟазҵаз , актәи акласс аҵаҩцәа . Урҭ ажәеинраалақәа ирыҧхьеит . Ргәы хыҭ-хыҭуан аҭаацәагьы . Аҵарашықәс ҿыц рыдныҳәало , рхәыҷқәа аџьабаа рыдызбало рырҵаҩцәа иҭабуп ҳәа рарҳәеит . Игеит раҧхьатәи аҵәҵәабжьы . Дасу рыклассқәа рахь иҩналеит аҵаҩцәа . 

Актәи акласс арҵаҩы Ҭина Қапҧҳа лҵаҩцәеи лареи еибадырит . Рҭаацәа андәылҵ ашьҭахь, макьана ашколтә ҧсҭазаара иашьцылам , зҭаацәа ирыдҳәылоу аҵаҩцәа рылаҕырӡқәагьы аахаддылеит . Аха уи зегьы ҧсҭазаароуп . Ари раҧхьатәи шьаҿоуп . Абри инаркны иалагоит ахәыҷқәа ирҧыло ауадаҩрақәа ириааины , ҧхьаҟа рцара . Мҩамш шәықәлааит . 

 Дениза Гергия , Михаил Братухин,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15 Август 2018
68
15 Август 2018
57
Араҟа еизгаз аҧара афонд« Ашана »иахыҧхьаӡалахоит .
15 Август 2018
63
Уи иазыҧҵәоу аамҭа иалагӡаны апаспорт аиуразы ашәҟәқәа алазымҵаз ирымоу рдокументқәа амч рцәыӡуеит.
15 Август 2018
51
Аҧсны ахадареи аибашьра аветеранцəеи ашәҭқәа шьҭарҵеит хатәгәаҧхарала иҳацхраауаз иҭахаз рбаҟа амҵан.
14 Август 2018
41
Загрузка плеера
Алаҳәарақәеи адныҳәаларақәеи
АГТРК