Амармалташьтə пты.

13.09.2017
633

Аҵыхәтәантәи ашықәсқәа рзы Аҧсны аҩныҵҟа ашәыри ауҭраҭыхи аҧхасҭа ҕәҕәа рнаҭо иалагеит  амармалташьтә пты ҳәа  изышьҭо  ахәаҷа хкы.    Ҳтәылаҿы уи  мҽхакы  ҭбаала  аҿиара  амоурц азы инагӡоу аусурақәеи, ҳтәыла ақалақьқәеи араионқәеи рҟынтә  ақыҭанхамҩа аҟәшақәа рхаҭарнакцәеи, аекологцәеи, жәларбжьаратәи агәыҳалалратә еиҿкаара « Амлакра иаҿагылоу » аспециалистцәеи еилахәны “астол гьежь” мҩаҧыргеит.

Аилатәараҿы, аҳәаанырцәтәи аспециалистцәа  алацәажәеит амармалташьтә пты  ҳәа изышьҭоу аҧхасҭа ҟазҵо ахәаҷа  хәымз  ирылагӡаны аҭҵаара ишаҿыз атәы.

Имҩаҧыргоз агәаҭарақәа раан, Гал, Ҭҟәарчал, Очамчыра, Гәылрыҧшь, Аҟәа рраионқәа рҿы иргылан ҧшьышәи ҩынҩажәижәаба рҟынӡа апты зкуа ачалтқәа, иарбан ҭыҧу еиҳарак ахәаҷа ахьаанахәаз аилкааразы.
  
Мрагыларахьтәи ахәҭаҿы иҟаҵаз амониторинг иаанарҧшит, амармалташьтә пты ахыҧхьаӡара ҧхынгәи  нанҳәамзеи, ашәыри  ауҭраҭыхи аҟалара рҽаназыркуа аамҭазы, акырӡа ишырацәаз. Ари аамҭахәҭазы, апты еиҳарак аҧхасҭа Гал араион ишанаҭаз атәы арбан. Уаҟа изызҳауаз араса аҽаҩра ҵыҧх аҧхасҭа ирнаҭаз аасҭа сынтәа ҩынтә еиҳахеит.

Ақыҭанхамҩа аминистрра Гал, Очамчыра, Ҭҟәарчал рраионқәа рҿы ахәаҷа еиҳа иахьаанахәаз аҭыҧқәа рҟны ахәышәтәра  мҩаҧыргеит, аха ус еиҧш иҟоу ахәшә аҵиаақәеи  ашәаҧыџьаҧи хәынтә инеиҳаны ирықәҭәатәуп.

Аилатәара алахәылацәа иазгәарҭеит, аҧхасҭа зырҿио апты аҭҵааразы раҧхьатәи ашьаҿақәа шыҟаҵоу, аха излалшо ала уи аҿиара аанкылара заанаҵы ишалагатәу.

Ас еиҧш иҟоу, аҧхасҭа зырҿио ахәаҷа азҵаара иаарласны ианыӡбамха, ҳтәыла ақыҭанхамҩа ааха ду аиуеит ҳәа азгәарҭеит, “астол гьежь” аҿы.

Саид Џьарсалиа  Алықьса Агәхаа АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15 Август 2018
70
15 Август 2018
59
Араҟа еизгаз аҧара афонд« Ашана »иахыҧхьаӡалахоит .
15 Август 2018
63
Уи иазыҧҵәоу аамҭа иалагӡаны апаспорт аиуразы ашәҟәқәа алазымҵаз ирымоу рдокументқәа амч рцәыӡуеит.
15 Август 2018
57
Аҧсны ахадареи аибашьра аветеранцəеи ашәҭқәа шьҭарҵеит хатәгәаҧхарала иҳацхраауаз иҭахаз рбаҟа амҵан.
14 Август 2018
41
Загрузка плеера
Алаҳәарақәеи адныҳәаларақәеи
АГТРК