Тҟәарчал ақалақьи араиони рҿы гәацҧыҳәара ҿыцла иалагеит аҵарашықәс ҿыц.

04.09.2017
669

Тҟәарчал ақалақьи араиони рҿы гәацҧыҳәара ҿыцла иалагеит аҵарашықәс ҿыц. Ианаамҭаз ашколқәа рхыбрақәа ацхыраара рыҭан,арҵаҩцәа иахәҭоу аматериалқәа рыла еиқәыршәан. Аҵара ашықәс ҿыц алагара рыдырныҳәаларц Тҟәарчалтәи актәи абжьаратә школ ахь инеит араион анапхгара, аҵара аҟәша  ахаҭарнакцәа иара убас аныҳәа ихы алаирхәит Аҧсны  агәабзиахьчара аминистр Ҭамаз Цахнакиа. Уи ахәыҷқәа ирзеиҕьаишьеит агәабзиара аманшәалара, аҵараҟны аихьӡарақәа, арҵаҩцәа ракәзар рус аҟны ачҳареи ақәҿиарақәеи.

Аҧхынтәи аҧсшьара мшқәа  шьҭахьҟа ишьҭоуп ,иааит аҵара аамҭа. Ашкол ҧсҭазаара ахь зшьаҿа еихызгаз ахәыҷқәа рхы- рҿы ианубаалон агәыргьара.  Урҭ раҧхьа ишьҭоуп адырра ҿыцқәа, аҩызцәа рырҳара ,раҧхьатәи арҵаҩы лабадырра.

Аныҳәатә усмҩаҧгатә актәи ахәҭа анаҩс, ахәыҷқәа раҧхьатәи рырҵаҩии дареи руадақәа рахь инеит, арҵаҩцәа ракәзар, адырра амш иазкыз акласстә сааҭ мҩаҧыргеит.

Алықьса Аршба ихьӡ зху Тҟәарчалтәи ахәбатәи абжьаратә школ аҟны аҵара рҵоит ҧшьынҩажәа ҩык инарзынаҧшуа ахәыҷқәа. Сынтәа актәи акласс ахь зшьаҿа еихызгаз быжьҩык роуп .

Тҟәарчал араион аҟны иҟоуп абжьаратә школқәа жәаф, иара убас аус ауеит ацхыраагӡатә школгьы. Араион аҵара аҟәша аиҳабы лажәақәа рыла, ашколқәа зегьы ацхыраара рыҭан, еиқәыршәан ашәҟəқәа зегь рыла, ажәакала аҵарашықәс ҿыц иазыхиоуп.

Тҟәарчал араион анапхгара, аҵара аҟәша ахаҭарнакцәа Аҧсны агәабзиарахьчара аминистри школцыҧхьаӡа ирҭааит, аҵара шықәс ҿыц рыдырныҳәаларц азы. Уи анаҩс дара мҩахыҵит ақалақь аҟны иҟоу ахәыҷ баҳча «Џьамхәыхә» ахь. Сынтәа аиҵбыратәи агәыҧ иаднакылеит ҩынҩажәа ҩык инарзынаҧшуа ахәыҷқәа.  Аҵара - ааӡара знапы алаку арҵаҩцәа ракәзар, изызҳауа абиҧара ирзеиҕьаршьеит аҭынчра ,  ажәҩан цқьа, аҧсҭазаара бзиа.

Асмаҭ Шьакаиа Асҭамыр Гәажәба,АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
23
Аклассикатә музыка аконцерт аҟны еизгаз 117 нызқь мааҭ агәыҳалалратә фонд «Ашана» иахыҧхьаӡалахоит.
25
Уи абзоуроуп аилахәыра «Аҟәафон » иҟанаҵаз афинанстә цхыраара .
27
Ари атема иазкны анҵамҭа аззырхиоз ҳкорреспондент, дазымхәыцкәа лхы иалырхәаз архивтә кадрқәа, ашкол анҭыҵ иҭыхыз ракәын.
41
Лыхнашҭа ауааҧсыра рацәан. Зехьынџьара еиҿкаан еиуеиҧшымыз ажәытә хәмаррақәа.
Алаҳәарақәеи адныҳәаларақәеи
АГТРК