Аҧсны анапхгара иҟарҵаз афинанстә цхыраара абзоурала , Баслахәтәи абжьаратә школ аҟны хәҭа-хәҭалатәи аиҭашьақәыргыларатә усурақәа ирҿуп.

12.09.2017
301

Аҧсны анапхгара иҟарҵаз афинанстә цхыраара абзоурала , Баслахәтәи абжьаратә школ аҟны хәҭа-хәҭалатәи аиҭашьақәыргыларатә усурақәа ирҿуп. Аргылаҩцәа ражәақәа рыла, аусурақәа хдырқәшараны иҟоуп цәыббра ҩажәихәбанӡа. 

Иааидкыланы, аусурақәа ирықәхарџьтәуп ҩ-миллион мааҭ инареиҳаны. Баслахәтәи абжьаратә школ ргылан 1965- шықәса рзы. Убри аахыс араҟа шьаҭанкылатәи аусуарақәа мҩаҧырымгацызт. Адашьма, ахыб аҭӡамцқәа, уҳәа иажәхьан. Ашкол анапхгареи аҭаацәеи еицхырааны уи ахаҿра дырҧшӡон, аха иазхомызт. Аҵыхәтәантәи ашықәсқәа рзы аҭӡы иамаз ашьыхга кыдыбго иалагеит. 

Очамчыра араион ахада Хьрыҧс Џьапуа ашкол данаҭаа, иӡбан хәҭа-хәҭалатәи аиҭашьақәыргыларатә усурақәа хацыркызарц. Иахьазы араҟа аҭӡамцқәа шьыхны ишәуп , ахыб ҧсахуп, аҧенџьарқәа ракәзар, асаркьа ахьҭам иҭасаны иҟарҵоит , адашьма қәдыршәуеит. « Уажәазы ҳамч зықәхо абри аҟароуп , аҧхьаҟа афинанстә цхыраара ҟалар, аҧенџьырқәеи, адашьмеи ҧсаххоит , иҳәеит Очамчыра араион ахада ихаҭыҧуаҩ Виачеслав Қәычбериа. 

Иара иазгәеиҭеит, Очамчыра араион аҿы иаарласны аиҭашьақәыргылара зҭаху ф-школк шыҟоу. Арҵаҩцәа ракәзар ирҳәоит, рышкол аиҭашьақәыргылара иазыҧшуижьҭеи акыр шҵуаз. Уажәы аиҭашьақәргыларатә усурақәа цонаҵы, ахәыҷқәа ашколахь ишымныҟәо. Аргылаҩцәа ражәақәа рыла, Баслахәтәи абжьаратә школ аҟны аусурақәа хдыркəшараны иҟоуп цәыббра ҩажәихәбанӡа.

Ф.Гьергьиаҧҳа, Б. Џьынџьал, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Август 2018
31
Аҧсны Ахада, Атәылахьчара аминистрра аколлектив дыдирдырит Аштаб Хада аиҳаб ҿыц Васили Луниов.
16 Август 2018
53
Мызкы инарзынаҧшуа Тҟәарчал ақалақь Џьанҭоу аҳаблаҟны ажрақәа мҩаҧыргоит Аҧсныи Урыстәылеи рархеологцәа.
16 Август 2018
55
Имҩаҧысит ҳтәыла еиуеиҧшым араионқәа рҟынтә ауаажәларратә еиҿкаарақәа злахәыз аиҧылара.
16 Август 2018
45
Васили Луниов Аҟәаҟа даанӡа, Алжир арратә бжьгаҩыс дыҟан.
15 Август 2018
83
15 Август 2018
65
Араҟа еизгаз аҧара афонд« Ашана »иахыҧхьаӡалахоит .
Загрузка плеера
Алаҳәарақәеи адныҳәаларақәеи
АГТРК