Тҟəарчал амшцәгьақәа раан аҩнқәа жәпакы рхыбқәа ақәа рызнымкыло иалагеит.

13.09.2017
529

Тҟәарчал ақалақь аҟны иҟоуп  ҧшьынҩажәи жәохә ҩнеихагыла.  Дара 2012-2013шықәсқәа рзы рхыбқәа ҧсахын Урыстәыла  Аҧсны иазыҟанаҵо афинанстә цхыраара иабзоураны. Аха аҵыхәтәантәи ашықәсқәа рзы амшцәгьақәа раан аҩнқәа жәпакы  рхыбқәа ақәа рызнымкыло иалагеит,   уи иахҟьаны ауааҧсыра руадақәа аҧхасҭа роуит.

Араион анапхгара иазгәаҭаны ирымоуп Аҧсны ахада ақалақь амшныҳәа аан,  Тҟәарчал иагыу-иабзоу аҟаҵаразы ҳамҭас иаиҭаз миллионк мааҭ аҧара ахәҭак еиҳа зҭагылазаашьа уашәшәыроу ахыбқәа реиҭашьақәыргылара иахҭнырҵарц.  

Ижәбо авидеонҵамҭа ҟаҵан амшцәгьа аан. Аҧсилаа рымҩаду аабатәи аҩны аҟны дынхоит, ҧшьынҩажәи жәаҩа шықәса зхыҵуа атәанчаҩы. Ақәа анауа, аҩны ахыб икылсны абырг луада аӡы ҩналоит.
Алина Ҳашҧҳа зыӡбахә ҳамоу   аҩны, аҩбатәи аихагыла аҟны дынхоит. Лара илҳәоит, ахҧатәи аихагыла иҩнало аӡы зегьы луадахь ишылбаауа.

Иааидкылан, Тҟәарчал ақалақь иахьаҵанакуа иҟоуп ҧшьынҩажәи жәохә ҩнеихагыла. Урҭ рхыбқәа хәышықәса раҧхьа  Урыстәыла Аҧсны иазыҟанаҵо афинанстә цхыраара аҳәаақәа ирҭагӡаны, еиҭашьақәыргылан.  Ҳазну аамҭазы урҭ аҩнеихагылақәа реиҳарак рхыбқәа ақәа ркылсуеит.  

Ақалақь ауааҧсыра ражәақәа рыла,  Тҟәарчал аҧсабаратә ҭагылазаашьа ҳтәыла егьырҭ аҭыҧқәа иреиҧшым. Лассы лассы ақәа леиуеит.  Аҧсилаа рымҩаду аҟны игылоу аҩны иаарласны аиҭашьақәыргылара аҭахны иҟоуп. Излажәбо ала, ахыб аҟынтәи ақәаӡы зҭаланы илеиуа атрубақәа ҭшәоуп,  аӡы рхыҽҽан ицоит, аӡын аамҭазы асы рзынкылом.

Тҟәарчал ақалақь акоммуналтә усбарҭа аиҳабы иажәақәа рыла, ҧшьынҩажәи жәохә ҩнеихагыла рҟынтәи реиҳарак рхыбқәа аиҭашьақәыргылара рҭахны иҟоуп. Хыхь ишаҳҳәаз еиҧш, ауааҧсыра ауадаҩрақәа рызцәырҵуеит амшцәгьақәа раан. Лассы лассы урҭ дрыцқьартә еиҧш аҭагылазаашьа рымам, иаҭахуп  имаҷымкәа ахарџь. Ауадаҩрақәа шыҟоугьы, акоммуналтә усбарҭа ахаҭарнакцәеи аргыларатә усбарҭа аусзуҩцәеи рхатәы мчқәа рыла аҩнқәа ирыцхраауеит. Абри аҩыза апроблема  ыҟоуп акультура аҩны ахыбраҿгьы. Иара актәи аихагылеи ахыби еиҭашьақәыргылан шықәсқәак раҧхьа. Уи анаҩс изныкымкәа аҧша ихнашәахьеит, араион анапхгара рымчала еиҭашьақәыргылан. Тҟәарчал араион ахада иазгәалҭеит, ақалақь аҟны зҭагылазаашьа уадаҩу аҩнқәа иаарласны ацхыраара шрыҭахо.  



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Август 2018
133
Аҧсны Ахада, Атәылахьчара аминистрра аколлектив дыдирдырит Аштаб Хада аиҳаб ҿыц Васили Луниов.
16 Август 2018
123
Мызкы инарзынаҧшуа Тҟәарчал ақалақь Џьанҭоу аҳаблаҟны ажрақәа мҩаҧыргоит Аҧсныи Урыстәылеи рархеологцәа.
16 Август 2018
142
Имҩаҧысит ҳтәыла еиуеиҧшым араионқәа рҟынтә ауаажәларратә еиҿкаарақәа злахәыз аиҧылара.
16 Август 2018
109
Васили Луниов Аҟәаҟа даанӡа, Алжир арратә бжьгаҩыс дыҟан.
15 Август 2018
93
15 Август 2018
75
Араҟа еизгаз аҧара афонд« Ашана »иахыҧхьаӡалахоит .
Загрузка плеера
Алаҳәарақәеи адныҳәаларақәеи
АГТРК