Аҧыза-министр Беслан Барцыц ихантәаҩрала имҩаҧысит Аҧсны аиҳабыра реилазаара аилатәара.

15.09.2017
469

Аҧыза-министр Беслан Барцыц ихантәаҩрала имҩаҧысит Аҧсны аиҳабыра реилазаара аилатәара. Изхәаҧшуаз азҵаарақәа рхыҧхьаӡараҿы иҟан 2017-2019 шықәсқәа рзы аинвестициатә программа ахархәашьа , аҳәынҭқарратә абызшәатә политиказы аилак ажәалагалақәа. 

Иара убасгьы аиҳабыра рықәҵарала зсоциалтә ҭагылазаашьа уадаҩу жәаҩа ҭаацәара ауадақәа рырҭеит АҞәа. Аҧсны Аҧыза - министр Беслан Барцыц аиҳабыра реилатәара аартуа, иазгеиҭеит, ақәҵарақәа рыпроектқәа заа аминистрцәа ишрыҭаз. 

Ажәалагала ҿыц рымамзар, аусура ишалаго. Аиҳабыра ахәаҧшит, асоциалтә ҧгаҧсеи аџьа ахьчареи афонд абиуџьет азы уаанӡатәи рықәҵара аҧсахра алагалара азҵаара. Амиран Какалиа убасгьы иҳәеит , афонд аҟнытә ахшара зауа хҧа- хҧа нызқь рызшәара аус ишацҵо. Аҧыза- министр сынтәеи - ҵыҧхи ииз ахәыҷқәа рхыҧхьаӡара еиҟароума , ҳәа азҵаара аҭакс афонд ахантәаҩы иҳәеит 2017- шықәсазы ииз рхыҧхьаӡара 12- 13 процент рыла ишазҳаз.

Аиҳабыра алахәылацәа напҩахарала ари афонд абиуџьет аҧсахрақәа аларгалеит аизырҳара ахырхарҭала. Аиҳабыра реилазаараҿы убасгьы аҧсахрақәа алагаланы ишьақәдырҕәҕәеит 2017-2019 шықәсқәа Аҧсны асоциал- економикатә рҿиаразы аинвестициатә программа ахархәашьазы. Ақәҵарақәа рҟны иарбоуп апрограмма ахырхарҭақәа, иназыгӡоу рзы ҧҟарақәас ишьақәыргылоу Аҧсныи Приденстровиа – Молдаваитәи ареспубликеи аиҩызареи аусеицуреи рыбжьаҵаразы аиқәшаҳаҭра Аҧсны Ахада инапы аниҵырц ажәалагала ҟарҵеит аиҳабыра. Ари ашәҟәы еиқәыдршәеит адәныҟатәи аусқәа рминистрраҿы. Беслан Барцыц иҳәеит, аиааира ду амшныҳәа ҩажәи ҧшьба шықәса ахыҵра азгәаҭара ихы алаирхәраны дшыҟоу Придестровиа- Молдавиатәи ареспублика ахада. Иалшоит усҟан аиқәшаҳаҭра анапы аҵаҩра мҩаҧгахар. 

Аҧсны аҳәынҭқарратә усбраҭақәа рҟны ахархәара иалагароуп акод змоу аҧсуа бызшәа асимволқәа. Аиҳабыра убасгьы ишьақәдырҕәҕәеит абызшәатә политиказы ахеилак ҩнызқьи жәибыжь шықәса рзы имҩаҧнагаз аусқәа. Арҵага- методикатә литературеи, атерминалтә жәарқәеи аиҭагақәеи , абызшәатә политика ахеилак ала еиқәзыршәо ргонарар ашьҭыхра азҵаара иалацәажәеит. Иахьазы уи акыр имаҷын. Аиҳабыра реилатәараҿы убасгьы ирыхәаҧшит аҳәынҭқарартә мал ашәҟәы аҭагалара аҧҟарақәа рызҵаара. Ҷыдала иалацәажәан асоциалтә хьчара зҭахыу рынхарҭақәа рҭагылазаашьа аиҕьтәра. Ақәҵара рыдыркылеит асеиҧш иҟоу аҭаацәарақәа жәаҩа ауадақәа рыҭаразы. Аиҳабыра реилатәараҿы ирылацәажәеит егьырҭ азҵаарақәагьы. Иара убасгьы Аҧсны аҿартә политиказы ахеилак аиҳабы ихаҭыҧуаҩ Денис Соломко имаҵзура аҟнытә ихы дақәиҭтәын, хаҭала ииҩыз арзаҳал инақәршәаны.

 Д.Инаҧшьба, С. Агәхаа ,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
22 Маи 2018
68
Астудиа «Ама Рекордс» амузыкантцәа ҿыц аус рыдырулеит ижәытәӡатәиу аҧсуа жәлар рашәақәа.
22 Маи 2018
69
Уи авторс дамоуп, апрофессор, ажурналист, афилологиатә наукақәа рдоктор Екатерина Бебиаҧҳа.
22 Маи 2018
52
Ашкол анапхгара ауадақәа руак аҿы еиҿыркааит Кьыршьал Чачхалиа ифотоцәыргақәҵа.
22 Маи 2018
61
Урҭ аҕба маҷқәеи анышьқәеи зырныҟәо азин рымоу ирымаму еилыркаауеит.
21 Маи 2018
19
Аҭыжьымҭаҿы:Аибашьра аасҭа еицәахаз. Аҧсны иазгәарҭоит Кавказтәи аибашьра иалаӡыз ргәаларшәара амш.
21 Маи 2018
11
Иҟаҵатәузеи ақалақь ахьчаразы? Иактуалтәу анҵамҭа.
Загрузка плеера
Алаҳәарақәеи адныҳәаларақәеи
АГТРК