Ашәҟәыҩҩы Владимир Занҭариа ишәҟәқәа хҧа рӡыргара мҩаҧысит.

14.09.2017
542

Аҵыхәтәантәи ашықәсқәа рзы аус зыдуланы Владимир Занҭариа иҭижьыз хы-шәҟәык рахьтә, руак «Бзанҵы» ҳәа хьӡыс измоу иажәеинраалақәа реизга Дырмит Гәлиа ихьӡ зху аҳәынҭқарратә премиа иаҧсахеит.

 Ашәҟәқәа рыхҧагьы рӡыргара мҩаҧысит Аҧсуаҭҵааратә институт аҿы . Владимир Занҭариа аҧсышәала иҭыҵыз ишәҟәы «Бзанҵы» Дырмит Гәлиа ипремиа занашьоу ианылаз ажәеинраалақәа зегьы , автор ихаҭа излазгәеиҭо ала, афилософиатә ҟазшьа рымоуп. Уи ушықәсқәа цацыҧхьаӡа аҧсҭазаара иунаҭо аҧышәа иунарҵо дунеихәаҧшышьоуп, - иҳәеит автор . Автор иӡыригоз ашәҟәқәа ҩба «Дисциплина духа » , иара убас ашәҟәы «Ключевые мысли» ҭыҵит урысшәала. Инеизакны ашәҟәқәа рыхҧагьы хы –шықәса автор аҭыжьра иазирхион .

Владимир Занҭариа ирҿиара ҭбаауп, ҳәа азгәарҭеит аӡыргара иалахәыз. Иара убасгьы ,аҧсышәалагьы , урысшәалагьы зҿахәы аазырҧшуа , зыгәҭакы аҳәара зылшо поетны, шәҟәыҩҩны ихцәажәеит . Автор ишәҟәы ианылеит иара убас Саида Делҧҳа лажәеинраалақәа 27 , аоригинал аҟынтәи аурысшәахь еиҭаганы . Лара лхәыцшьа еиқәырханы , лажәеинраалаақәа реиҭагара илиршеит Владимир Занҭариа . Абри инаҷыданы , Владимир Занҭариа аурысшәа аҟынтәи аҧсшәахь еиҭеигахьеит аурыс классикцәа Лермонтов , Блок , Цветаева уҳәа рҩымҭақәа . Иара дравторуп акымкәа –иҩбамкәа апоезиатәи , апрозатәи ашәҟәқәа . 

Ауаажәларратә усқәеи аҟазареи баҩхатәрала еилазыгӡо , иахьатәи ишәҟәқәа рӡыргара аринахысгьы ишацҵахо агәаанагара узцәырнагоит . Избанзар, Владимир Занҭариа еиҧш иҟоу ауаа , изну рырҿиартә мҩа нҵәашьа ақәым , - ҳәа азгәаҭан аӡыргараҿы.

 Дениза Гьергьиаҧҳа , Леон Адлеиба

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Август 2018
137
Аҧсны Ахада, Атәылахьчара аминистрра аколлектив дыдирдырит Аштаб Хада аиҳаб ҿыц Васили Луниов.
16 Август 2018
125
Мызкы инарзынаҧшуа Тҟәарчал ақалақь Џьанҭоу аҳаблаҟны ажрақәа мҩаҧыргоит Аҧсныи Урыстәылеи рархеологцәа.
16 Август 2018
146
Имҩаҧысит ҳтәыла еиуеиҧшым араионқәа рҟынтә ауаажәларратә еиҿкаарақәа злахәыз аиҧылара.
16 Август 2018
111
Васили Луниов Аҟәаҟа даанӡа, Алжир арратә бжьгаҩыс дыҟан.
15 Август 2018
93
15 Август 2018
77
Араҟа еизгаз аҧара афонд« Ашана »иахыҧхьаӡалахоит .
Загрузка плеера
Алаҳәарақәеи адныҳәаларақәеи
АГТРК