Пицундатәи аҧсуа школ ахь раҧхьатәи ршьаҿа еихыргеит жәибжьҩык аҵаҩцәа.

04.09.2017
400

Иахьагьы, ҩажәижәаба шықәса раҧхьа еиҧш,  Пицундатәи аҧсуа школ ахь раҧхьатәи ршьаҿа еихыргеит жәибжьҩык аҵаҩцәа. Хымҧада, арҭ ахәыҷқәеи урҭ рҭаацәеи ашкол иадырҳәалоит ҧхьаҟатәи рҧеиҧш лашазы ргәыҕрақәа. Есышықәсеиҧш иахьагьы,  ахәыҷқәа ықәгылеит итрадициахаз ацәаҳәа. Иарҳәан Аҧсны агимн, ишьҭыхын аҳәынҭқарратә бираҟ.

Пицундатәи аҧсуа школ анапхгаҩы Донна Малиаҧҳа лықәгылараҿы иазгәалҭеит, ҩажәижәаба шықәса раҧхьа аҧсуа школ аартра даара ишыуадаҩыз, убри азыҳәан ари  акыр зҵазкуаз хҭыс дуны ишыҟалаз.
Уи аахыс Пицундатәи ашкол аҟны акапиталтә ремонт зныкгьы имҩаҧгамызт, аха ашкол анапхгара ирылшо зегь ҟарҵоит араҟа  иаҧҵазарц ахәыҷқәа ганралацәалатәи рыҿиаразы алшарақәа зегьы, есқьынгьы шәҟәылеи, иаҭаху мыругалеи еибыҭоуп. Сынтәа еиҭаартын еиуеиҧшым амзызқәа ирыхҟьаны иаркыз ашколқәранӡатәи азыҟаҵаратә гәыҧ. Пицундатәи аҧсуа школ иалгахьо аҿар қәҿиарала ирҭалоит Аҧсныи, Аҳәаанырцәи иреиҳаӡоу аҵараиурҭақәа. Аҵарашықәс ҿыц алагара ахәыҷқәа ирыдиныҳәалеит Пицунда ақалақь ахада  Витали Хәытаба.

Анаҩс ажәа рыҭан ари амш аҽны зегь реиҳа зыгәқәа хыҭхыҭуаз, аҵара амҩахь раҧхьатәи зшьаҿақәа еихызгаз,  актәи акласс аҵаҩцәа.

Уаргәырҕьаратә иҟоуп, ари ашкол аҟны арҵаҩратә еилазаара иахьацло, еиҳа-еиҳа аспециалистцәа ҿарацәа арахь иахьымҩахыҵуа. Ҩажәи жәиҧшьҩык арҵаҩцәа рахьынтә- жәаҩык специалистцәа қәыҧшцәоуп. Урҭ дреиуоуп Хьыбла Аҩардан. Лара Аҧснытәи аҳәынҭқарратә университет апедагогикатә факультет аҟны лҵара хыркәшаны, далагеит аусура Пицундатәи аҧсуа школ аҟны. Хьыбла илҳәоит, арҵаҩра аус аҟны раҧхьатәи лшьаҿақәа актәи акласс аҟны даара аҭакҧхықәра шрыцу, аха арҵаҩ қәыҧш дгәыҕуеит лус лықәҿиап ҳәа.
Аҭаацәагьы иахьа ргәалаҟазаара даараӡа ибзиан, урҭ аҵарашықәс алагара ныҳәак еиҧш иазнеиуеит ,уи зегь рыла ишазыхиоу атәгьы рҳәеит.  

Абас ала ,Пицундатәи аҧсуа школ ахь жәибыжьҩык ахәыҷқәа аџьџьаҳәа  актәи акласс  ауадахь иныҩналеит. Раҧхьаҟа урҭ ирзыҧшуп аҵареи, еиуеиҧшым аинтерес зцу ахҭысқәа рыла иҭәу жәеиза шықәса.Ахәыҷра ашықәсқәа.

Н.Ақаҩба,Т.Гогохьиа, АТ  
        

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Август 2018
31
Аҧсны Ахада, Атәылахьчара аминистрра аколлектив дыдирдырит Аштаб Хада аиҳаб ҿыц Васили Луниов.
16 Август 2018
53
Мызкы инарзынаҧшуа Тҟәарчал ақалақь Џьанҭоу аҳаблаҟны ажрақәа мҩаҧыргоит Аҧсныи Урыстәылеи рархеологцәа.
16 Август 2018
55
Имҩаҧысит ҳтәыла еиуеиҧшым араионқәа рҟынтә ауаажәларратә еиҿкаарақәа злахәыз аиҧылара.
16 Август 2018
45
Васили Луниов Аҟәаҟа даанӡа, Алжир арратә бжьгаҩыс дыҟан.
15 Август 2018
83
15 Август 2018
65
Араҟа еизгаз аҧара афонд« Ашана »иахыҧхьаӡалахоит .
Загрузка плеера
Алаҳәарақәеи адныҳәаларақәеи
АГТРК