Аҧснытәи аҳәынҭқарратә университет аҿы иаҧҵоу анаукатә ҟәша аҧшьгарала, аҵарауаа қәыҧшцәа рзы амастер класс мҩаҧысуеит.

08.09.2017
417

Аҧснытәи аҳәынҭқарратә университет аҿы иаҧҵоу анаукатә ҟәша аҧшьгарала, аҵарауаа қәыҧшцәа рзы амастер класс амҩаҧгаразы, Аҧсныҟа ааҧхьара рыҭан Ростовтәи Аҳәынҭқарратә университет аҟынтә апрофессорцәа Виктор Овчиникови, Наталиа Кетои .

Мышкы иалагаӡан урҭ еиуеиҧшым ахырхарҭақәа рыла аҵара зҵо аспирантцәа рзы алекциақәа ирыҧхьеит. Ас еиҧш иҟоу аиҧыларақәа- ҿыц анаукахь зшьаҿа еихызго рзы ицхыраагӡа дууп, - ҳәа азгәарҭеит уи аиҿкааҩцәа. ААУ университет аҿы кафедра цыҧхьаӡа иҟоуп аспирантцәа, урҭ рдыррақәа реизырҳаразы аҳәаанырцә ицалоит, аха лассы -лассы уи азы алшара рымам.

ААУ аҿы еиҿкаау анакуатә ҟәша раҧхьаӡа акəны имҩаҧнагеит Ростовтәи аҳәынқарратә университет апрофессорцәа злахәыз аиҧылара. Уаҟа дара азааҭгылеит аспирантцәа рыҭҵааратә усурақәа рыамҩаҧгаразы иарбан хырхарҭоу иалыркааша атәы. «Аҭҵаарадырра знапы алаку аҿарацәа ирымазароуп алшара уи иацу акəамаҵамақәа реилкааразы, адиссертациа аҩышьа, адоктортә усумҭа ахьчашьа, уҳәа аҭҵаара дырра амҩаҿы зда ҧсыхәа ыҟам,»- ҳәа азгәеиҭеит Аполитикатә наукақәа ркандидат Беслан Ҳагба. 

Аҧсныҟа ааҧхьара змаз Апрофессор Виктор Овчинников иқәгылараҿы иазгәеиҭеит, Аҧсны изныкымкəа дшаахьаз, ААУ аҿы алекциақәа дышрыҧхьахьо, аха иахьатәи рлекциа даҽа хырхарҭак шамоу. Ҭабуп ҳәа ахиҳәааит аҵарауаа қәыҧшцәа рҧышәа рымдаразы алшара ахьрырҭаз, иҳәеит иара убас, ААУ университет аҿы, аҵаруаа шырацәоу, урҭ рдыррақәа шыҳараку , уи алагьы ари аҵараиурҭа аҧеиҧш лаша шамоу атәы. Апрофессор хәҭа-хәҭала дазааҭгыланы аҵаруаа ҿарацәа ирзеиҭаиҳәеит, аекономикатә ҭҵаарақәа шымҩаҧысуа атәы. Аиҧылара иалахәыз ираҳаз гәахәара дула ирыдыркылеит. 

Аполитикатә наукақәа ркандидат Беслан Ҳагба иҳәеит, аҧхьаҟагьы аиҧш - зеиҧшу аиҧыларақәа рымҩаҧгара ргәы ишҭо уи еиҵагыло аҿар иреилнаркаауа шмаҷым атәы. Сааҭк инеиҳаны ицоз алекциаҿы иззааҭгылаз азҵаарақәа еиуеиҧшымызт , аҵаруаа қәыҧшцәа агәаҳәара аадырҧшит амастер класс иааиуа амчыбжь азы иацҵазарц, уи аиҿкааҩцәа ирҳәеит, апофессорцәа раамҭа ирнаҭо алшара азгәаҭаны, урҭ ргәаҳәара ишахаҵгыло атәы.

 Фатима Гьергиаҧҳа,Ҭимур Гогохьиа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21 Февраль 2018
58
Аҭыжьымҭаҿы:Харада иҭархаз ргәаларшәаразы. Гәдоуҭатәи апарк аҿы аныҳәарҭа аргылара иацхраарц зҭаху рзы ахыҧхьаӡаларҭа аартуп.
21 Февраль 2018
55
Раҧхьаӡа акәны,  уи аҳәаақәа ирҭагӡаны далкаахоит ашықәс зегь аҩнуҵҟа Аҟәафон хаҿыс иаиуа аҭыҧҳа.
21 Февраль 2018
41
144 ш. ҵит апоет диижьҭеи, уи иадҳәаланы Аҟәа имҩаҧысит агәаларшәаратә уснагӡатәқәа.
20 Февраль 2018
105
19 Февраль 2018
129
Аҭыжьымҭаҿы:Имҩаҧысит Жәлар реизара асессиа изаамҭанытәым аилатәара.
Загрузка плеера
Алаҳәарақәеи адныҳәаларақәеи
АГТРК