Имҩаҧысит Аҧсуа-абаза етнос аҿиара ацхырааразы, Жәларбжьаратәи аидҵа «Алашара» апрограмма аҳәаақәа ирҭагӡаны,абызшәа ашьҭыхразы иҿыцу апроект аӡыргара.

13.09.2017
328

Имҩаҧысит Аҧсуа-абаза етнос аҿиара ацхырааразы, Жәларбжьаратәи  аидҵа «Алашара»  апрограмма  аҳәаақәа ирҭагӡаны,абызшәа ашьҭыхразы иҿыцу апроект аӡыргара. Абызшәақәа рыҿиашьеи урҭ реиқәырхареи, архивтә материалқәа реизгареи уҳәа хықәкыс измоу  апроект алҵшәақәа ртәы  иазааҭгылеит апресс-конференциаҿы.

Ҳхатәы бызшәа адырра аганахь ала ахьысҳарақәа шыҟоу аӡәгьы изыҳәан имаӡаӡам. Аҧсуа-абаза етнос аҿиара ацхырааразы, жәларбжьаратәи  аидҵа «Алашара» имҩаҧнагахьеит имаҷымкәа апроектқәа. Уажәы апроект ҿыцқәа рынагӡара напы адыркуеит. Аҧсуа бызшәа ашьҭыхразы иазгәаҭаны ирымоу апроектқәа руак дазааҭгылеит жәларбжьаратәи  аидҵа «Алашара» ахада  Муса Екзеков.

Абызшәа адырра аганахь ала еиҳарак ауадаҩра ахьыҟоу ақалақь аҿы ауп, ақыҭақәа рҟны макьаназы ҳбызшәа аҧсы ҭоуп. Аҵыхәтәантәи аамҭазы апроект алахәылацәа имҩаҧыргаз Аҟәа аҧсуа хәыҷбаҳчақәа ҧшьба рҟны аҭҵаарақәа иаадырҧшит, зхатәы бызшәала ицәажәо ахәыҷқәа ҩажәи жәаба-, ҩынҩажәа процент ишреиҳам. Апресс-конференциа иалахәыз ражәақәа рыла, ари аҭагылазаашьа уаршәартә иҟоуп.

Апресс-конференциа алахәылацәа иазгәарҭон, аҧсуа бызшәа аиқәырхаразы мҽхакы ҭбаала аусурақәа шымҩаҧгалатәу. Ари азҵаара аӡбара амилаҭ зегьы адгылара арҭар шакәу.

Наала Чхьынџьериаҧҳа, Асҭамыр Гәажәба, АТ.



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Февраль 2018
57
Аҭыжьымҭаҿы:Аҟәатәи араионтә еизара адепутатцәа араион ахада икандидатура иадгылеит.
16 Февраль 2018
65
Аспециалистцәа ражәақәа рыла, апальма зфо абжы ҟаҧшь уажәнатә иаанкыламзар, егьырҭ аҭыҧқәа рахь ииасыр алшоит.
16 Февраль 2018
55
Даҽа шәахтәк иалацәажәан Аҧсны аусдкылаҩцәа рассоциациа ахаҭарнакцәеи Жәлар реизара адепутатцәеи, аекономика аминистрреи, абизнес уааи злахәыз астол гьежь аҟны.
15 Февраль 2018
204
14 Февраль 2018
195
Загрузка плеера
Алаҳәарақәеи адныҳәаларақәеи
АГТРК