Аҳәынҭқарратә наплакы «Аҟәагаз» ауааҧсыра ргәы рҽаннаҵоит, агаз аҭыҧ алхреи ашьақәыргылареи аҧҟарақәа ишрықәныҟәалатәу.

06.09.2017
307

Ҳаамҭазы ухахьы иузаагом акҿыҩраҿы агаз ахархәарада.  Аха ирацәаҩызар ҟалап уи иацу амашәырқәа зхахьы иззаамго.  Аҳәынҭқарратә наплакы «Аҟәагаз» ауааҧсыра ргәы рҽаннаҵоит, агаз аҭыҧ алхреи ашьақәыргылареи  аҧҟарақәа ишрықәныҟәалатәу. Уи азы иаҭахуп аспециалистцәа радҧхьалара.


Агаз ацәцо иалагар ,иаразнак «Аҟәагаз» иаҵанакуа амаҵзурақәа рахь иасларц азы, аҳәара ҟарҵоит, абарҭ аҭелқәа рыла-  004,  226-15-44, 226-65- 50.

Иахьатәи аамҭазы  ҳҭәыла иаиуа, ауааҧсыра рхы иадырхәо агаз Урыстәылантәи ауп ишаарго. Ахаҭабзиарагьы ҳаракуп. Ахәгьы рацәак идуум уҳәар ауеит. Агаз баллонк аахәараз хәышәи ҩынҩажәи жәаба мааҭ иузтәоит. Уи ахархәаразы иамоу аамҭагьы жәохә шықәса ауп. Аха иара ишахәҭоу аныҟәгашьа уақәымшәар, амашәыр ахылҿиаар алшоит. Агаз аҩны аҩныҵҟа ақәыргыларазы иҟоуп аҧҟаррақәа. Ихадоу иракуп, абаллон ахы иарҭо аредуктор ҳәа изышьҭоу, ииашаны ақәыргылара. Ауааҧсыра уи рхала аҟаҵара иалагоит, зус здыруа  аспециалистцәа адымҧхьалакәа.  Еиҳарак амашәырқәагьы зыҟало убри азоуп.

Аҳәынҭқарратә наплакы «Аҟәагаз» аиҳабы излаиҳәо ала, амашәыр ҟалар алшоит аредуктор ахаҭа, ахаҭабзиара алаҟәра иахҟьаны. Аха усеиҧш ахыҭсқәа маҷуп. Агаз аҩны аҩныҵҟа еиҳарак иахьдыргыло акҿаҩраҿы мамзаргьы, абарҵаҿ ауп. Аха уи ииашаны ақәыргылара уақәымшәар, иахьгылазаалакгьы амашәыр ҟанаҵар алшоит.  Ҳусура  аҳәаақәа ирҭагӡаны, агаз ззықәгылоу ауааҧсыра рахь ҳанымҩахыҵуа аамҭазы иаҳбарҭоуп, аихагылақәа рахь уназго амардуанқәа рҟны ҩба, хҧа еивагыланы ианыҟоугьы. Усҟан зынӡаск аҩны ашәарҭара иҭагылоуп, ак ҟалар егьырҭ аихагылақәагьы амҽханакыр алшоит, иҳәоит «Аҟәагаз» аиҳабы Уарлам Акаба.  Ааигәа уи еиҧш ахҭыс аҭыҧ аман.

Раион цыҧхьаӡа еихшаны иҟоу, агаз ныҟәызго амашьынқәа хәба, агәаҭарақәа анымҩаҧырго аамҭазы иазгәарҭоит, аҧҟарақәа ирықәымныҟоу  ауаа шырацәоу. Аҳәынҭқарратә наплакы «Аҟәагаз» аусзуҩцәа, агаз зхы иазырхәо ауаа рахь, аҳәара ҟарҵоит, амашәыр иацәцарц азы аспециалистцәа ирыҧхьаларц.  Урҭ азыхиоуп ауааҧсыра ари азҵаара аӡбараҟны ацхыраара рыҭара.

Наала Чхьынџьериаҧҳа, Беслан Чхьынџьериа, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Февраль 2018
101
Аҭыжьымҭаҿы:Аҟәатәи араионтә еизара адепутатцәа араион ахада икандидатура иадгылеит.
16 Февраль 2018
99
Аспециалистцәа ражәақәа рыла, апальма зфо абжы ҟаҧшь уажәнатә иаанкыламзар, егьырҭ аҭыҧқәа рахь ииасыр алшоит.
16 Февраль 2018
111
Даҽа шәахтәк иалацәажәан Аҧсны аусдкылаҩцәа рассоциациа ахаҭарнакцәеи Жәлар реизара адепутатцәеи, аекономика аминистрреи, абизнес уааи злахәыз астол гьежь аҟны.
15 Февраль 2018
219
14 Февраль 2018
207
Загрузка плеера
Алаҳәарақәеи адныҳәаларақәеи
АГТРК