Ихыркәшоуп «Аҧсны аҧызацәа қәыҧшцәа аҭынчреи аҿиареи рзы» ҳәа хьӡыс измаз Жәларбжьаратәи аиҿкаара «Уорлд Вижен Интернешнли» Ақәыҧшцәа Аҟәатәи рыҩни еицымҩаҧыргоз апроект.

11.09.2017
543

Ихыркәшоуп «Аҧсны аҧызацәа қәыҧшцәа аҭынчреи аҿиареи рзы» ҳәа хьӡыс измаз Жәларбжьаратәи аиҿкаара «Уорлд Вижен Интернешнли» Ақәыҧшцәа Аҟәатәи рыҩни еицымҩаҧыргоз апроект. Иахьа урҭ ироуз адыррақәа реихшьаала ҟаҵан.

Жәларбжьаратәи аиҿкаара «Уорлд Вижн Интернешнли» Ақәыҧшцәа Аҟәатәи рыҩни еицымҩаҧыргоз апроект «Аҧсны аҧызацәа қәыҧшцәа аҭынчреи аҿиареи рзы»  ҳәа  хьӡыс измаз  аҳәаақәа ирҭагӡаны ҳтәыла араионқәа рҿы еиҿкаан  аҿар рзы аклубқәа жәаба. Иара убас Аҟәатәи ажәабатәи Ашьхарыуаа рышколи, Галтәи аҩбатәи абжьаратә школи  рҟны  иаартын  изыхәҭоу атехника ала еиқәыршәоу акомпиутертә классқәа ҩба. Уахь инеиуаз ақәыҧшцәа рзы  апрограмма ашьақәыргылара  ала азыҟаҵарақәа  мҩаҧыргон аҭыҧантәи апрограммистцәа, Украинатәи   акомпиутертә академиа «Ашьаҿа» иҟанаҵаз ацхыраарала.  

Ари апроект хықәкы хадас иаман еиҵагыло аҿар аҧызатә ҟазшьа ҷыдақәа рылааӡара. Дара рзы  еиҿкаан еиуеиҧшым аиҧыларақәа, атреннингқәа, иара убас ирыман алшара  ҳаамҭа иақәшәо акомпиутертә технологиақәа рхырхарҭала  рдыррақәа реизырҳара.

Ҩнызқьи жәаф шықәса жьҭаарамзазы ихацыркыз ари апроект иамҽханакит ҳтәыла араионқәа хәба. Еиҿкааз апроект рҽаладырхәит хыҧхьаӡара рацәала  аҿар.

Ари апроект аиҿкааҩцәа ҳаҧхьаҟагьы аҿар рзы аиҧш зеиҧшу ауснагӡатәқәа реиҿкаара ргәы иҭоуп.

Амра Зарандиаҧҳа, Саид Агәхаа ,АТ



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15
Ари атема иазкны анҵамҭа аззырхиоз ҳкорреспондент, дазымхәыцкәа лхы иалырхәаз архивтә кадрқәа, ашкол анҭыҵ иҭыхыз ракәын.
27
Лыхнашҭа ауааҧсыра рацәан. Зехьынџьара еиҿкаан еиуеиҧшымыз ажәытә хәмаррақәа.
25
Ари ацәыргақәҵаҿы асахьақәа ахәшьара рырҭон зҧышәа ҳараку асахьаҭыхҩцәа.
36
Урҭ рҟны еуеиҧшым атемақәа ирылацәажәон Аҧсныи Урыстәылеи рхаҭарнакцәа .
Алаҳәарақәеи адныҳәаларақәеи
АГТРК