Имҩаҧысит асахьаҭыхҩы қәыҧш Рита Крбашьиан раҧхьатәи хаҭалатәи лцәыргақәҵа.

12.09.2017
269

Имҩаҧысит асахьаҭыхҩы қәыҧш Рита Крбашьиан раҧхьатәи хаҭалатәи лцәыргақәҵа. Аҭыхымҭақәа  рҵакы   ҳкорреспондентцәа ранҵамҭаҿы.

«Агәаҵантә арҿиара»  абас ахьӡын  асахьаҭыхҩы Рита Крбашьиан хаҭалатәи лцәыргақәҵа. Уаанӡа лара изныкымкәа лусумҭақәа цәырылгахьан аудиториа маҷқәа рҟны. Уажәтәи аан адунеи дадыруа аҟаларазы илыӡбеит хаҭалатәи ацәыргақәҵа аиҿкаара. Ашәыгақәа рдунеи  даналахалахьан дхәыҷы аахыс. Еиҳарак лнапы алакуп аҿыханҵа. Анцәа илыиҭаз абаҩхәатәра ала ауп лыхәаҧшәцәа шлыршанхо. Рита лусумҭақәа лгәы ацҧыҳәаны иҭылхуеит. Убри азы акәхап урҭ аазхәар зҭаххо ауаа зыҟоугьы.

Занааҭла аекономика афакультет иалгахьоу Рита Крбашьиан шықәсқәак раҧхьа Аҟәатәи асахьаҭыхратә ҵараиурҭа дҭалоит. Ашықәсқәа цацыҧхьаӡа лҟазара иаҳа-иаҳа аҽарҭбаауан. Уажәазы аҧшьабатәи акурс аҿы итәоу Рита, асахьаҭыхҩы ҟаза лаҳасабала улыхәаҧшыртә дыҟоуп. Иахьатәи ацәыргақәҵа аиҿкааразы, лусумҭақәа быжь-шықәса реизгара даҿын. Ҩажәи жәеиза  ҭыхымҭа еидызкылаз азал аҿы еизеит Рита илзааигәоу ауаа реиҧш, аҟазара иадҳәалоугьы. Урҭ рхьыҧхьаӡараҿы дыҟан лырҵаҩцәа руаӡәк Руслан Габлиа.

Асахьаҭыхҩы лхаҭа лусумҭақәа рҟнытәи иаҳа иалылкаауа «Ааҧынра Аҧсны ашьхақәа рҿы» захьӡу асахьа ауп.  Иаҳхысыз ааҧынразы, ашьхахыҵырҭа Пыв аҿы ҧсшьара ҳәа дахьыҟаз лыблақәа игәныркылаз асахьа ауп аҭыхымҭахь иилгаз. Аҩеижьи ақалмышьи ҧшшәқәа рыла иҩычоу аҭыхымҭа авараҟны акәын лара иаҳа дахьыубоз. Аҧсабара асахьа аарҧшра бзиа избо, асахьаҭыхҩы Рита Крбашьиан лаҧхьаҟатәи лыгәҭакқәа  иреиуоуп ауахәамақәа рҭыхра. Избанзар, лара урҭ дрыдҳәалоуп. Ауахәама дамаҵзуҩуп. Анцәа иааигәара иҟоу, асахьаҭыхра иазҟазоу Рита, лцәыргақәҵа аартызаауеит цәыббра жәибжьынӡа.

Наала Чхьынџьериаҧҳа, Леон Адлеиба, АТ.




Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
22 Февраль 2018
15
22 Февраль 2018
7
«Ишьхатәылоу Аҧсны» афонди, аурыс-географиатә еилазаареи Москватәи рштаб квартираҿы аусеицуразы аиқәшаҳаҭра рнапы аҵарҩит, жəабран 21 рзы.
22 Февраль 2018
84
Ари арыцхә аҳаҭыр азы аусмҩаҧгатә еиҿкаан Аҟәатәи ацәыргақәҵатә зал хадаҿы .
21 Февраль 2018
111
Аҭыжьымҭаҿы:Харада иҭархаз ргәаларшәаразы. Гәдоуҭатәи апарк аҿы аныҳәарҭа аргылара иацхраарц зҭаху рзы ахыҧхьаӡаларҭа аартуп.
21 Февраль 2018
85
Раҧхьаӡа акәны,  уи аҳәаақәа ирҭагӡаны далкаахоит ашықәс зегь аҩнуҵҟа Аҟәафон хаҿыс иаиуа аҭыҧҳа.
Загрузка плеера
Алаҳәарақәеи адныҳәаларақәеи
АГТРК