Аҧсны аекологцәа ашәарыцаҩцәа ргәырҽанырҵоит.

08.09.2017
443

Аҧсны  ашәарыцаратә сезон аартуижьҭеи рацәак шымҵуагьы, аилагарақәа аҭыҧ рымоуп. Урҭ раарҧшразы агәаҭарақәа мҩаҧнагоит   Аҧсны аекологиеи аҧсабарахьчареи рзы аҳәынҭқарратә еилакы.

Сынтәа Аҧсны ашәарыцаратә  сезон аартуп нанҳәамза зеижә инаркны хәажәкыра ҩажәи жәбанӡа. Уажәтәи аамҭазы  ҳтәылаҿы иззышәарыцоу ача ауп. Ашәарыцаҩцәа ишьақәгылан иҟоу  ихымҧадатәиу аҧҟаррақәа ирықәныҟәалароуп, аха иҟоуп урҭ анеиларгогьы. Есышықәса ишаҧу еиҧш сынтәагьы Аҧсны аекологиеи аҧсабарахьчареи рзы аҳәынҭқарратә еилакы имҩаҧнагоит ҳтәыла араионқәа зегь рҿы агәаҭарақәа. Ес-хымыш имҩаҧырго, агәаҭарақәа ирлыҵшәаны ишьақәыргылан аилагарақәа.

Агәаҭарақәа  раан ашәарыцаҩцәа ирымхыз рхала иҟарҵаз, ачашәараан   зхархәара ҟамлоу еиуеиҧшым алашара зхылҵуеи, ачақәа рыбжьы зну амаҭәахәқәеи рнаҩсгьы , зыҧсы ҭаны ирымаз ачақәа зегь дара ишырбоз  адәахьы иоушьҭын, аҧҟарақәа еилазгаз ракәзар, ахараҧса рықәҵан.

Иҟоу азакәан инақәыршәан, ашәарыцаҩ знык ала ишьыр ҟалоит  ҩажәа  цыра  рҟынӡа ачақәа, ацыблыкьқәа ракәзар ,хәцырак, аҳәыҳәқәа, акәатақәа уҳәа - егьырҭ аҧсаатәқәа жәаба иреиҳамкәа. Иара убас иҟоуп аҭыҧқәа ашәарыцара зынӡа иахьыҟамлогьы, иҳҳәап;аҳәырҧсаррақәа рҿы,амилаҭтә паркқәа рҿы, аарыхра ахьҭагалам амхқәа рҿы. Мурман Соломко иажәақәа рыла,  аҧҟаррақәа еилазго рзы ишьақәыргылан иҟоу ахараҧса аӡәгьы дааннакылом.

Иара ашәарыцаҩцәа рахь аҳәара ҟаиҵоит азакуан еиларымгаларц, аҧсабара ишакәым иазымныҟәаларц.
Ашәарыцара жәытә – натә аахыс иацу акәа-маҵамақәа рацәоуп. Ашәарыцараҿы ишақәнаго зхы мҩаҧызго, Ажәеиҧшьаа еснагь иҿаҵахәы ииҭоит рҳәоит аҧсуаа.

Амра Зарандиаҧҳа, Михаил Братухин, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
17 Маи 2018
63
Жәларбжьаратәи амузеиқәа рышм аҽны аҵх агәанынӡа Аҟәа иаартызаауеит амузеиқәа хҧа.
17 Маи 2018
112
Аҳәынқарра Ахада иҟаиҵаза Аусҧҟа инақәыршәаны, аибилеи аҳаҭыр азы гәыҧҩык адипломантцәа чынла иҳаракын.
16 Маи 2018
119
Аҧсны аҵареи аҭҵаарадырреи рминистрра атəыла Ахада иахь иҟарҵаз аҳəара инақəыршəаны, урҭ раахəаразы аҧара рзоужьын Аҧсны Ахада ифонд аҟынтə.
16 Маи 2018
110
Аҟəатəи ақалақьтə еизара аҟны ари азҵаара ӡбаахаанӡа уаанӡатəи ахəҧсала аус рулоит..
Загрузка плеера
Алаҳәарақәеи адныҳәаларақәеи
АГТРК