Аҧснытәи Аҳәынҭқарратә Ахортә капелла аконцертқәа мҩаҧнагеит Москвеи, Твертәи аобласттә филармониеи рҟны.

07.09.2017
535

«Аҧсныи Урыстәылеи сынтәатәи ркультуратә сезон» аҳәаақәа ирҭагӡаны Аҧснытәи Аҳәынҭқарратә Ахортә капелла аконцертқәа мҩаҧнагеит Москвеи, Твертәи аобласттә филармониеи рҟны. 

Раҧхьатәи амш азы аконцерт мҩаҧган Москватәи Жәларбжьаратәи акамертә зал аҟны .

 Уи иалагаанӡа, адныҳәаларатә ажәа лҳәеит Аҧсны акультуреи аҭоурых культуратә ҭынха ахьчареи рминистр Ельвира Арасалиаҧҳа. Лара иазгәалҭеит, акапеллатә хор ашәаҳәаҩцәа рзы акыр шаҵанакуа асеиҧш агастрольқәа рымҩаҧгара. Илҳәеит, ааигәа Аҧсны ишыҟаз Лиудмила Зыкина лыхьӡ зху ансамбль «Россия». Иара иалаз рҟазара аадырҧшуан Аҟәеи, Очамчыреи . 

Аконцерт иалагаанӡа иаҧхьан Урыстәыла акультура аминистр Владимир Мединскии иҟаиҵаз адныҳәаларатә шәҟәы Уаҟа иазгәаҭан зыхьӡ наго Аҧснытәи Ахортә капелла аконцертқәа Урыстәыла иахьымҩаҧысуа акультуратә ҧсҭазаараҿы акыр шаҵанакуа. Аҳәынқарратә хортә капелла аконцерт аанартит « Анцәа иашәа анагӡарала” . Ахкы наигӡон Аҧсны Жәлар рартист Руслан Габлиа. 

Ахәаҧшцәа ирыман алшара, Аҧсуа Жәлар рашәақәеи рдоуҳатә, музыкеи ирзыӡырҩыртә еиҧш. Ахортә каппела анапхгаҩы Нодар Ҷанба иазгәеиҭеит, акыр шаҵанакуа дара Урыстәылаҟа раара. Аминистр Ельвира Арсалыиаҧҳа илҳәеит, аконцерттә программа шышьақәгылоу аҧсуа жәлар рашәақәа рыла. Агәыҕрагьы аалырҧшит дара ахәаҧшцәа ибзианы ишрыдыркыло азы. Ахәаҧшцәа ракәзар ирҳәон, акапелла аконцерт гәахәарала ишрыдыркылаз.

 Фатима Гьергьиа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Август 2018
123
Аҧсны Ахада, Атәылахьчара аминистрра аколлектив дыдирдырит Аштаб Хада аиҳаб ҿыц Васили Луниов.
16 Август 2018
113
Мызкы инарзынаҧшуа Тҟәарчал ақалақь Џьанҭоу аҳаблаҟны ажрақәа мҩаҧыргоит Аҧсныи Урыстәылеи рархеологцәа.
16 Август 2018
130
Имҩаҧысит ҳтәыла еиуеиҧшым араионқәа рҟынтә ауаажәларратә еиҿкаарақәа злахәыз аиҧылара.
16 Август 2018
101
Васили Луниов Аҟәаҟа даанӡа, Алжир арратә бжьгаҩыс дыҟан.
15 Август 2018
91
15 Август 2018
71
Араҟа еизгаз аҧара афонд« Ашана »иахыҧхьаӡалахоит .
Загрузка плеера
Алаҳәарақәеи адныҳәаларақәеи
АГТРК