Аҧсны Аҭҵаарадыррақәа Ракадемиа еиҿкаауеижьҭи сынтәа ҩажәа шықәса ҵуеит.

05.09.2017
455

Аҧсны Аҭҵаарадыррақәа Ракадемиа еиҿкаауеижьҭи сынтәа ҩажәа шықәса ҵуеит. Аиубилеи азгәаҭаразы атәыла Ахада Рауль Ҳаџьымба идҵала иаҧҵоу аҳәынҭқарратә комиссиа напхгара азиуеит Владимир Занҭариа. Имҩаҧысит акомиссиа аилатәара.

Ҩнызқьи жәибыжь шықәса рзы Аҧсны Аҭҵаарадыррақәа Ракадемиа иахыҵуеит ҩажәа шықәса. Ари аиубилеи азгәаҭахоит жьҭаарамза ҩажәи жәаба рҽны. Уи амҩаҧгара ицәырнагоз азҵаарақәа ирзааҭгылеит аҳәынҭқарратә комиссиа аилатәараҿы, Акомиссиа ахантәаҩы, Аҧсны Ахада иабжьгаҩ Владимир Занҭариа иазгәеиҭеит, аиубилеи шымҩаҧгахо аҳәаанырцәтәи асасцәа аҵарауаа алархәны. Уажәнатә Аҧсны Аҭҵаарадыррақәа Ракадемиа аусзуҩцәа аиубилеитә ҽазыҟаҵарақәа ирылагахьеит уҳәар алшоит.  

Аҧсны Аҭҵаарадыррақәа Ракадемиа ахада Зураб Џьапуа, академиа аусзуҩцәа рыхьӡала ажәалагала ҟаиҵеит аиубилеи иацу аусмҩаҧгатәқәа хымш еиҿкаазарц азы. Академиа ҩажәа шықәса ахыҵра амш азгәаҭара ашҟа ааҧхьара рыҭахоит ҩынҩажәа- ҩык рҟынӡа аҵарауаа. Аиубилеи ахаҭа амҩаҧгара азгәаҭоуп Аҧсны раҧхьатәи Ахада Владислав Арӡынба ихьӡ зху аибашьратә фырхаҵара ахьӡ-аҧша аҳәынҭқарратә музеи аҟны. Аныҳәа иалахәу ирдырбараны иҟоуп академиа аиҿкаареи, изнысыз амҩеи рҭоурых узырбо адокументалтә фильм. Иара убасгьы еиҿкаахоит академиа аусура иазкыу афотоҭыхымҭақәа рцәыргақәҵа. 

Акомиссиа аилатәараҿы академиа ахаҭарнакцәа ажәалагала ҟарҵеит аиубилеи азгәаҭара ҩ- хәҭакны еихшазарц. Раҧхьа иазгәаҭоуп ажәахәқәа рыла ақәгыларақәа. Анаҩс «Иацы, иахьа, уаҵәы» ҳәа хьӡыс иаҭаны аиҿцәажәарақәа реиҿкаара.

Аҧсны Аҭҵаарадыррақәа Ракадемиа аҧҵан Аҧсны Раҧхьатәи Ахада Владислав Арӡынба идҵала зқьи жәшәи ҧшьынҩажәи жәибыжь шықәсазы. Иахьа академиаҿы аус руеит еицырдыруа аҵарауаа. Аҧснытәи Аҭҵаарадырратә Академиеи аҳәаанырцәтәи академиақәеи аимадара рыбжьоуп. 

 Н. Чхьынџьериаҧҳа, Б. Чхьынџьериа, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Август 2018
127
Аҧсны Ахада, Атәылахьчара аминистрра аколлектив дыдирдырит Аштаб Хада аиҳаб ҿыц Васили Луниов.
16 Август 2018
113
Мызкы инарзынаҧшуа Тҟәарчал ақалақь Џьанҭоу аҳаблаҟны ажрақәа мҩаҧыргоит Аҧсныи Урыстәылеи рархеологцәа.
16 Август 2018
135
Имҩаҧысит ҳтәыла еиуеиҧшым араионқәа рҟынтә ауаажәларратә еиҿкаарақәа злахәыз аиҧылара.
16 Август 2018
101
Васили Луниов Аҟәаҟа даанӡа, Алжир арратә бжьгаҩыс дыҟан.
15 Август 2018
91
15 Август 2018
71
Араҟа еизгаз аҧара афонд« Ашана »иахыҧхьаӡалахоит .
Загрузка плеера
Алаҳәарақәеи адныҳәаларақәеи
АГТРК