Аиааира амш аҽны ҳтәыла араионқәа зегьы рҿы имҩаҧгахоит «Ҳаҧсадгьыл зхы ақәызҵаз» захьӡу акциа.

06.09.2017
713

Аиааира амш аҽны ҳтәыла араионқәа зегьы рҿы имҩаҧгахоит «Ҳаҧсадгьыл зхы ақәызҵаз» ҳәа хьӡыс измоу акциа.

«Ҳаҧсадгьыл зхы ақәызҵаз» ҳәа хьӡыс измоу  акциа раҧхьаӡа акәны имҩаҧысит ҵыҧх Аиааира амш аҽны. Уи хықәкы хадас иаман иҧшьоу Аиааира ду ҳзаазгаз аибашьцәа рыхьыӡ анаунагӡатәра. Аибашьраан иҭахази, ироуз ахәрақәа ирыхҟьаны аибашьра ашьҭахь зыҧсҭазаара иалҵызи рҭынхацәа рпортретқәа кны ақалақь иалсуан зықьҩыла ауааҧсыра. Иааизакны «Ҧсра зқәым аполк» аҟны ҩнызқьи ҩышәҩык  аибашьцәа рпортретқәа цәырган. Ҵыҧх акциа аҳҭнықалақь мацара аҟны имҩаҧгазҭгьы, сынтәа Аиааира амш аҽны иазгәаҭоуп Аҧсны араионқәа зегь рҟны уи аиҿкаара. Акциа «Ҳаҧсадгьыл зхы ақәызҵаз» мҩаҧган амобилтә еимадара А-мобаили Аҧсны аџьынџьтәылатә еибашьра иалахәыз  аҳәса-аинвалидцәа рассоциациеи рыцхыраарала.

«Ҳаҧсадгьыл зхы ақәызҵаз» акциа ҵыҧх ианхыркәшаха ашьҭахь, апортреҭқәа реиҳарак аҭынхацәа рыҩныҟақәа рахь иргеит, иаанхаз В. Арӡынба ихьыӡ зху Аибашьратә фырхаҵара ахьӡ- аҧша аҳәынҭқарратә музеи аҿы иҟан. Урҭ  араионқәа рахь ирышьҭит. Уаантәи аҭынхацәа иргар рылшоит. Сынтәа «ҳаҧсадгьыл зхы ақәызҵаз» акциа аиҿкаараҿы ацхыраара ҟанаҵоит В. Ардӡынба ихьыӡ зху Аибашьратә фырхаҵара ахьӡ- аҧша аҳәынҭқарратә музеигьы.

Акциа аиҿкааҩцәа алаҳәара ҟарҵоит, сынтәа Аиааира амш аҽны апортреҭқәа шырымшо. Цәыббра ҩажәанӡа аҭынхацәа афотосахьақәа адкыларҭатә пунктқәа рҿы иргароуп. Згара иахьымӡаз апортреҭқәа кны амҩаду ианысуеит ашколхәыҷқәа, астудентцәа. Акциа «Ҳаҧсадгьыл зхы ақәызҵаз» анымҩаҧгахо аамҭа, аиҿкааҩцәа ауааҧсыра анаҩс ирыларҳәоит.

Алика Ҭраҧшьҧҳа, Асҭамыр Гәажәба, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
34
Аҭыжьымҭаҿы:Ахырхарҭақәа жәпакы рҟны аусеицуразы еиқәышаҳаҭхеит. Аҧсныи Ҟрыми реиҳабырабжьаратә комиссиақәа актәи реилатәара.
42
Иара Аҧсны амилаҭтә олимпиатә еилакы аҿы  адныҳәаларақәа идикылон
35
Убри инамаданы имҩаҧган афонд ахаҭарнакцәа злахәыз апресс-конференциа.
51
Апроект авторс дамоуп ашәаҳәаҩ, акомпозитор, Хьыбла Мықәҧҳа.
Алаҳәарақәеи адныҳәаларақәеи
АГТРК