Адыррақәа рымш иақәыршәаны, Аҟәа имҩаҧган агәыҳалалратә акциа

04.09.2017
659

Аҟәа аҧшаҳәаҟны агәыҳалалратә фонд «Ашанеи», амобилтә еимадара «А-Мобаили»,  «Магнит милосердия» захьӡу акциа еицымҩаҧыргеит. Сынтәа ари акциа мҩаҧган адыррақәа рымш иақәыршәаны. Уаҟа идырҳаз аҧара зегь агәыҳалалратә фонд   «Ашана»  иахыҧхьаӡалахоит Аслана Џьынџьалҧҳа лыхәышәтәразы.

Ари агәыҳалалратә  акциа аҳәаақәа ирҭагӡаны, ауааҧсыра ирыман алшара  аҧсуаа рмилаҭтә бзазашьа зныҧшуа шәмааҭк иаҧсоу амхылдыз  аахәара. Уи алагьы  згәабзеира уашәшәыроу Аслана Џьынџьалҧҳа лаҧхьа ишьҭоу ахәышәтәрақәа рҟны ацхыраара лыҭара.

Ашколхәыҷқәа раҧхьатәи рҵарамш  аҽны еиҿкааз  акциа рхы аладырхәырц  аныҳәатә цәаҳәақәа рышьҭахь  арахь иааит  хыҧхьаӡара рацәала аҵаҩцәа. Убас ажәабатәи ашкол аҧшьбатәи «А» акласс  аҵаҩцәа рҽеидкылан ирылшаз аҧаратә лагала ҟарҵарц  имҩахыҵит.

Агәыҳалалратә ҵакы змоу ари акциаҿы ицәыргаз аҧсуаа рмилаҭтә бзазашьа зныҧшуа амхылдызқәа рколлекциа  аҧиҵеит     асахьаҭыхҩы- аиллиустратор  Асҭамыр Кәыҵниа.

Ҩнызқьи жәаха шықәса раахыс амобилтә  еимадара А-Мобаили агәыҳалалратә фонд Ашанеи еицымҩаҧырго акциақәа рҿы еизгаз   аҧарақәа ирыбзоураны, иҳаҩсыз ашықәсқәа рзы  згәабзеира уашәшәыроу жәаҩык ахәыҷқәа рыхәышәтәраҟны ацхыраара роуит.

Иахьа имҩаҧысуаз акциаҿы еизгахо аҧара зегь    фышықәса зхыҵуа  зыбаҩқәа уашәшәыроу Аслана Џьынџьалҧҳа лыхәышәтәразы афонд «Ашана» иахыҧхьаӡалахоит.

Ари   агәыҳалалратә    акциа    анхацыркыз инаркны, ишаҧу еиҧш сынтәагьы уи   аҳәаақәа   ирҭагӡаны    ахәыҷқәа  рзы    еиҿкаан     алахҿыхра    зцыз   аныҳәа.   Уи ззеиҿкааз  ахәыҷқәа  ааҧсарак  ҟамҵакәа   хыҧхьаӡара    рацәала   еиуеиҧшым  ахәмаррақәа    рыҽрыладырхәуан.Ирзаҧҵаз    аныҳәатә ҭагылазаашьа  гәахәарыла ирыдыркылеит. Иара убас ахәыҷқәа ирыдгалан ахаа-мыхаақәа..Арлахҿыхра зцыз акциа ахыркәшамҭаз имҩаҧган агәыҳалалратә концерт.

Амра Зарандиаҧҳа,  Леон Адлеиба АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
3
Аҭыжьымҭаҿы: Акурорттә сезон  аихшьаалақәа рзы. Аҧсны  Ахада  дидикылеит акурортқәеи атуризми рзы    аминистр.
3
Борис  Гәыргәылиа ишәҟәы ахҧатәи атоми , иара иҷкәын изку  ашҟәы  «Абзагәи ».
6
Ҟрымтәи асасцәа рныҟәара хацдыркит  Аҟәатәи  ахшаалыҵ зауад ала.  
4
Иара Ахада изеиҭеиҳәеит, ҳазну ашықәс ноиабр акынӡа ареспублика ишаҭааз миллионҩык рҟынӡа аҧсшьаҩцәеи атуристцәеи.
41
Аҭыжьымҭаҿы:Ахырхарҭақәа жәпакы рҟны аусеицуразы еиқәышаҳаҭхеит. Аҧсныи Ҟрыми реиҳабырабжьаратә комиссиақәа актәи реилатәара.
46
Иара Аҧсны амилаҭтә олимпиатә еилакы аҿы  адныҳәаларақәа идикылон
Алаҳәарақәеи адныҳәаларақәеи
АГТРК