Аҧсны Аҧыза-министр Беслан Барцыц Гəылрыҧшь араион даҭааит.

12.09.2017
412

Аҧсны Аҧыза-министр  Беслан Барцыц Гəылрыҧшь араион даҭааит. Араҟа ари ашықәс иалагӡаны иҟаҵоу рацәоуп. Ирыцқьоуп жә-кәарак  рӡыршьҭрақәа. Мызкы иалагӡаны ахархәарахь ирыҭахоит араион аҟны  ҿыц  еиҭашьақәыргылоу ахәыҷбаҳча.

Есышықәса амшцәгьақәа раан Аҧсны егьырҭ араионқәа рҟны еиҧш, Гəылрыҧшь араион иалсуа  аӡиасқәеи  акəарақәеи рӡыршьҭрақәа ирҭыҵны анхаҩцәа имаҷымкәа аҧхасҭа рырҭон, рыҩнқәа ирҩналон, рырахә рышәахә агон.  Сынтәатәи ашықәс иалагеижьҭеи, араион аҟны акәарақәа рӡыршьҭрақәа ррыцқьразы аусурақәа цон. Раҧхьа Гəылрыҧшь араион абиуџьет  ахархәарала  урҭ аусурақәа нарыгӡап ҳәа рҽазыршәеит, аха рымч ақәымхеит. Ари азҵаара аӡбараҿы ацхыраара риҭеит Аҳәынҭқарра Ахада.
Беслан Барцыц Гəылрыҧшь араион анапхгара ицны даҭааны игәеиҭеит акәарақәа рӡыршьҭрақәа шыдрыцқьаз. Аҧыза-министр дшааиз збаз анхацәа еизеит. Дара зегьы атәыла анапхара ҭабуп ҳәа рарҳәарц рҭахын. Урҭ лымкаала иазгәарҭон, сынтәа Аҧсны аӡхыҵрақәа аныҟаз, дара рҿы ари аҩыза шыҟамлаз. Идрыцқьаз акəарақәа рӡыршьҭрақәа ишырҭымҵыз.

Акәарақәа рӡыршьҭрақәа ррыцқәаразы имҩаҧыргаз аусурақәа зегьы ирықәхарџьуп 40 миллион  мааҭ инареиҳаны. Аспециалистцәа ражәақәа рыла, уажәшьҭа 15-20 шықәса акәарақәа рӡыршьҭра  иҭыҵып  ҳәа ашәараҭа ыҟаӡам. Анхацәагьы    акәара    агәам    ҭармыжьуазароуп, аӡы  ацара    иаҧырхагымхарц азы.  Аха, рыцҳарас иҟалаз,  уажәнатә    аӡыршьҭра   абзазаратә гәам  аҭажьра   иалагахьеит.
Гəылрыҧшь иалсуа  акәара хәыҷы Тарнауҭгьы аӡхыҵрақәаа раан анхацәа ирыҵалон. Убригьы аӡыршьҭра дрыцқьеит. Аха акәара ихыу ацҳа аӡы иҵнаӡәӡәааит.Аҭагылазаашьа даара ишәарҭоуп.  Беслан Барцыц анхацәа     агәра диргеит, ари азҵаарагьы иаарласны ишырыӡбо ала.

Гəылрыҧшь араион  Дранда аҳаблан иара убас ихацыркуп аӡымҩангага ҿыц ашьҭаҵаразы аусурақәа. Урҭ аусурақәа нанагӡоит  аҳәынҭқарратә еилакы «Аҧсныргылара»,  аинвестициатә программа аҳәаақәа ирҭагӡаны.

Беслан Барцыц иара убас даҭааны ибеит Агəыӡера ҿыц еиҭашьақәыргылоу ахәыҷбаҳча. Ари ахыбра ахархәарахь ирырҭарц акәын 2014 шықәсазы, аха усҟан  афымца мҩангагақәа ахьаҧыршьуа амыруга ықәгыламызт, иара убас иҟан  иӡбатәыз  егьырҭ  апроблемақәагьы. Арҭ азҵаарақәа рҭыҧ рықәҵаразы   иаҭахын х-миллион мааҭ инарыцны. Атәыла анапхгара иҟарҵаз ацхыраарала урҭ азҵаарақәа зегьы ӡбан. Мызкы иалагӡаны ижәбо ахыбра ахәыҷкәа аднакылоит.

Ари аҩыза ахәыҷбаҳча араион иазыҧшуижьҭеи акрааҵуан. Иара ҟаҵоуп иахьатәи аамҭа  аҭахрақәа инарықәыршәаны. Араҟа ахәыҷқәа ишақәнагоу аныҟәгара роуртә еиҧш алшарақәа зегьы рзаҧҵоуп. Рыҧсы ахьыршьо ауада, акрыфарҭа, иахьыхәмаруа ауада уҳәа зегьы улаҧш адхалартә еиҧш иҟоуп.Ара иара убас иқәыргылоуп  авидеохылаҧшыгақәа. Ахәыҷбаҳча иаднакылоит 126-ҩык
  Аҧыза-министр Беслан Барцыц  Гәылрыҧшь араион  аҿы   иусутә ныҟәара аихшььаала ҟаҵо, иазгәеиҭеит,   аусурақәа зегьы хаҭабзиара ҳаракыла ишымҩаҧго.

Аҧыза-министр иажәақәа рыла, Гәылрыҧшь араион даара аҧеиҧш  ду змоу раионуп, апсшьаҩцәа бзиа ирбо, изҭаауа ҭыҧуп. Ақыҭанхамҩа аусхк аҟны аҧхьа игылоу араионқәа ируакыуп. Аҧхьаҟагьы аҳәынҭқарра ахадара иалшо ала араион ацхыраара азыҟанаҵалоит.

И. Арышпҳа, Ҭ. Гогохьиа, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Маи 2018
45
Уи еизнагеит апоет иажәеинраалақәа бзиа избо ашәҟәыҩҩцәеи, аҵарауааи, ауаажәларатә усзуҩцәеи, арҵаҩцәеи, аҵаҩцәеи.
18 Маи 2018
128
Уи аҳәаақәа ирҭагӡаны, Москватәи аҳәынҭқарратә университет аушьҭымҭацәа Вардаиаҧҳа Валериеи Громова Анастасиеи иаздырхиаз апроект иазааҭгылеит.
17 Маи 2018
100
Жәларбжьаратәи амузеиқәа рышм аҽны аҵх агәанынӡа Аҟәа иаартызаауеит амузеиқәа хҧа.
17 Маи 2018
142
Аҳәынқарра Ахада иҟаиҵаза Аусҧҟа инақәыршәаны, аибилеи аҳаҭыр азы гәыҧҩык адипломантцәа чынла иҳаракын.
Загрузка плеера
Алаҳәарақәеи адныҳәаларақәеи
АГТРК