Ихыркәшоуп Аҧсны аҳәынҭқарра Ахада Рауль Ҳаџьымба Ҟабарда- Балкартәи Адыгатәи ареспубликақәа рахь иныҟәара.

11.09.2017
763

Ихыркәшоуп Аҧсны аҳәынҭқарра Ахада Рауль Ҳаџьымба Ҟабарда- Балкартәи Адыгатәи ареспубликақәа рахь иныҟәара. Ҟабарда-Балкариа ареспублика Ахада Иури Коков иҟаиҵаз ааҧхьарала, Рауль Ҳаџьымба ихы рылаирхәит аҳәынҭқарра амши Ҟабарда-Балкариеи Урыстәылеи рыжәларқәа реидҵара ҧшьышәи хынҩажәа шықәса ахыҵреи ирызкыз аныҳәа.

Адыгаҟа иныҟәараан ареспублика ахада Мураҭ Кумпилов иааҧхьарала, Аҧсны Ахада иҽалаирхәит аҭоубашьҭаҵара иазкыз ацеремониа. Ҟабарда-Балкариатәи ареспублика ахада Иури Коков иааҧхьарала, Рауль Ҳаџьымба даҭааит Нальчик.

Имҩаҧысит Аҧсны Ахадеи Иури Кокови реиҧылара. Ирылацәажәон аешьаратә республикақәа аҧхьаҟатәи реимадара арҭбаара азҵаарақәа. Анаҩс Иури Кокови Рауль Ҳаџьымбеи рхы аладырхәт Ҟабарда-Балкартәи ажәларқәа реидҵара ҧшьышә шықәса ахыҵреи аҳәынҭқарра амши ирызкыз аныҳәа. Уи амҽхак ҭбааны еиҿкаан Нальчик.

 Рауль Ҳаџьымба даҭааит аруаа қәыҧшцәа аҵара ахьырҵо. Уи аҽны дара ҭоуба Аныҳәа аҽны аиҳабыра рыҩнаҿы имҩаҧысит Урыстәылеи Ҟабардеи рҳәынҭқарратә ҳамҭақәа зҽалызкааз ауаа ранашьара. Аҧсны Ахада ари аилатәара далахәын.

Рауль Ҳаџьымбеи Иури Кокови убасгьы иаҭааит Аҧсны ахьӡ зху ашҭа. Анаҩс ареспубликақәа рнапхгаҩцәа анысит аҟабардақәа рыхьӡ зху Нальчиктәи аҭоурыхтә мҩа. Аныҳәа аҽны Рауль Ҳаџьымбеи, Иури Кокови Аҧсны жәлар рџьынџьтәылатә еибашьра аветеранцәеи ашәҭқәа шьҭарҵеит Ҟабардантәи хатәгәаҧхарала иҳацхраауаз, иҭахаз Нальчиктәи рбаҟа амҵан.

Иара убасгьы, имҩаҧысит Рауль Ҳаџьымбеи хатәгәаҧхарала еибашьуази реиҧылара. Аҧсны ахада аибашьра аветеранцәа ирзеиҭеиҳәеит аекономикатәи, асоциалтәи ҭагылазаашьа зеиҧшроу, ашәарҭадара азҵаарақәа шырыӡбо. Аветеранцәа атәыла ахада иҭабуп ҳәа иарҳәеит хаҭалатәи изҿлымҳаразы. 

Нхыҵ-Кавказ иҟазаара иалагӡаны, Рауль Ҳаџьымба Адыга даҭааит, ареспублика анапхгаҩы иааҧхьарала. Адыгатәи ареспублика ахада инапынҵа назыгӡо Мураҭ Кумпилови Рауль Ҳаџьымбеи аибашьра аветеранцәеи ашәҭқәа шьҭарҵеит хатәгәаҧхарала иҳацхраауаз, иҭахаз рбаҟа амҵан. Мураҭ Кумпилов Аҧсны Ахада иҭабуп ҳәа иаҳәаны иазгәеиҭеит, Рауль Ҳаџьымба раҧхьа ишаҧшьигаз абаҟа аҭаареи аветеранцәа рҧылареи. 

Анаҩс имҩаҧысит Рауль Ҳаџьымбеи Мураҭ Кумпилови хаҭалатәи реиҧылара, Адыгатәи ареспублика ахада иусбарҭаҿы. Маиҟәаҧ имҩаҧысуан Адыгатәи ареспублика ахада Мураҭ Кумпилов иҭоуба ашьҭаҵара . Аҧсны Ахада уи ашҟа ааҧхьара иман. 

Рауль ҳаџьымба иқәгылараҿы иҳәеит, ареспублика напхгара шазиуа , зықәра маҷу аха адырреи аҧышәеи змоу Мураҭ Кумпилов. Агәыҕра ааирҧшит Адыга уаанӡатәи ахадацәа русура ишациҵо. Маиҟәаҧ иҟазаарала Аҧсны Ахада Рауль Ҳаџьымба ихиркəшеит Нхыҵ Кавказтәи ареспубликақәа рҭаара. 

Д. Инаҧшьба,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
9
Илахҿыху ақәыргыламҭақәа, акәашареи ашәаҳәареи, иара убас ҭагалан аныҳәа иазкны аҧсуа чысқәа - узыршанхаша рацәан.
9
Атуристтә форум раҧхьаӡа акәны иалахәуп Шьамтәылантәи аделегациа.
17
Аҭыжьымҭаҿы: Акурорттә сезон  аихшьаалақәа рзы. Аҧсны  Ахада  дидикылеит акурортқәеи атуризми рзы    аминистр.
27
Борис  Гәыргәылиа ишәҟәы ахҧатәи атоми , иара иҷкәын изку  ашҟәы  «Абзагәи ».
23
Ҟрымтәи асасцәа рныҟәара хацдыркит  Аҟәатәи  ахшаалыҵ зауад ала.  
Алаҳәарақәеи адныҳәаларақәеи
АГТРК