Цәыббрамза жәаҩа рзы ихацыркын ауарҕантә музыка ахәылҧазқәа.

13.09.2017
355

Цәыббрамза  жәаҩа  рзы ихацыркын    ауарҕантә  музыка  ахәылҧазқәа. Сынтәа Пицундатәи   ауахәама      аконцерттә зал  аҿы имҩаҧысуаз ахәбатәи жәларбжьаратәи афестиваль иубилеитәуп.   Иара иаман егьырҭ изларылукаауаз ҷыдарак.

Ахәбатәи  Жәларбжьаратәи  афестиваль « Ауарҕантә  хәылҧазқәа » сынтәа  иаатит  иҿыцны иаҧҵоу  Ҧицундатәи  аорҕан  иазкыу агимн ала . Агимн аҧиҵеит Аҧсны жәлар рартист , Аҧсны Аҳәынҭқарратә  хортә капелла анапхгаҩы  Нодар Ҷанба . Иара иазгәеиҭеит , аҧсуа культура аҿиараҿы , аҧсуа рҿиамҭақәа егьырҭ ажәларқәа дырҳаразы , ари  афестиваль аҵакы  шдуу  . Арахь иааҧхьоуп  Урыстәыла , Австриа , Германиа  аҳәынҭқаррақәа рҟынтәи ауарҕан  азырҳәо  артистцәа .

Афестиваль  аартуа ,    Аҧсны  Аҳәынҭқарра акультуреи  Аҭоурыхтә  культура ҭынха ахьчареи рминистр  Ельвира   Арсалиаҧҳа  илҳәеит , ари  афестиваль  шныҳәа  дуу  ҳмузыка  акультуратә  ҧсҭазаараҿы
Ауарҕантә  музыка  доуҳала  дарбеиоит  иазыӡырҩуа . Идунеихәаҧшышьа  арҵаулоит . Аконцерт ахь иааиз ахәаҧшцәа зегьы , иумбар залшомызт   ргәалаҟазаара  шышьҭнахыз . Азал  аҿы   уҧсы ушьон ,ауаҩы  иҧсҭазаараҿы  изымхо  ҩныҵҟала ҭынчрак  узцәырҵуан .

Ауарҕантә  ҧҵамҭақәа  зегьы  ҟазара ҳаракыла инагӡан.  Ахрашәа ашьҭахь , ахәаҧшцәа  акыраамҭа рнапеинҟьабжьқәа  еихсыҕьуамызт . Ашәа  наигӡеит  аоператә  шәаҳәаҩы  Родион Хагба , ауарҕан  аҿы дыхәмаруан  афестиваль  аиҿкааҩ , Аҧсны жәлар рартист  Марина Шамҧҳа  .

Афестиваль   аҿы   иқәгылеит  Урыстәылатәи  артистцәа –Алексеи Семионов , Сергеи Будкеев , Владимир Хомиаков  уҳәа егьырҭгьы . Клеопатра лхаҿсахьа налыгӡеит  Кристина Ешҧҳа , арфаҿы дыхәмарит Елена Ҳагҧҳа , ауарҕан аирҳәон  Лука Гаделиа .

Афестиваль раҧхьаӡа акәны еиҿкаан 1977  шықәсазы . Анаҩс Марина Шамҧҳа лыбзоурала  , 2011  шықәсазы , Ҧицундатәи  аорҕан  аиҭашьақәыргылара ашьҭахь , афестиваль      иацҵахеит. Абар хәышықәса ҵуеит  ес-ҭагалан  , цәыббрамзазы  афестиваль еиҿыркаауеижьҭеит . «Ауарҕантә хәылҧазқәа » захьӡу  афестиваль   мҩаҧыслоит  цәыббрамза 17 нӡа . Есыҽны иҿыцу апрограммақәа рыдгалахоит  ахәаҧшцәа .

Дениза Гьергьиаҧҳа , Асҭамыр  Гәажәба,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Февраль 2018
101
19 Февраль 2018
123
Аҭыжьымҭаҿы:Имҩаҧысит Жәлар реизара асессиа изаамҭанытәым аилатәара.
19 Февраль 2018
137
Иара еиҿкаан АҞәа иҟоу «Москва аҩни» араион ахадареи рымч ала.
19 Февраль 2018
154
Иазгәаҭаны ирымоуп х-километрак рҟынӡа амҩа аҟаҵара.
19 Февраль 2018
129
Ааҧынтәи асессиа актәи аилатәараҿы Аконституциатә усӡбарҭа ахәбатәи аӡбаҩыс далхын Алиса Бигәаа.
16 Февраль 2018
149
Аҭыжьымҭаҿы:Аҟәатәи араионтә еизара адепутатцәа араион ахада икандидатура иадгылеит.
16 Февраль 2018
152
Аспециалистцәа ражәақәа рыла, апальма зфо абжы ҟаҧшь уажәнатә иаанкыламзар, егьырҭ аҭыҧқәа рахь ииасыр алшоит.
Загрузка плеера
Алаҳәарақәеи адныҳәаларақәеи
АГТРК