Изыхҟьазеи асветофорқәа аус ахьырымуа?

06.09.2017
649

Аҟәа, Леони Арӡынбеи рымҩадуқәа реихысырҭаҿы игылоу асветофор аус ахьамуа иахҟьаны , иахьа шьыжьнаҵы амҩатә машәыр ҟалеит. Кьалашәырынтәи иаауаз амаршруттә таксии амашьына ласыи еиҿасит . Аҧсыҭбарақәа ыҟаӡам . Ас еиҧш иҟоу амашәырқәа хәба ҟалеит ари аихысырҭаҿы мчыбжьык аҩныҵҟала. Ари аҭыҧаҿы асветофор аус замуа еилыркаауан ҳкорреспондентцәа.

 Леони Арӡынбеи рымҩадуқәа реихысырҭаҿы есымшагьы амашьынақәа рацәоуп, араҟа игылоуп Пушкин ихьӡ зхыу Аҟәатәи абжьаратә школ . Ашкол хәыҷқәа амҩа еихырҵәоит . Ари аихысырҭаҿы асветофор аус ауӡом фымш раахыс. Нанҳәамза ҩажәи жәаба шьыжьымҭан, ари аҭыҧ аҿы ҩ-машьынак реиҿасра иахҟьаны, асветофор зкыз ашьаҟа аҧхасҭа аиуит . Изхароу , аҧсҟы зкыз ихаҭара шьақәыргылаӡам . Абри амчыбжь иалагӡаны , иҟалеит амҩатә машәырқәа хәба . Ари аҭыҧ аҿы игылоуп амашьынаныҟәцаҩцәа мҩақәызҵо аҳәынҭ автоинспекциа аусзуҩцәа. Аха дара аус руеит асааҭ ааба инаркны фбанӡа . Амашьынақәа ракәзар , урҭ уахгьы- ҽынгьы иныҟәоит . Ҳҭыхратә гәыҧ аҭааит ари аҭыҧ .

Автоинспекциа ахаҭарнакцәа амҩаду иангыланы рус шынарыгӡозгьы, амашьынақәа еилахеит . Аҧшра зықәшәаз,иццакуаз амашьынаныҟәцаҩцәа гәамҵуан . Аҳҭнықалақь аҿы асветофорқәа рхылаҧшра знапы иану ақалақь ахадара ауп. 

Аҟәа ахада ихаҭыҧуаҩ Леон Кәарҷиа иҳәеит , ааха зауа асветофорқәа реиҭашьақәыргылара ус ишымариам , иаахәатәуп иаҭахыу амаҭәахәқәа , иҧшаатәуп аспециалистцәа . Иазоужьтәуп аҧара . Леон Кәарҷиа иазгәеиҭеит , ақалақь абиуџьет аҿы ишазгәаҭам , асветофорқәа абас еиҧш ааха анроулакь , реиҭашьақәыргыларазы ахарџь .Еидкылатәуп иахәҭоу аинформациа , иҭҵаатәуп , анаҩс ишьақәырҕәҕәаны абиуџьет иалаҵатәуп . Уи зегьы аамҭа аҭахуп . 

Иахьазы ааха азҭаз иуалуп уи аиҭашьақәыргыларагьы , аха аҧсҟы зкыу амашьынаныҟәцаҩцәа ма ибналоит , ма рылшарақәа ахьмаҷу иахҟьаны , аҧара рызшәаӡом . Иазгәаҭатәуп ,мшаҧымза аахыс , Аҭынчра апроспекти Имам Шамиль имҩадуи реихысырҭаҿы асветофор аус шамуа.

Леон Кәарҷиа иажәақәа рыла , араҟа уи иаарласны аусура иалагоит . Леони Арӡынбеи рымҩадуқәа реихысырҭаҿы иахьатәи амш иалагӡаны асветафор еиҭашьақәыргылахоит .

 Дениза Гьергьиаҧҳа , Саид Агәхаа,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
17
Ишҧеиҿкааз ари аҧсшьаратә сезон азы Риҵатəи амилаҭтə ҳәырҧсарра аусура?
21
Иара еиднакылеит аиҳабыратә абиҧарақәа ирыҵаркуа апоетцәа реиҧш, аҿарацәа ражәеинраалақәагьы.
25
Урҭ еиқәыршәаны иаарҭиит амаҭәа ҭзыжьуаҬырқәтәылатәи анаплакқәа ааба.
21
Ари арыцхә инамаданы, Аҧсны Аҧыза- министр Валери Бганба идикылеит Ареспублика Аҳәынҭстатитсика аусбарҭа аусзуҩцәа.
Алаҳәарақәеи адныҳәаларақәеи
АГТРК