Сентиабр 9 рзы, адунеи аҿы иазгәарҭоит амедицинатә цхыраара ласы Жәларбжьаратәи амш.

08.09.2017
559

Сентиабр 9 рзы, адунеи аҿы иазгәарҭоит амедицинатә  цхыраара ласы Жәларбжьаратәи амш. Аҧсны ацхыраара ласы аусура шеиҿкаау, иагыу-иабзоу атәы дазааҭгылеит амедицинатә цхыраара ласы Аҟәатәи аҟәша аҳақьым хада Аслан Џьопуа имҩаҧигаз апресс-конференциаҿы. Ҳҭыхратә гәыҧгьы аҭааит  ацхыраара  ласы Аҟәатәи аҟәша.

Амедицинатә цхыраара ласы Аҟәатәи аҟәшаҟны есқьынгьы иазхиоуп иаарласны ацхыраара аҟаҵара. Уахи-ҽни араҟа аус зуа аҳақьымцәа аҭел ишаарзаслак ршьапы иқәгылоит. Уи азыҳәан дара еиқәшәоуп иақәнагоу мыругала.Уаргәырҕьаратә иҟоуп араҟа аҳақьымцәа қәҧшцәа аус ахьыруа. Аиформациатә маҵзура Спутник-Аҧсны амедицинатә цхыраара ласы амш азгәаҭара аламҭалаз   имҩаҧысыз апресс-конференциаҟны аҳақьым хада Аслан Џьопуа далацәажәеит аҟәша аусура.

Адунеи амедицина ҿиоит,  ҧхьаҟа ицоит. Аҧсны уи аганхь ала маҷк иаҵахоит. Џьопуа иара убасгьы иазгәеиҭеит, амашәырқәа аныҟало ,ауаа реиҳараҩык раҧхьатәи ацхыраара шыҟаҵатәу шырзымдыруа. Убри азыҳәан Аҧсны агәабзиарахьчара аминистрра еиуеиҧшым аусқәа мҩаҧнагоит, аха ари азҵаара аҳәынҭқарра еиҳа хшыҩзышьҭрала иазнеироуп.

Аслан Џьопуа иҳәеит, ацхыраара ласы аҟәшахьы иадҵаало еиҳарак  абыргцәа шракщу. Иара убас аҧшқацәа змоу аҭаацәарақәа. Насгьы  рхыҧхьаӡара иазҳауеит аҧхынгьы аӡынгьы   аҿкы чымазарақәа анцәырҵуа.  

Н.Ақаҩба, Саид Агәхаа, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
17
Ишҧеиҿкааз ари аҧсшьаратә сезон азы Риҵатəи амилаҭтə ҳәырҧсарра аусура?
21
Иара еиднакылеит аиҳабыратә абиҧарақәа ирыҵаркуа апоетцәа реиҧш, аҿарацәа ражәеинраалақәагьы.
25
Урҭ еиқәыршәаны иаарҭиит амаҭәа ҭзыжьуаҬырқәтәылатәи анаплакқәа ааба.
21
Ари арыцхә инамаданы, Аҧсны Аҧыза- министр Валери Бганба идикылеит Ареспублика Аҳәынҭстатитсика аусбарҭа аусзуҩцәа.
Алаҳәарақәеи адныҳәаларақәеи
АГТРК